ကြားဖြတ်ရွေးကောက်ပွဲကို မဲဆန္ဒရှင်အများစု စိတ်ဝင်စားမှု နည်းကြောင်း PACE အဖွဲ့ ထုတ်ပြန်
2017.02.13
PACE အဖွဲ့ရဲ့ အမှုဆောင်ဒါရိုက်တာ ဦးစိုင်းရဲကျော်စွာမြင့်ကို ဖေဖော်ဝါရီလ ၁၃ ရက်နေ့က တွေ့ရစဉ်
လစ်လပ်မဲဆန္ဒနယ်တွေက မဲဆန္ဒရှင် အများစုဟာ ကြားဖြတ်ရွေးကောက်ပွဲအပေါ် စိတ်ဝင်စားမှုမရှိတာကို တွေ့ရှိ ရကြောင်း ရွေးကောက်ပွဲစောင့်ကြည့်လေ့လာရေး အဖွဲ့တစ်ခုဖြစ်တဲ့ PACE အဖွဲ့က ပြောပါတယ်။
ပြီးခဲ့တဲ့ ဇန်နဝါရီလဆန်းကစပြီး ကြားဖြတ်ရွေးကောက်ပွဲကျင်းပမယ့် ပြည်နယ်နဲ့တိုင်းဒေသ ၈ ခု က လစ်လပ် မဲဆန္ဒနယ်မြေတွေမှာ မဲဆန္ဒရှင်စာရင်း လိုက်လံကောက်ယူရင်း တွေ့ရှိရတာဖြစ်တယ်လို့ PACE အဖွဲ့ရဲ့ အမှုဆောင် ဒါရိုက်တာ ဦးစိုင်းရဲကျော်စွာမြင့် က ပြောပါတယ်။
ကြားဖြတ်ရွေးကောက်ပွဲ ကျင်းပမယ်ဆိုတာကို မြို့ပြက မဲဆန္ဒရှင်တွေရဲ့ ဖြေဆိုသူ ၆၀ ရာခိုင်နှုန်း ကျော်လောက် ကသာ သိရှိကြပြီး ကျေးလက်ဒေသမှာတော့ ၅၄ ရာခိုင်နှုန်းလောက်သာ သိရှိကြတယ်လို့ ပြောပါတယ်။
လာမယ့် ဧပြီလ ၁ ရက်နေ့မှာ ကြားဖြတ်ရွေးကောက်ပွဲကို လစ်လပ်မဲဆန္ဒနယ်မြေ ၁၉ ခုမှာ ကျင်းပမှာဖြစ်ပြီး မဲပေးပိုင်ခွင့်ရှိသူ ၂ သန်းရှိတယ်လို့ ပြည်ထောင်စုရွေးကောက်ပွဲကော်မရှင် က ထုတ်ပြန်ကြေညာထားပါတယ်။
မဲဆန္ဒရှင်စာရင်းတွေကိုလည်း ထုတ်ပြန်ကြေညာထားပြီးဖြစ်ပေမယ့် လာရောက်ကြည့်ရှုကြသူတွေ မရှိသလောက် နည်းနေတယ်လို့လည်း PACE အဖွဲ့က ပြော ပါတယ်။
ဖတ်ရှုသူအများဆုံး သတင်းများ။
သတင်းများ
- မေလကုန်အထိ အပစ်ရပ်သက်တမ်းတိုးကြောင်း စစ်ကောင်စီကြေညာ
- ဝါရင့် ရခိုင်နိုင်ငံရေးသမား ဦးဦးလှစော ကွယ်လွန်
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၆ ရက်)
- KNA ခေါင်းဆောင် စောချစ်သူ နဲ့ သားနှစ်ဦးကို အမေရိကန် ပိတ်ဆို့အရေးယူ
- ငလျင်ဘေးကာလ လေကြောင်းတိုက်ခိုက်မှုတွေကြောင့် ပြည်သူ ၂၇၀ ကျော် သေဆုံးကြောင်း NUG ထုတ်ပြန်