သေဆုံးသူအတွက် တာဝန်မယူတဲ့ ကုမ္ပဏီကို အရေးယူဖို့ တိုင်ကြား
2015.04.15
ဖားကန့် စွန့်ပစ်မြေစာပုံမှာ ရေမဆေးကျောက်ရှာသူများကို မြင်ရစဉ်
ကချင်ပြည်နယ် ဖားကန့်မြို့နယ် လုံးခင်းကျေးရွာအုပ်စု မားဆားကျေးရွာအနီးက စွန့်ပစ်မြေစာပုံ မှာ ရေမဆေး ကျောက်ရှာဖွေသူတစ်ဦး မြေတူးစက်နဲ့ တိုက်မိပြီး သေဆုံးခဲ့ပေမဲ့ အဲဒီ့မြေစာပုံကိုပိုင်တဲ့ ကုမ္ပဏီက တာဝန်ယူဖြေရှင်းမပေးကြောင်း မြို့ခံတွေ က ပြောပါတယ်။
မြေတူးစက်မောင်းသူ ထွက်ပြေးသွားပြီး ကုမ္ပဏီက လည်း တာဝန်ယူမဖြေရှင်းတဲ့အတွက် အရေးယူပေးဖို့ လုံးခင်းကျေးရွာရဲစခန်းမှာ တိုင်ကြားထားတယ် လို့ သေဆုံးသူရဲ့ မိသားစုတွေကို ကူညီပေးနေတဲ့ ဖားကန့်မြို့နယ် NLD ပါတီ ဒုတိယဥက္ကဋ္ဌ ဦးတင့်စိုး က ပြောပါတယ်။
သေဆုံးသူဟာ ဦးဇော်ဝင်းမောင် ဆိုသူဖြစ်ပြီး ပြီးခဲ့တဲ့ ဧပြီလ ၁၂ ရက်နေ့ညပိုင်းက ရေမဆေးကျောက်ရှာဖွေနေချိန်မှာ လင်းလဲ့ဝင်းကုမ္ပဏီကပိုင် မြေတူးစက်နဲ့ တိုက်မိတာလို့ ဦးတင့်စိုးက ပြောပါတယ်။
ဒီလ ၈ ရက်နေ့ကလည်း လုံးခင်းကျေးရွာအုပ်စု ကုဋေမှော်ကျေးရွာအနီး မြယမုံကုမ္ပဏီရဲ့ စွန့်ပစ်မြေစာပုံ ပြိုကျခဲ့ရာမှာ သေဆုံးသူ စုစုပေါင်း ၁၁ ယောက်ရှိတယ်လို့ သိရပါတယ်။
ဖတ်ရှုသူအများဆုံး သတင်းများ။
သတင်းများ
