မြန်မာ့တပ်မတော်ကို နာမည်ပျက်စာရင်း ကုလသမဂ္ဂ ထည့်သွင်း
2018.04.17
လွတ်လပ်ရေးနေ့မှာ စစ်ရေးပြနေတဲ့ တပ်မတော်သားတွေကို တွေ့ရစဉ်
Photo: RFA
ဒ့ါအပြင် Sultana ဆူလ်တာနာဆိုတဲ့ ရိုဟင်ဂျာ လူ့အခွင့်အရေး ရှေ့နေတဦးကလည်း ကုလသမဂ္ဂလုံခြုံရေးကောင်စီအနေနဲ့ ရိုဟင်ဂျာဒုက္ခသည်ပြသနာကို တားဆီးကာကွယ်နိုင်ခဲ့ခြင်း မရှိကြောင်း၊ ဒါကြောင့် အခုလို လိင်ပိုင်းဆိုင်ရာ အကြမ်းဖက်မှုတွေနဲ့ တခြားရာဇဝတ်မှုတွေဖြစ်ပွားခဲ့တာကို အရေးယူဖို့ နိုင်ငံတကာတရားရုံးကို လွဲပြောင်းပေးသင့်ကြောင်း လုံခြုံရေးကောင်စီ ဆွေးနွေးပွဲမှာ ပြောပါတယ်။ အဲဒီ ရှေ့နေက မြန်မာ့တပ်မတော်ဟာ အမျိုးသမီးတွေကို ရိုဟင်ဂျာလူမျိုးဖြစ်တဲ့အချက် တခုတည်းကြောင့် အုပ်စုဖွဲ့ အဓမ္မပြုကျင့်မှု၊ နှိပ်စက်ညှဉ်းပန်းမှုနဲ့ သတ်ဖြတ်မှုတွေ ကျူးလွန်ခဲ့ခြင်းဖြစ်ကြောင်း တင်ပြခဲ့တယ်လို့ ကုလသမဂ္ဂရဲ့ အင်္ဂါနေ့ ထုတ်ပြန်ချက်မှာ ဖေါ်ပြထားပါတယ်။
ဒီအတောအတွင်း နယူးယောက်အခြေစိုက် HRW လူ့အခွင့်အရေးစောင့်ကြည့်ရေးအဖွဲ့က ကြေညာချက်တစောင် မနေ့က ထုတ်ပြန်ခဲ့ရာမှာ ပဋိပက္ခဖြစ်ပွားရာဒေသတွေမှာ လိင်အကြမ်းဖက်မှုတွေ ကျူးလွန်ခဲ့ကြောင်း သံသယရှိတဲ့ အဖွဲ့အစည်းစာရင်းမှာ မြန်မာ့တပ်မတော်ကို ကုလသမဂ္ဂက ထည့်သွင်းခဲ့ပုံနဲ့ အခုလို မတော်မတရားပြုကျင့်မှုတွေ ကို ကျူးလွန်ခဲ့ခြင်းမရှိဘူးလို့ မြန်မာ့တပ်မတော်က ငြင်းဆိုကာ ထိထိရောက်ရောက် အရေးယူလေ့မ ရှိကြောင်း ဖေါ်ပြထားပါတယ်။ ဒီသတင်းနဲ့ ပတ်သက်ပြီး မြန်မာအစိုးရနဲ့ တပ်မတော်ဘက်က ထုတ်ပြန်ပြောဆိုချက် တစ်စုံတရာ မရရှိသေးပါဘူး။
ဖတ်ရှုသူအများဆုံး သတင်းများ။
RFA
ဖတ်ရှုသူအများဆုံး သတင်းများ။
သတင်းများ
- မေလကုန်အထိ အပစ်ရပ်သက်တမ်းတိုးကြောင်း စစ်ကောင်စီကြေညာ
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၆ ရက်)
- ထိုင်း-မြန်မာ နယ်စပ်က ဒုက္ခသည် တစ်သိန်းကျော် အငတ်ဘေးနဲ့ ကြုံနေရ
- ဝါရင့် ရခိုင်နိုင်ငံရေးသမား ဦးဦးလှစော ကွယ်လွန်
- ငလျင်ဘေးကာလ လေကြောင်းတိုက်ခိုက်မှုတွေကြောင့် ပြည်သူ ၂၇၀ ကျော် သေဆုံးကြောင်း NUG ထုတ်ပြန်