လက်ပန်းတောင်းမှာ ဒေါ်အောင်ဆန်း စုကြည် မိန့်ခွန်းပြော
2012.11.29
တရားဥပဒေစိုးမိုးရေးနဲ့ တည်ငြိမ်အေးချမ်းရေးကော်မတီ ဥက္ကဌ ဒေါ်အောင်ဆန်းစုကြည် လက်ပန်းတောင်းတောင် ကြေးနီစီမံကိန်းနယ်မြေအနီးက ကံကန်ကုန်းကွင်းပြင်မှာ ဒေသခံပြည်သူတွေနဲ့ တွေ့ဆုံစဉ်
ဒေါ်အောင်ဆန်းစုကြည်ဟာ လက်ပန်းတောင်းတောင် အနီးက ကံကုန်းလို့ခေါ်တဲ့ ကွင်းပြင်မှာ ပြည်သူလူထုတွေကို ၁၀ မိနစ်ကျော်ကြာ မိန့်ခွန်းပြောကြားခဲ့ပါတယ်။
ဒေါ်အောင်ဆန်းစုကြည်ဟာ လက်ပန်းတောင်းတောင် ကြေးနီစီမံကိန်းကို လုပ်ကိုင်ဆောင်ရွက်နေတဲ့ မြန်မာဝမ်ပေါင်ကုမ္မဏီက တာဝန်ရှိသူတွေနဲ့ ဒီကနေ့ညနေမှာ တစ်နာရီကျော်ကြာ တွေ့ဆုံဆွေးနွေးခဲ့ပေမယ့် ဒီကနေ့ ဟောပြောတဲ့ မိန့်ခွန်းမှာတော့ ဝမ်ပေါင်ကုမ္မဏီနဲ့ တွေ့ဆုံဆွေးနွေးခဲ့တာတွေကို ထည့်သွင်းပြောကြားခြင်း မရှိခဲ့ပါဘူး။
ဒေါ်အောင်ဆန်းစုကြည်ဟာ မုံရွာဆေးရုံမှာကုခံနေရတဲ့ ဒဏ်ရာရ သံဃာတွေကို သွားရောက်ဖူးတွေ့ အားပေးခဲ့ပါတယ်။ သောကြာနေ့ မနက်မှာလည်း ချင်းတွင်းမြစ် ရဲ့ မုံရွာဘက်ခြမ်းက သဲသောင်ပြင်မှာ မိန့်ခွန်းပြောကြားဖို့ စီစဉ်ထားပါတယ်။
ဒါ့ပြင် လက်ပံတောင်းတောင်ကြေးနီစီမံကိန်း အနီး ကျေးရွာ (၄) ရွာက ဒေသခံတွေ၊ သပိတ်စခန်းတွေဖြိုခွဲ ခံရတာကို ကိုယ်တိုင်တွေ့ကြုံခဲ့သူတွေ နဲ့ တွေ့ဆုံဖို့ အပြင်၊ သပိတ်စခန်းတွေဖြိုခွဲရေးနဲ့ပတ်သက်တဲ့ ပုဂ္ဂိုလ်တွေ နဲ့လည်း တွေ့ဆုံဖို့တောင်းဆိုထားတယ်လို့ NLD လွှတ်တော်အမတ် ဦးအုန်းကြိုင် က ပြောပါတယ်။
ဒီအတွင်း ဒေါ်အောင်ဆန်းစုကြည် ဟာ လာမယ့်နှစ် ဇန်နဝါရီလ (၃၀) ရက်နေ့မှာ တောင်ကိုးရီးယားနိုင်ငံကို သွားရောက်ဖွယ်ရှိပါတယ်။ ၂၀၀၄ခုနှစ်အတွက် တောင်ကိုရီးယားကအပ်နှင်းတဲ့ Gwangju လူ့အခွင့်အရေးဆု ကို လက်ခံဖို့ဖြစ်ပါတယ်။
အလားတူ သမ္မတ ဦးသိန်းစိန် ဟာလည်း သြစတေးလျ အစိုးရရဲ့ ဖိတ်ကြားချက် အရ လာမယ့် ဒီဇင်ဘာလ (၁၀) ရက်နေ့မှာ သြစတေးလျနိုင်ငံ ကို နှစ်ရက်ကြာ သွားရောက်မယ်လို့ သိရပါတယ်။
ဖတ်ရှုသူအများဆုံး သတင်းများ။
RFA
- KNA ခေါင်းဆောင် စောချစ်သူ နဲ့ သားနှစ်ဦးကို အမေရိကန် ပိတ်ဆို့အရေးယူ
- ဖယ်ခုံမှာ တရုတ်ကုမ္ပဏီ စက်ယန္တရားကြီးတွေနဲ့ သတ္တုတူးဖော်မှု ဒေသခံတွေကန့်ကွက်
- ငလျင်ကြောင့် သေဆုံးသူအရေအတွက် ဆက်လက်မြင့်တက်နေ
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၂ ရက်)
- စဉ့်ကူးမြို့နယ်မှာ ဗုံးကြဲတိုက်ခိုက်လို့ တစ်ဦးသေဆုံး၊ လေးဦးဒဏ်ရာရ
ဖတ်ရှုသူအများဆုံး သတင်းများ။
သတင်းများ
