ရက္ခအလင်းတန်း လျှို့ဝှက်စာစောင် ရခိုင်လူငယ်များဖြန့်ဝေ
2011.04.27
ရက္ခအလင်းတန်း စာစောင် ဖြန့်ဝေရန် ပြင်ဆင်နေပုံ ဖြစ်ပါသည်။ (Photo: Arakan Ray)
ရခိုင်စာပေနဲ့ ရေးသားထားတဲ့ အဲဒီစာစောင်မှာ ရခိုင်သမိုင်းနဲ့ ယဉ်ကျေးမှုရေးရာတွေ အပြင် ဒီမိုကရေစီအရေး၊ တိုင်းရင်းသားအရေးတွေကို ကဗျာတွေ၊ ဆောင်းပါးတွေနဲ့ ဖော်ပြထားပါတယ်။
အဲဒီစာစောင်ကို ဒီလကနေစပြီး လျှို့ဝှက်ပြီး လစဉ် ထုတ်ဝေ ဖြန့်ချိသွားမယ်လို့ ရက္ခိတ လူငယ်အဖွဲ့ဝင် အမျိုးသမီးတဦးက ပြောပါတယ်။
“တနင်္ဂနွေနေ့က စပြီးတော့ ကျွန်မတို့ ရခိုင်ပြည်ရဲ့ နယ်စပ် တောဖက်တွေပေါ့ ဖြန့်တယ်။ ကျွန်မတို့ ဒီ ရခိုင်ပြည်အတွင်းမှာ ရှိတဲ့ နယ်တွေပေါ့။ ဒီနှစ်ကျတော့ အီးမေးလ်ကနေပြီးတော့ ပြည်ပတွေကို ဖြန့်တယ်။ ပြည်ပရယ်၊ ပြီးတော့ mail account ပေးထားတဲ့ လူတွေကိုပေါ့။ အားလုံး လူတိုင်းလိုလိုက လက်ခံပါတယ်။ နောက်ထပ် စာစောင် ဘယ်တော့ ထွက်မလဲပဲ မေးကြပါတယ်။”
“အနှောင့်အယှက်ကတော့ မတွေ့ရသေးပါဘူး အခုလောလောဆယ်။ ဟုတ်ကဲ့ အန္တရာယ် ရှိနိုင်တဲ့ ကြားထဲကနေ ကြိုးပမ်းပြီးတော့ ဖြန့်နေတာပါ။ ကျွန်မတို့ ဘယ်လို ကြုံတွေ့ရမလဲ ဆိုတာတော့ မသိသေးဘူးပေါ့။”
အခုအထိ အဲဒီ စာစောင် ဖြန့်ဝေရာမှာ အနှောင့်အယှက် မတွေ့ရသေးကြောင်းနဲ့ ဘယ်လို အခက်အခဲရှိရှိ လစဉ်ထုတ်ဝေသွားဖို့ အတွက် ပြင်ဆင်ထားတဲ့အကြောင်း လူငယ် အမျိုးသမီးကပဲ ပြောပါတယ်။
ဖတ်ရှုသူအများဆုံး သတင်းများ။
RFA
- KNA ခေါင်းဆောင် စောချစ်သူ နဲ့ သားနှစ်ဦးကို အမေရိကန် ပိတ်ဆို့အရေးယူ
- ဖယ်ခုံမှာ တရုတ်ကုမ္ပဏီ စက်ယန္တရားကြီးတွေနဲ့ သတ္တုတူးဖော်မှု ဒေသခံတွေကန့်ကွက်
- ငလျင်ကြောင့် သေဆုံးသူအရေအတွက် ဆက်လက်မြင့်တက်နေ
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၂ ရက်)
- စဉ့်ကူးမြို့နယ်မှာ ဗုံးကြဲတိုက်ခိုက်လို့ တစ်ဦးသေဆုံး၊ လေးဦးဒဏ်ရာရ
ဖတ်ရှုသူအများဆုံး သတင်းများ။
သတင်းများ
