NUG အစိုးရအဖွဲ့ဝင်တွေ အမေရိကန် အမျိုးသားလုံခြုံရေးအကြံပေးနဲ့ တွေ့ဆုံ
2021.10.26
အမေရိကန် အမျိုးသားလုံခြုံရေးအကြံပေး Jake Sullivan နဲ့ NUG ယာယီသမ္မတ ဒူးဝါးလရှီလ၊ နိုင်ငံခြားရေးဝန်ကြီး ဒေါ်ဇင်မာအောင်တို့ ၂၀၂၁ အောက်တိုဘာ ၂၅ ရက်နေ့က အွန်လိုင်းကနေ တွေ့ဆုံစဥ်
PHoto: NUG
အမေရိကန်အမျိုးသားလုံခြုံရေးအကြံပေး Jake Sullivan ဟာ အမျိုးသားညီညွတ်ရေးအစိုးရအဖွဲ့ ယာယီသမ္မတ ဒူးဝါး လရှီလနဲ့ နိုင်ငံခြားရေးဝန်ကြီး ဒေါ်ဇင်မာအောင်တို့နဲ့ မနေ့က အွန်လိုင်းကနေ တွေ့ဆုံခဲ့ရာမှာ၊ အမေရိကန်နိုင်ငံအနေနဲ့ မြန်မာနိုင်ငံမှာ ဒီမိုကရေစီအရေးလှုပ်ရှားမှုတွေကို ဆက်လက်ထောက်ခံကြောင်း ပြောကြားခဲ့ပြီး၊ မြန်မာနိုင်ငံကို ဒီမိုကရေစီလမ်းကြောင်းပေါ် ပြန်ရောက်အောင် ကြိုးပမ်းအားထုတ်မှုတွေ အကြောင်း ဆွေးနွေးခဲ့တယ်လို့ အိမ်ဖြူတော် ပြန်ကြားရေးဌာနက ထုတ်ပြန်လိုက်ပါတယ်။
မစ္စတာ ဆော်လဗန်က မြန်မာနိုင်ငံမှာ အာဏာသိမ်းစစ်ကောင်စီက ကျူးလွန်နေတဲ့ ပြင်းထန်တဲ့ အကြမ်းဖက် တိုက်ခိုက်မှုတွေအတွက် စိုးရိမ်ပူပန်ကြောင်း ပြောကြားခဲ့ပြီး၊ အာဏာသိမ်းမှုအတွက် တာဝန်ယူမှုရှိအောင် ဆက်လက်ကြိုးပမ်းသွားမှာဖြစ်ကြောင်း ပြောခဲ့တယ်လို့ ကြေညာချက်မှာ ပါရှိပါတယ်။
မစ္စတာ ဆော်လဗန်က မကြာခင်က ဒီမိုကရေစီအရေးတက်ကြွလှုပ်ရှားသူ ကိုဂျင်မီ ဖမ်းဆီးခံရတာအတွက် လည်း စိုးရိမ်ပူပန်ကြောင်း ပြောကြားခဲ့ပြီး၊ ကိုဂျင်မီနဲ့ အခြား မတရားဖမ်းဆီးခံရသူ အားလုံးပြန်လည်လွတ် မြောက်ဖို့ အမေရိကန်က ဆက်လက်ကြိုးပမ်းသွားမယ်လို့ ပြောကြားခဲ့တယ်လို့ ကြေညာချက်မှာ ဖော်ပြ ထားပါတယ်။
ဒါ့အပြင် NUG ရဲ့ ဒေသတွင်းနဲ့ နိုင်ငံတကာထိတွေ့ဆက်ဆံမှုတွေနဲ့ ပတ်သက်ပြီး၊ အာဏာသိမ်းစစ်ကောင်စီ အနေနဲ့ အာဆီယံကို သဘောတူထားတဲ့အချက် ငါးချက်ပါ သဘောတူညီချက်တွေကို လိုက်နာစေဖို့ အာဆီယံ ရဲ့ ကြိုးပမ်းအားထုတ်မှုတွေကို ထောက်ခံကြောင်း မစ္စတာ ဆော်လဗန်က ပြောကြားခဲ့တယ်လို့လည်း ကြေညာ ချက်မှာ ပါရှိပါတယ်။
မြန်မာနိုင်ငံမှာ ကိုဗစ်-၁၉ ကပ်ရောဂါ ဖြစ်ပွားမှု အခြေအနေတွေနဲ့ အမေရိကန်နိုင်ငံက မြန်မာပြည်သူတွေ အတွက် လူသားချင်းစာနာမှု အကူအညီတွေ ပေးအပ်ဖို့ ကြိုပမ်းနေတဲ့အကြောင်းကိုလည်း NUG တာဝန်ရှိသူ တွေနဲ့ ဆွေးနွေးခဲ့ကြတယ်လို့ ကြေညာချက်ထဲမှာ ဖော်ပြထားပါတယ်။
ဖတ်ရှုသူအများဆုံး သတင်းများ။
RFA
- KNA ခေါင်းဆောင် စောချစ်သူ နဲ့ သားနှစ်ဦးကို အမေရိကန် ပိတ်ဆို့အရေးယူ
- ဖယ်ခုံမှာ တရုတ်ကုမ္ပဏီ စက်ယန္တရားကြီးတွေနဲ့ သတ္တုတူးဖော်မှု ဒေသခံတွေကန့်ကွက်
- ငလျင်ကြောင့် သေဆုံးသူအရေအတွက် ဆက်လက်မြင့်တက်နေ
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၂ ရက်)
- စဉ့်ကူးမြို့နယ်မှာ ဗုံးကြဲတိုက်ခိုက်လို့ တစ်ဦးသေဆုံး၊ လေးဦးဒဏ်ရာရ
ဖတ်ရှုသူအများဆုံး သတင်းများ။
သတင်းများ
