မိုးကြီးပြီး ရေတိုက်စားမှုကြောင့် ဖားကန့်မှာ အိမ်အလုံး ၃၀ ကျော် ပျက်စီး

ကချင်ပြည်နယ် ဖားကန့်မြို့နယ် လုံးခင်းကျေးရွာအုပ်စုက လေးအိမ်စုရွာမှာ ဒီကနေ့ မိုးကြီးပြီး ရေတိုက်စား တာကြောင့် အိမ်အလုံး ၃၀ ကျော် ပျက်စီးဆုံးရှုံးပြီး လူ တစ်ရာကျော် အိုးမဲ့ အိမ်မဲ့ဖြစ်နေပါတယ်။

အိမ်ထောင်စု သုံးဆယ်ကျော်ဟာ ကုဋေမှော် ဘုန်းကြီးကျောင်းမှာ ခိုလှုံနေရတယ်လို့ အဲ့ဒီနေရာကို သွားရောက်ခဲ့တဲ့ ဖားကန့်မြို့နယ် ပြည်သူ့လွှတ်တော် ကိုယ်စားလှယ် ဦးတင့်စိုးက ပြောပါတယ်။

"အခုမနက် ၁ နာရီဝန်းကျင်ကစပြီးတော့ ဝင်လာတဲ့ရေပမာဏက များတဲ့အခါကျတော့ ချောင်းထဲကို မစီးတော့ဘဲ နဲ့ လမ်းမကြီးပေါ် ရေကစီးသွားတယ်၊ ရေပမာဏများတဲ့အခါကျတော့ ချောင်းနားမှာဆောက်ထားတဲ့ အိမ်တွေ ကို ရေတွေတိုက်စားသွားတယ်၊ တချို့တွေဆို အိမ်အလုံးလိုက် ပျောက်သွားတယ်၊ လုံးဝအလုံးလိုက် ပြုတ်ကျသွား တဲ့အိမ်တွေက ၁၂ လုံးရှိတယ်၊ တချို့တပိုင်းတစ ပျက်စီးသွားတဲ့အိမ်တွေက ၂၄ လုံးရှိတယ်၊ အိမ် ၃၆ လုံးက ဒုက္ခသည်ရာချီ ရေးဘေးဒုက္ခသည်ဖြစ်နေတယ်"

ဖားကန့်ဒေသမှာ မိုးရွာတဲ့အခါ ရေကြီးပြီး မြေပြိုတာတွေကြောင့် သေဆုံးသူ ရှိပါတယ်။

ကျောက်တူးဖော်ရေး ကုမ္ပဏီတွေက စက်ယန္တရားတွေနဲ့ အလွန်အကျွံတူးဖော်ပြီး စွန့်ပစ်မြေစာတွေကြောင့် မိုးရွာတဲ့ အခါ ရေစီးကြောင်းတွေဟာ မူလချောင်းတွေ အတိုင်း မစီးနိုင်တော့ပဲ လူနေအိမ်ခြေတွေကို ဝင်ရောက်တိုက်စား မှုတွေ ဖြစ်နေတယ်လို့ ဒေသခံတွေကပြောပါတယ်။

အလားတူ မိုးညှင်းမြို့နဲ့ မိုးကောင်းမြို့တွေက ရပ်ကွက်တချို့မှာလည်း မိုးကြီးပြီး ရေနစ်မြုပ်မှုတွေ ရှိနေပါတယ်။

ပြီးခဲ့တဲ့ ဧပြီလနဲ့ မေလအတွင်း ကချင်ပြည်နယ်မှာ မိုးကြီးတာကြောင့် ပူတာအို၊ ဆော့လော်၊ ဗန်းမော် စတဲ့မြို့နယ်တွေမှာလည်း လူနေအိမ်တွေနဲ့ စိုက်ပျိုးမြေတွေ ဆုံးရှုံးခဲ့ပါတ