ကချင်ပြည်နယ်အတွင်း တင်းမာမှုတွေ ပိုဖြစ်နေ
2012.05.28
ကချင်လွတ်မြောက်ရေး တပ်မတော် (KIA) ၏ လက်ရှိ ဌာနချုပ်တည်ရာ လိုင်ဇာမြို့ စစ်ရေးပြ အခမ်းအနားတခုတွင် လက်နက်ကိုင် ကချင်စစ်သည်များကို တွေ့ရသည့် မှတ်တမ်းပုံ
ဖားကန့်ဒေသမှာ စနေနေ့က တိုက်ပွဲတွေ ဖြစ်ပွားခဲ့ပြီးနောက်ပိုင်း တပ်စွဲထားတဲ့ ခလရ (၁၆) က စစ်သည် (၉၀) လောက်ကို ဒေသခံ ရှမ်းစုရွာသားတွေက နေ့စဉ် ထမင်းထုတ် ပို့နေရတယ်လို့ ဒေသခံတွေက ပြောပါတယ်။ ဒီကနေ့မှာတော့ တိုက်ပွဲဖြစ်ပွားမှု မရှိဘူးလို့ ဆိုပါတယ်။
ဒီအတောအတွင်း ကချင်ပြည်နယ်နဲ့ အိန္ဒိယနယ်စစ်အနီး ချီဗွေယံ-နမ့်ယွန်းဒေသမှာ လွန်ခဲ့တဲ့ (၆) ရက်လောက် ကစလို့ ဒေသခံ အာဏာပိုင်တွေက မော်တော်ကားတွေကို အဓမ္မ ချောဆွဲနေတဲ့အတွက် ကားပိုင်ရှင်တွေ အခက်အခဲ တွေ့နေတယ်လို့ သိရပါတယ်။
မောင်းလို့မရတော့တဲ့ စစ်တပ်သုံးကားတွေကို မြစ်ကြီးနားမြို့ကို ပို့ဆောင်ဖို့အတွက် နမ့်ယွန်းအခြေစိုက် ခမရ (၁၂၆) က ခေါ်ယူ ခိုင်းစေနေတာလို့ ကားပိုင်ရှင်တစ်ဦးက ပြောပါတယ်။
အလားတူ လားရှိုး မူဆယ် ကားလမ်းကို ဒီကနေ့ ပိတ်မယ်ဆိုတဲ့ သတင်းတွေ ထွက်ပေါ်နေပေမဲ့ အတည်ပြုချက် မရရှိပါဘူး၊။ ဒီကားလမ်းတလျှောက် KIO တပ်မဟာ ၄ က ပစ်ခတ်မယ်ဆိုတဲ့ ခြိမ်းခြောက်မူတွေ ရှိတယ်လို့ ကုန်သည်တွေက ပြောပါတယ်။
ဒီကိစ္စနဲ့ပတ်သက်ပြီး တပ်မဟာ ၄ က အရာရှိတစ်ဦးကို မေးကြည့်ရာမှာ အစိုးရ စစ်သားတွေဟာ အရပ်သားကားတွေ သုံးနေတာကြောင့် ဖြစ်တယ်လို့ ပြောပါတယ်။
“ စစ်သားတွေက အရပ်ဝတ်စုံတွေနဲ့ အရပ်ကား ဒိုင်နာတို့၊ ကုန်တင်ကားတို့မှာ စီးသလိုလို ဘာလိုနဲ့ ရုတ်တရက် လမ်းမှာ သူတို့ကြိုက်တဲ့နေရာမှာ ဆင်းပြီး ကြိုက်တဲ့နေရာကနေဝင်ပြီး ကျွန်တော်တို့ကို ဝင်ဝင်တိုက်တာကိုး။ ဒီလိုအကြောင်းကြောင့် ကျွန်တော်တို့တပ်မတော် ရင်း ၉ တွေ၊ ရင်း ၂ တွေအတိုက်ခံနေရတယ်”
ဒီကိစ္စနဲ့ ပတ်သက်ပြီး အာဏာပိုင်တွေဘက်ကို တရားဝင် မေးမြန်းခွင့်မရသလို KIO ဘက်ကိုလည်း တရားဝင် မေးမြန်းခွင့် မရရှိသေးပါဘူး။
ဖတ်ရှုသူအများဆုံး သတင်းများ။
RFA
- KNA ခေါင်းဆောင် စောချစ်သူ နဲ့ သားနှစ်ဦးကို အမေရိကန် ပိတ်ဆို့အရေးယူ
- ဖယ်ခုံမှာ တရုတ်ကုမ္ပဏီ စက်ယန္တရားကြီးတွေနဲ့ သတ္တုတူးဖော်မှု ဒေသခံတွေကန့်ကွက်
- ငလျင်ကြောင့် သေဆုံးသူအရေအတွက် ဆက်လက်မြင့်တက်နေ
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၂ ရက်)
- စဉ့်ကူးမြို့နယ်မှာ ဗုံးကြဲတိုက်ခိုက်လို့ တစ်ဦးသေဆုံး၊ လေးဦးဒဏ်ရာရ
ဖတ်ရှုသူအများဆုံး သတင်းများ။
သတင်းများ
