༸གོང་ས་༸སྐྱབས་མགོན་ཆེན་པོ་མཆོག་གིས་སྐུ་ཞབས་ཨན་ཊོ་ནི་ཨལ་བྷ་ནི་སི་མཆོག་སླར་ཡང་ཨོ་སི་ཊི་ལི་ཡའི་སྲིད་བློན་དུ་བདམས་ཐོན་བྱུང་བར་འཚམས་འདྲི་མཛད།
༸གོང་ས་༸སྐྱབས་མགོན་ཆེན་པོ་མཆོག་གིས་སྐུ་ཞབས་ཨན་ཊོ་ནི་ཨལ་བྷ་ནི་སི་མཆོག་ལ་འཚམས་འདྲི་མཛད།
Reuters
བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཨོ་སི་ཊི་ལི་ཡའི་འོས་བསྡུ་ཆེན་མོའི་ཁྲོད་སྐུ་ཞབས་ཨན་ཊོ་ནི་ཨལ་བྷ་ནི་སི་(Anthony Albanese)མཆོག་གི་སྲིད་དོན་ཚོགས་པར་རྒྱལ་ཐོབ་སྟེ། ཁོང་ཉིད་སླར་ཡང་སྲིད་བློན་དུ་བདམས་ཐོན་བྱུང་བར་འཚམས་འདྲི་མཛད་འདུག
དེ་ཡང་འཚམས་འཕྲིན་ནང་༸གོང་ས་༸སྐྱབས་མགོན་ཆེན་པོ་མཆོག་གིས། "ངོས་རང་འདས་པའི་ལོ་མང་པོའི་རིང་ལ་ཨོ་སི་ཊི་ལི་ཡར་ཐེངས་མང་པོ་བསྐྱོད་རྒྱུའི་གོ་སྐབས་བྱུང་། ཨོ་སི་ཊི་ལི་ཡའི་གྲོགས་ཕོ་མོ་རྣམས་ཀྱིས་ང་ལ་བསྟན་པའི་མཛའ་བརྩེ་དང་བྱམས་སེམས་ཀྱི་རྣམ་འགྱུར་དེས་ང་ལ་ཚོར་བ་གཏིང་ཟབ་སྤྲད་བྱུང་ལ། ངོས་ཀྱིས་འགྲོ་བ་མིའི་གཞི་རྩའི་རིན་ཐང་བྱམས་བརྩེ་དང་། སྙིང་རྗེ། འགྲོ་བ་མིའི་རིགས་གཅིག་གྱུར་གྱི་འདུ་ཤེས། ཆོས་ལུགས་ཕན་ཚུན་མཐུན་སྒྲིལ་གོང་མཐོར་གཏང་རྒྱུའི་འབད་བརྩོན་ལ་ཁོང་ཚོས་སྤྲོ་སྣང་དང་བཅས་དོ་སྣང་བྱེད་བཞིན་པར་སེམས་འགུལ་ཆེན་པོ་ཐེབས་བྱུང་།” ཞེས་དང་།
དེ་བཞིན་མགོན་པོ་མཆོག་གིས་མུ་མཐུད། "ངས་གོ་སྐབས་འདི་བཟུང་ནས་ཨོ་སི་ཊི་ལི་ཡའི་གཞུང་དམངས་གཉིས་ནས་བོད་མིའི་རང་དབང་དང་དང་ཆེ་མཐོང་ལ་དོ་སྣང་དང་རྒྱབ་སྐྱོར་གནང་བར་སྙིང་ཐག་པ་ནས་ཐུགས་རྗེ་ཆེ་ཞུ་རྒྱུ་ཡིན།” ཞེས་བཀའ་སྩལ་འདུག
མཐའ་དོན་མགོན་པོ་མཆོག་གིས་སྐུ་ཞབས་ཨལ་བྷ་ནི་སི་མཆོག་ནས་ཡོང་འགྱུར་ཨོ་སི་ཊི་ལི་ཡའི་མི་མང་གི་རེ་བ་དང་མངོན་འདོད་བསྒྲུབ་པར་མདུན་དུ་ཡོད་པའི་དཀའ་ངལ་མཐའ་དག་ལ་གདོང་ལེན་བྱེད་པར་བྱ་བ་ལམ་ལྷོང་ཡོང་བའི་ཐུགས་སྨོན་མཛད་འདུག
གཞན་ཡང་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་ལགས་ཀྱིས་ཀྱང་ཨོ་སི་ཊི་ལི་ཡའི་སྲིད་བློན་ཨལ་བྷི་ནི་སི་མཆོག་ལ་འཚམས་འདྲི་དང་འབྲེལ། ཨོ་སི་ཊི་ལི་ཡའི་གཞུང་ནས་བོད་མི་ཆབ་སྲིད་བཙོན་པ་རྣམས་ལ་སྐྱབས་བཅོལ་གནང་བ་མ་ཟད། རྒྱལ་སྤྱིའི་སྡིངས་ཆའི་སྟེང་བོད་དོན་ལ་རྒྱབ་སྐྱོར་གནང་བར་ཐུགས་རྗེ་ལེགས་འབུལ་ཞུས་པའི་ཁར། བོད་རྒྱའི་དཀའ་རྙོག་སེལ་ཐབས་སུ་བོད་མི་རྣམས་ནས་འཐབ་རྩོད་གནང་བཞིན་པའི་སྐབས་སུ་ཨོ་སི་ཊི་ལི་ཡའི་གཞུང་དང་ལྷན་འབྲེལ་ལམ་སྲ་བརྟན་གཏང་རྒྱུའི་རེ་བ་ཡོད་ཅེས་གསུངས་འདུག
གསར་འགོད་པ། བསྟན་འཛིན་བསྟན་སྐྱོང་།
རྩོམ་སྒྲིག་པ། བསྟན་འཛིན་པདྨ།
དྲྭ་ཐོག་སྤེལ་མཁན། བསྟན་འཛིན་བསྟན་སྐྱོང་།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨེ་ཤེ་ཡ་རང་དབང་རླུང་འཕྲིན་ཁང་གི་སྐད་ཡིག་སྡེ་ཚན་ཕལ་ཆེ་བ་སྒོ་བརྒྱབ་རྒྱུའི་གསལ་བསྒྲགས།
- ༸གོང་ས་༸སྐྱབས་མགོན་ཆེན་པོ་མཆོག་གིས་ཇོ་ནང་རྒྱལ་ཚབ་རིན་པོ་ཆེ་དང་། ཤར་སྤྲུལ་རིན་པོ་ཆེ། དགེ་བཤེས་ལྷུན་གྲུབ་བཟོད་པ་རིན་པོ་ཆེའི་ཡང་སྲིད་གཙོས་པའི་ཕྱི་ནང་གི་དད་ལྡན་པར་མཇལ་ཁ་སྩལ་བ།
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- རྒྱ་གར་གྱིས་པ་ཀིསྟན་ནང་གི་དྲག་སྤྱོད་པའི་ས་ཚིགས་ལ་རྒོལ་རྡུང་བཏང་བར་རྒྱ་ནག་གིས་བློ་འགྱོད་ཡོད་སྐོར་བརྗོད་འདུག
- བཀའ་ཟུར་བཀྲ་ཤིས་དབང་འདུས་ལགས་འདས་གྲོངས་སུ་གྱུར་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ཨ་རྒྱ་གཉིས་ཀྱི་ཚོང་དམག་ཁྲོད་བཟོ་གྲྭ་མང་པོ་སྒོ་བརྒྱབ་པའི་རྐྱེན་གྱིས་རྒྱ་ནག་གི་ས་ཁུལ་གང་སར་ལས་མིས་ངོ་རྒོལ་བྱེད་བཞིན་འདུག
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་བོད་མི་མང་སྤྱི་འཐུས་སྦྲེལ་པོ་རྣམ་གཉིས་ལ་མཇལ་ཁ་སྩལ་བ།
- རྒྱ་ནག་གིས་ཀཤ་མིར་དོན་རྐྱེན་དང་འབྲེལ་ཞིབ་འཇུག་ཚད་ལྡན་དགོས་སྐོར་བརྗོད་བཞིན་པ་ནི་རྒྱ་ནག་གིས་གཉེར་བཞིན་པའི་བྱ་གཞག་དང་འགལ་ཟླར་འགྲོ་བཞིན་ཡོད་པ། ཉམས་ཞིབ་པས་གསུངས་འདུག
- ༸གོང་ས་༸སྐྱབས་མགོན་ཆེན་པོ་མཆོག་གི་གོ་སྟོན་དང་བསྟུན་སྐུ་ཚེའི་ལོ་རྒྱུས་སྐོར་གྱི་གློག་བརྙན་སྐུ་མདུན་ཞེས་པ་ཨ་རིའི་ཊེ་བྷེ་ཀ་གློག་བརྙན་དུས་སྟོན་ཐོག་གཟིགས་འབུལ་ཞུ་རྒྱུ་རེད་འདུག