မိုးကုတ်ဒေသခံ ကျောက်လုပ်ငန်းသမားတွေ အခွင့်အရေးရရှိမယ်လို့ အစိုးရကတိပေး
2012.11.20
ဒေသခံ မိုးကုတ်မြို့ အနောက်ပိုင်းဖွံ့ဖြိုးတိုးတက်ရေးအဖွဲ့ဝင် (၃၀၀) ကျော်ဟာ သတ္ထုတွင်းဝန်ကြီးဌာန ပြည်ထောင်စုဝန်ကြီးဒေါက်တာမြင့်အောင်၊ မန္တလေးတိုင်းဒေသကြီး ဝန်ကြီးချုပ် ဦးရဲမြင့်တို့နဲ့ နိုဝင်ဘာလ ၁၉ ရက်နေ့က တွေ့ဆုံခဲ့ပါတယ်။
အဲဒီ ဆွေးနွေးပွဲမှာ ဒေသခံတွေက ကျောက်တူးဖော်ရေးလုပ်ငန်းတွေနဲ့ ပတ်သက်တဲ့ တောင်းဆိုချက် (၇) ချက်ပါ စာတမ်းကိုဖတ်ပြပြီး၊ တင်ပြ တောင်းဆိုခဲ့တာဖြစ်ပါတယ်။
အဲဒီစာတမ်းပါအချက်တွေထဲက အချက်(၃)ချက်ကို အစိုးရ တာဝန်ရှိသူတွေဖက်က လိုက်လျောပေးခဲ့ပြီး ကျန်တဲ့အချက်တွေကိုလည်း စဉ်းစားဆောင်ရွက်ပေးသွားမယ်လို့ ပြောကြားခဲ့ကြောင်း တင်ပြသူတွေထဲမှာပါတဲ့ မရီရီထွန်းက RFA ကို ပြောပါတယ်။
ဒေသခံတွေ တောင်းဆိုတဲ့ အချက် (၇) ချက်ထဲက မိုးကုတ်မြို့က ကျောက်တူးဖော်ရေးလုပ်ငန်းတွေမှာ တပိုင်တနိုင် လုပ်ကိုင်နိုင်တဲ့လုပ်ကွက်တွေကို ခြောက်လတစ်ကြိမ် ခေါ်ယူပေးဖို့၊ မိုးကုတ်ဒေသက ထွက်ရှိလာတဲ့ တန်ဖိုးနည်းကျောက်တွေကို ဒေသတွင်းမှာပဲ မြန်မာကျပ်ငွေနဲ့ ပြန်လည်ရောင်းချပေးဖို့၊ နိုင်ငံတော်စီမံကိန်း ဧရိယာတွေထဲက ကျောက်တူးဖော်ရေး လုပ်ငန်းအကောင်အထည်မဖော်တဲ့ နေရာတွေမှာ ဒေသခံတွေကို ဦးစားပေး ပြန်လည်လုပ်ကိုင်ခွင့်ပေးဖို့ စတဲ့ သုံးချက်ကို လိုက်လျောပေးခဲ့တယ်လို့ သိရပါတယ်။
ဖတ်ရှုသူအများဆုံး သတင်းများ။
RFA
- KNA ခေါင်းဆောင် စောချစ်သူ နဲ့ သားနှစ်ဦးကို အမေရိကန် ပိတ်ဆို့အရေးယူ
- ဖယ်ခုံမှာ တရုတ်ကုမ္ပဏီ စက်ယန္တရားကြီးတွေနဲ့ သတ္တုတူးဖော်မှု ဒေသခံတွေကန့်ကွက်
- ငလျင်ကြောင့် သေဆုံးသူအရေအတွက် ဆက်လက်မြင့်တက်နေ
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၂ ရက်)
- စဉ့်ကူးမြို့နယ်မှာ ဗုံးကြဲတိုက်ခိုက်လို့ တစ်ဦးသေဆုံး၊ လေးဦးဒဏ်ရာရ
ဖတ်ရှုသူအများဆုံး သတင်းများ။
သတင်းများ
