မိုးညှင်းမြို့နယ်မှာ ကျောက်တူးသူ နဲ့ ဈေးသည်တွေကို ပြောင်းရွှေ့ခိုင်းနေ

ကချင်ပြည်နယ် မိုးညှင်းမြို့နယ် မော်ဟန်ကျေးရွာရဲ့ အနောက်ဘက် သုံးမိုင်အကွာမှာရှိတဲ့ နမ့်ချီမှော်မှာ ကျောက်စိမ်းနဲ့ ရွှေတူးဖော် လုပ်ကိုင်နေသူတွေနဲ့ ဈေးရောင်းချနေသူ အားလုံးကို အဲဒီဒေသတစ်ဝိုက်မှာ လုံခြုံရေးယူနေတဲ့ လှုပ်ရှားတပ်တွေ က ဖေဖေါ်ဝါရီလ ၆ ရက်နေ့ မနေ့ကစပြီး ၄ ရက်အတွင်း အပြီးပြောင်းရွေ့ခိုင်းနေပါတယ်။

2013.02.06
moehyin_305.jpg မိုးညှင်းမြို့ တည်နေရာပြ မြေပုံ
Photo: Google Map

နမ့်ချီမှော်မှာ စီးပွားရှာ လုပ်ကိုင်နေသူတွေကို လုံခြုံရေးအကြောင်းပြပြီး ဒေသခံ လှုပ်ရှားတပ်တွေက နှုတ်မိန့်နဲ့ ပြောင်းရွှေ့ခိုင်းနေတာလို့ ဒေသခံ ရွာသားတစ်ဦးက RFA ကို ပြောပါတယ်။

အဲဒီ နမ့်ချီမှော်မှာ စီးပွားရှာနေကြသူတွေဟာ လယ်ယာ လုပ်ငန်းတွေ အဆင်မပြေလို့ အနယ်နယ် အရပ်ရပ်က ရွှေ့ပြောင်းလုပ်ကိုင် စားသောက်ကြသူတွေဖြစ်ပြီး အနည်းဆုံး အိမ်ထောင်စုပေါင်း နှစ်ထောင်လောက်ရှိပါတယ်။

အခုလို အတင်းအဓမ္မ ပြောင်းရွှေ့ခိုင်းနေတဲ့အတွက် သူတို့ရဲ့စားဝတ်နေရေး အခက်အခဲဖြစ်နေရတယ်လို့ ဒေသခံတွေက ပြောပါတယ်။

ဒီရက်ပိုင်းတွေအတွင်း ဖားကန့်မြို့နယ်ထဲက ကျောက်စိမ်းတွင်း လုပ်ကွက်တွေဖက်မှာလည်း တနိုင်တပိုင် လုပ်ကိုင်သူတွေကို ဒေသလုံခြုံရေး အာဏာပိုင်တွေက ပြောင်းရွှေ့ခိုင်းနေတယ်လို့ သိရပါတယ်။

မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။