မွန်တစ်ပါတီတည်းဖြစ်ရေး မဖော်ဆောင်နိုင်ရင် ချောင်းဆုံ ပါတီဝင်တွေ နှုတ်ထွက်မည်

"တစ်မျိုးသားလုံးကို ကိုယ်စားပြုတဲ့ ပါတီတစ်ခု ပေါ်ထွန်းလာရေးအတွက်ကိုလည်း လက်တွေကျကျ သွားနိုင်တဲ့လမ်းကြောင်းလည်း ကျနော်တို့ပါတီ အကြီးအကဲတွေက အကောင်ထည်ဖော်နိုင်စွမ်းမရှိဘူး၊ ဒါကြောင့်မို့လို့ ကျနော်တို့က အောက်ခြေကလူထုတွေတောင်းဆိုချက်အရ ဒီလနောက်ဆုံးထားပြီး ဒါကိုအကျေအလည်ဆွေးနွေးနိုင်ဖို့အတွက် ဗဟိုကော်မတီဝင်တွေပါတဲ့ အစည်းအဝေးတစ်ရပ်ကို လုပ်စေချင်တယ်၊ မွန်တစ်မျိုးသားလုံးကို ကိုယ်စားပြုတဲ့ ပါတီတစ်ခုပေါ်ထွန်းလာရေးအတွက်ကို ဘယ်လိုလမ်းကြောင်းမျိုးလုပ်မလည်းဆိုတဲ့ လမ်းကြောင်းကိုပေါ်စေချင်တယ် အဲလိုမျိုးလုပ်ဖို့ ကျနော်တို့ က တောင်းဆိုတာ"

အဲဒီတောင်းဆိုချက်တွေကို အကောင်အထည်ဖော်ဖို့ ပျက်ကွက်မယ်ဆိုရင် ချောင်းဆုံမြိုနယ်မှာရှိတဲ့ မွန်ဒေသလုံး ဆိုင်ရာ ဒီမိုကရေစီပါတီဝင် ၁၅၀၀ ကျော်နဲ့ မြို့နယ်အလုပ်အမှုဆောင်အဖွဲ့တွေဟာ ပါတီကနေ နှုတ်ထွက်ကြမှာဖြစ် ပါတယ်။ ချောင်းဆုံမြို့နယ်ဟာ မွန်ဒေသလုံးဆိုင်ရာဒီမိုကရေစီ ပါတီဝင်အင်အား များတဲ့မြို့နယ်တစ်ခုလည်းဖြစ် ပါတယ်။

ပါတီပေါင်းစည်းရေးကို လွန်ခဲ့တဲ့ ၂၀၁၀ ခုနှစ်ကတည်းက မွန်သံဃာတော်တွေနဲ့ မွန်ပညာရှင်တွေက ဦးဆောင် ကြိုးပမ်းခဲ့ပေမယ့် ပူးပေါင်းနိုင်ခြင်းမရှိခဲ့ပါဘူး။

ပြီးခဲ့တဲ့ သြဂုတ်လမှာ ကရင်ပြည်နယ် ကြာအင်းဆိပ်ကြီးမြို့နယ် တောင်ပေါက်ကျေးရွာမှာ မွန်ပြည်သစ်ပါတီက ဦးစီးကျင်းပတဲ့ မွန်အမျိုးသားညီလာခံမှာလည်း လာမယ့် ရွေးကောက်ပွဲတွေမှာ မွန်ပါတီတစ်ခုတည်းကိုပဲ ရွေး ချယ်နိုင်ဖို့အတွက် မွန်ပါတီပေါင်းစည်းရေးကို ဆောင်ရွက်ဖို့ ဆုံးဖြတ်ထားပါတယ်။