NLD ပါတီ အတွင်းရေးမှူးအဖွဲ့ဝင်တွေနဲ့ ပါတီကိုယ်စားလှယ်တွေ တေ့ွဆုံ

ကြားဖြတ်ရွေးကောက်ပွဲမှာ အနိုင်ရရှိရေး ဝိုင်းဝန်းဆောင်ရွက်ပေးကြဖို့နဲ့ လယ်ယာမြေပြဿနာတွေကို ဖြေရှင်းရာမှာ ပါဝင်ကြဖို့ အမျိုးသားဒီမိုကရေစီအဖွဲ့ချုပ်  အတွင်းရေးမှူးအဖွဲ့ဝင်တွေက ပါတီရဲ့လွှတ်တော်ကိုယ်စားလှယ်တွေကို တိုက်တွန်းခဲ့ပါတယ်။

ဒီနေ့ နေပြည်တော် လွှတ်တော်ဝင်းအတွင်းက ဇမ္ဗူသီရိခန်းမမှာ ပါတီလွှတ်တော်ကိုယ်စားလှယ်တွေနဲ့ တွေ့ ဆုံပြီး ပြောကြားခဲ့တာဖြစ်တယ်လို့ ပြည်သူ့လွှတ်တော်ကိုယ်စားလှယ် ဒေါ်ခင်စန်းလှိုင် က ပြောပါတယ်။  

လွှတ်တော်ကိုယ်စားလှယ်တွေအနေနဲ့ လွှတ်တော်မှာ မေးခွန်းနဲ့ အဆိုတွေတင်ပြဆွေးနွေးရာ မှာ တိုးတက်လာပေမယ့် ပိုမိုကြိုးစားဖို့ ပြည်သူ့လွှတ်တော်ဥက္ကဌ ဦးဝင်းမြင့်က ပြောခဲ့တယ်လို့လည်း သိရပါတယ်။

ဒီကနေ့ တွေ့ဆုံပွဲကို အမျိုးသားဒီမိုကရေစီအဖွဲ့ချုပ် NLD ပါတီ ဗဟိုအတွင်းရေးမှူးအဖွဲ့ဝင်တွေဖြစ်တဲ့ ဦးဝင်းထိန်၊ ဦးဝင်းမြင့် ၊ ဦးထွန်းထွန်းဟိန် ၊ ဒေါက်တာမေဝင်းမြင့်၊ အမျိုးသားလွှတ်တော်ဥက္ကဌ မန်းဝင်းခိုင်သန်းနဲ့ တိုင်းနဲ့ပြည်နယ်အသီးသီးက လွှတ်တော်ကိုယ်စားလှယ်တွေ တက်ရောက်ခဲ့ကြပါတယ်။