လက်ပံတောင်းအရေးလှုပ်ရှားသူ ကိုသော်ဇင် လွတ်မြောက်


2014.09.26
ကိုသော်ဇင်နဲ့ မေးမြန်းချက်
နားထောင်ရန် အသံဖိုင်ယူရန်

တရုတ်ဝမ်ပေါင်နဲ့ စစ်တပ်ရဲ့ ဦးပိုင်ကုမ္ပဏီတို့ဆောင်ရွက်နေတဲ့ လက်ပံတောင်းတောင်ကြေးနီ စီမံကိန်းဒေသကရွာတွေမှာ ပြီးခဲ့တဲ့နှစ်ဧပြီလက ဒေသခံတွေရဲ့ ထွန်တုံးတိုက်ပွဲကို ဦးဆောင်တယ်လို့ စွပ်စွဲပြီး ထောင်ချခံထားရတဲ့ မြန်မာနိုင်ငံ ဝိဇ္ဇာသိပ္ပံတက္ကသိုလ်ကျောင်းသားများကွန်ရက်က ကိုသော်ဇင်ကို လွတ်ရက်စေ့တဲ့အတွက် မုံရွာအကျဉ်းထောင်ကနေ ဒီနေ့ ပြန်လွှတ်ပေးလိုက်တယ်လို့ သိရပါတယ်။

ဒါနဲ့ပတ်သက်လို့ ကိုသော်ဇင်က RFA ကိုအခုလိုပြောပါတယ်။

"ချတုန်းက ၁ နှစ်နဲ့ ၃ လဗျ၊ အားလုံးပေါင်းကို ၁၅ လချတာကို ၆ လ အယူခံတင်တယ်ပေါ့ဗျာ၊ ပုဒ်မ ၁၈၈ ကို အယူခံတင်နိုင်ပြီးတော့ ပယ်လိုက်တယ်"

ကိုသော်ဇင်ဟာ လက်ပံတောင်းတောင်ဒေသခံတွေကို ကူညီခဲ့တာမှန်ပေမဲ့ တရားလိုတွေစွပ်စွဲတဲ့ ၂၀၁၃ ဧပြီလက ထွန်တုံးတိုက်ပွဲကို သူဦးဆောင်တဲ့ဆိုတဲ့ကိစ္စဟာ မှန်ကန်မှုမရှိဘဲ အဲဒီအချိန်က သူရန်ကုန်မှာပဲရှိနေတာလို့ပြော ပါတယ်။

အဲ့ဒီလက်ပံတောင်းဒေသခံတွေကို ကူညီမှုနဲ ပဲ ထောင်ဒဏ် ၃ နှစ်ခွဲ ချမှတ်ခံထားရတဲ့ သူတို့အဖွဲ့က ကိုအောင်စိုး ကတော့ မန္တလေးအကျဉ်းထောင်မှာ ကျန်နေသေးသလို၊ ဝရမ်းပြေးကြေညာခံထားရသေး တဲ့သူတွေက ၆ ယောက်ရှိတယ်လို့ဆိုပါတယ်။

ကိုသော်ဇင်ကို RFA ဝိုင်းတော်သား ကိုနေရိန်ကျော် ဆက်သွယ်မေးမြန်းထားတာ နားဆင်နိုင်ပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။