မြန်မာ့နိုင်ငံရေးအပေါ် အမေရိကန် စိုးရိမ်
2011.03.31
ထိပ်တန်း စစ်ဖက်အရာရှိကြီးများ ၂၀၁၀ မတ်လ ၂၇ ရက်က နေပြည်တော်တွင် ကျင်းပသော တော်လှန်ရေးနေ့ အခမ်းအနား တက်ရောက်နေပုံ ဖြစ်ပါသည်။ (ဝဲ မှ ယာ) ထိုစဉ်က စစ်အစိုးရ ဝန်ကြီးချုပ် ဗိုလ်ချုပ်ကြီး သိန်းစိန် (ယခု သမ္မတ ဦးသိန်းစိန်)၊ ဗိုလ်ချုပ်ကြီး သီဟသူရ တင်အောင်မြင့်ဦး (ယခု ဒုတိယ သမ္မတ ဦးတင်အောင်မြင့်ဦး) နှင့် ဗိုလ်ချုပ်ကြီး မင်းအောင်လှိုင် (ယခု ကာကွယ်ရေး ဦးစီးချုပ်) (ယာမှ ဒုတိယ)။
အတိုချုပ်ပြောရရင် မြန်မာအစိုးရသစ်ဟာ စစ်အစိုးရဟောင်းထဲက
အဓိက စစ်ခေါင်းဆောင်တွေ ဦးဆောင်တဲ့ အစိုးရသစ်ဖြစ်သလို အပြစ်အနာအဆာများတဲ့ ရွေးကောက်ပွဲ
လမ်းကြောင်းကနေ ထွက်ပေါ်လာတာ ဖြစ်ကြောင်း၊ စစ်ယူနီဖောင်းချွတ်ပြီး အရပ်သားအဝတ် ပြောင်းလဲထားတဲ့
အစိုးရတရပ်သာ မြင်တွေ့ရသေးကြောင်း Mr. Toner က ပြောပါတယ်။
စစ်ယူနီဖောင်းချွတ်ပြီး အရပ်သားအဝတ် ပြောင်းလဲထားတဲ့ အစိုးရတရပ်သာ မြင်တွေ့ရသေးကြောင်း
အမေရိကန် ပြည်ထောင်စုအနေနဲ့ မြန်မာနိုင်ငံက နိုင်ငံရေးအဖွဲ့အစည်းနဲ့ လူပုဂ္ဂိုလ်တွေအပေါ် ဖိနှိပ်ချုပ်ချယ်ထားတဲ့ နိုင်ငံရေး အခင်းအကျင်းအပေါ် အထူး စိုးရိမ်ဆဲဖြစ်ကြောင်း၊ မြန်မာအာဏာပိုင်တွေ အနေနဲ့ နိုင်ငံရေးအကျဉ်းသား အားလုံး ပြန်လွှတ်ပေးဖို့၊ အမျိုးသား ဒီမိုကရေစီအဖွဲ့ချုပ် (NLD) ရဲ့ တရားဝင်ရပ်တည်ခွင့်ကို အသိမှတ်ပြုပေးဖို့နဲ့ တိုင်းရင်းသားခေါင်းဆောင်တွေ အပါအဝင် စစ်မှန်တဲ့ ဆွေးနွေး အဖြေရှာတာတွေ လုပ်ဖို့ တိုက်တွန်းကြောင်း Mr. Toner က ပြောပါတယ်။
အမေရိကန်အစိုးရအနေနဲ့ လောလောဆယ်အထိ စီးပွားရေး ပိတ်ဆို့အရေးယူမှုနဲ့ အတူ အစိုးရ အဆင်မြင့် အရာရှိချင်း ထိတွေ့ဆက်ဆံရေးကိုလည်း ပြောင်းလဲဖို့ အစီအစဉ်မရှိပဲ ဆက်လက် ထိန်းသိမ်း သွားဖြစ်ကြောင်း အမေရိကန် နိုင်ငံခြားရေးဌာန ပြောခွင့်ရသူက ပြောပါတယ်။
ဖတ်ရှုသူအများဆုံး သတင်းများ။
RFA
- KNA ခေါင်းဆောင် စောချစ်သူ နဲ့ သားနှစ်ဦးကို အမေရိကန် ပိတ်ဆို့အရေးယူ
- ဖယ်ခုံမှာ တရုတ်ကုမ္ပဏီ စက်ယန္တရားကြီးတွေနဲ့ သတ္တုတူးဖော်မှု ဒေသခံတွေကန့်ကွက်
- ငလျင်ကြောင့် သေဆုံးသူအရေအတွက် ဆက်လက်မြင့်တက်နေ
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၂ ရက်)
- စဉ့်ကူးမြို့နယ်မှာ ဗုံးကြဲတိုက်ခိုက်လို့ တစ်ဦးသေဆုံး၊ လေးဦးဒဏ်ရာရ
ဖတ်ရှုသူအများဆုံး သတင်းများ။
သတင်းများ
