ILO အရာရှိနဲ့ တွေ့ဆုံအပြီး လယ်သမားတွေ အခြေအနေ ပိုဆိုးဝါး
2010.12.24
အဲဒီ လယ်သမားတွေဟာ လွန်ခဲ့တဲ့ ၁၀ နှစ်အတွင်း စစ်တပ်က မြေသိမ်းတာ ခံရသလို၊ စီမံကိန်းသီးနှံ အဖြစ် နွေစပါး၊ ဝါ စတာတွေ စိုက်ဖို့ အတင်းအကြပ် ခိုင်းစေခံခဲ့ကြရတယ်လို့ ဆိုပါတယ်။ ဒီလို စိုက်ပျိုး လုပ်ကိုင်ပေးနေရင်း သီးနှံ အောင်မြင်မှု နည်းရင် မြေအသိမ်းခံရတယ်လို့ ဆိုပါတယ်။ ဒါ့အပြင် စစ်တပ်က ခိုင်းတဲ့ လုပ်အားပေး ဆိုတာတွေလည်း လုပ်ကိုင်ပေးရတယ်လို့ ပြောပါတယ်။
ဒီအကြောင်းတွေနဲ့ ပတ်သက်ရင် ILO ကို တိုင်ကြားလို့ ရတယ်လို့ သိလာတဲ့နောက် တိုင်ကြားကြတဲ့အခါမှာ အာဏာပိုင်တွေဘက်က အခုလို တန်ပြန် ဆောင်ရွက်လာတာ ဖြစ်ကြောင်း ဦးသန်းစိုးက ပြောပါတယ်။
အောင်လံမြို့နယ်မှာ ILO ရဲ့ ကြားဝင် ဆောင်ရွက်ပေးမှုကြောင့် လယ်သိမ်းခံရတဲ့ လယ်သမားတချို့ မြေယာတွေ ပြန်ရရှိတဲ့ အဖြစ်အပျက်တွေလည်း ရှိပါတယ်။
ဒီအတောအတွင်း ပဲခူးတိုင်း အနောက်ခြမ်း ကြို့ပင်ကောက်မြို့နယ်မှာ စစ်တပ်က လုပ်ကိုင်နေတဲ့ နွေစပါးခင်း ရေရအောင် ဆည်ရေ ဖောက်ပေးနေတဲ့အတွက် ဒေသခံ လယ်သမားတွေရဲ့ ပဲစိုက်ခင်း ဧက ၄ ရာကျော် ရေမြုပ်ပျက်စီးမယ့်အရေး ကြုံနေရတယ်လို့ သိရပါတယ်။
ပဲခူးတိုင်း အနောက်ခြမ်းက လယ်သမားတွေဟာ ပဲစိုက်ပျိုးတာက စီးပွားရေးအရ တွက်ခြေကိုက်တဲ့အတွက် ဆောင်းသီးနှံအဖြစ် ပဲ အစိုက်များလေ့ ရှိပါတယ်။ အခုနှစ်မှာတော့ မိုးဖျက်တဲ့အတွက် ပဲခင်း အတော်များ ပျက်စီးတဲ့ အကြောင်းတွေလဲကြားသိနေရပါတယ်။
စစ်တပ်က အခု နွေစပါးစိုက်တဲ့ မြေနေရာဟာ လယ်သမားတွေရဲ့ ပဲခင်းထက် မြေအမြင့်ပိုင်းရောက်နေ တယ်လို့ ဆိုပါတယ်။ တောင်သူတွေရဲ့ ပဲခင်းတွေ ရေမနစ်အောင် နွေစပါး စိုက်နိုင်မယ့် မြေနေရာလည်း အဲဒီ ဒေသမှာ ရှိတယ်လို့ သိရပါတယ်။
ဖတ်ရှုသူအများဆုံး သတင်းများ။
RFA
- KNA ခေါင်းဆောင် စောချစ်သူ နဲ့ သားနှစ်ဦးကို အမေရိကန် ပိတ်ဆို့အရေးယူ
- ဖယ်ခုံမှာ တရုတ်ကုမ္ပဏီ စက်ယန္တရားကြီးတွေနဲ့ သတ္တုတူးဖော်မှု ဒေသခံတွေကန့်ကွက်
- ငလျင်ကြောင့် သေဆုံးသူအရေအတွက် ဆက်လက်မြင့်တက်နေ
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၂ ရက်)
- စဉ့်ကူးမြို့နယ်မှာ ဗုံးကြဲတိုက်ခိုက်လို့ တစ်ဦးသေဆုံး၊ လေးဦးဒဏ်ရာရ
ဖတ်ရှုသူအများဆုံး သတင်းများ။
သတင်းများ
