NLD ပါတီလူငယ်များကို ကျေးလက်ဒေသဖွံဖြိုးရေး ပညာပေး ဟောပြော

ရန်ကုန်မြို့ ရွှေဂုံတိုင်မှာ ရှိတဲ့ ပါတီဌာနချုပ်ရုံးမှာ ဒီကနေ့ မွန်းလွဲပိုင်းက ကျင်းပခဲ့တာပါ။ ဒီဟောပြောပွဲမှာ ရွေးကောက်ပွဲဝင် ပါတီတချို့လည်း တက်ရောက် ဆွေးနွေးခဲ့တယ်လို့ သိရပါတယ်။

ပါတီ ပြန်ကြားရေးတာဝန်ခံ ဦးအုန်းကြိုင်က အခုလို ပြောပါတယ်၊

“တက်ရောက်တဲ့ လူတွေထဲမှာ ကျွန်တော်တို့ အဖွဲ့ချုပ် ဗဟို အလုပ်အမှုဆောင် အဖွဲ့ဝင်တွေ၊ နောက် ဒီမိုကရက်တစ်ပါတီ (မြန်မာပြည်) က ဗဟို အလုပ်အမှုဆောင် အဖွဲ့ဝင်တွေ ဖြစ်တဲ့ ဦးနေဖူးဗဆွေ၊ (ဒေါ်) နေရီဗဆွေ စတဲ့ နိုင်ငံရေးပါတီတွေက ခေါင်းဆောင် ၇ ယောက်လောက် တက်ရောက်လာတာ တွေ့ရပါတယ်။ နောက် တခြားတခြားပေါ့လေ စိတ်ပါဝင်စားတဲ့ မြို့နယ်စည်းတို့ ဘာတို့က အဖွဲ့ဝင်တွေ လာရောက် တက်ရောက်ပါတယ်။ ဦးစိန်ဝင်းဟန်က ဟောပြောပြီးတဲ့နောက် အဲဒီ တက်ရောက်လာတဲ့ ပုဂ္ဂိုလ်တွေက သူတို့ သိချင် ဆွေးနွေးချင်တဲ့ အချက်အလက်တွေကို မေးမြန်းကြပါတယ်။ မေးမြန်းပြီးတော့ ပါဝင်ဆွေးနွေးကြတာကို တွေ့ရပါတယ်ခင်ဗျ။”