သတင်းနှင့် ဆောင်းပါးများ သိုမှီးရေးစနစ်
2020-12-30
ဧရာဝတီတိုင်းထဲမှာ အကျဉ်းသားနဲ့ အချုပ်သား ၈၂၅ ဦးကို ကိုရိုနာဗိုင်းရပ်စ်ပိုး ရှိ၊ မရှိ စစ်ဆေးခဲ့ရာမှာ အကျဉ်းသားနဲ့ အချုပ်သား ၁၃၇ ဦးမှာ ကိုရိုနာဗိုင်းရပ်စ် ပိုးတွေ့ရှိခဲ့တယ်လို့ ဧရာဝတီတိုင်း ပြည်သူ့ကျန်းမာရေးဦးစီးဌာန၊ ဒုတိုင်းဦးစီးမှူး ဒေါက်တာသီဟအောင် က ပြောပါတယ်။
2020-12-30
ကိုရိုနာဗိုင်းရပ်စ် ကူးစက်ခံရသူအားလုံး ဆေးရုံတက်ကုသစေတဲ့ ပုံစံမျိုးမဟုတ်ဘဲ တကယ်လိုအပ်မှ ဆေးရုံတက်စေဖို့ ပုံစံပြောင်းဆောင်ရွက်မယ်ဆိုပြီး ဖေ့စ်ဘွတ်ခ် လူမှုကွန်ရက် စာမျက်နှာတွေမှာ ပျံ့နှံ့နေတာဟာ ဝန်ကြီးဌာနရဲ့ သဘောထားမဟုတ်ဘူးလို့ ကျန်းမာရေးဝန်ကြီးဌာန ပြောရေးဆိုခွင့်ရှိသူက ပြောပါတယ်။
2020-12-30
ရခိုင်ပြည်နယ်၊ ကျောက်တော်မြို့နယ် တင်းမကျေးရွာက ရွာသား ၁၈ ဦးကို တပ်မ (၅၅) လက်အောက်ခံ တပ်မတော်စစ်ကြောင်းတစ်ခုက ပြီးခဲ့တဲ့ ၉ လကျော်က ဖမ်းဆီးသွားတဲ့ကိစ္စနဲ့ ပတ်သက်ပြီး မိသားစုဝင်တွေနဲ့ မျက်မြင်သက်သေတွေကို မြောက်ဦးခရိုင်ရဲတပ်ဖွဲ့က မနေ့က ခေါ်ယူစစ်ဆေးခဲ့ပါတယ်။
2020-12-30
ကပ်ရောဂါစတင်ပြန့်ပွားခဲ့တဲ့ ဧပြီလကစပြီး မန္တလေးမြို့ စည်ပင်သာယာ နယ်နမိတ် အတွင်း နှာခေါင်းစည်းမတပ်တဲ့ ဈေးသည်၊ ဈေးဝယ်တွေကို ဒဏ်ရိုက်ခဲ့တာ ငွေကျပ် သိန်းတစ်ရာနီးပါး ရရှိထားတယ်လို့ မန္တလေးစည်ပင်ဌာနက ပြောပါတယ်။
2020-12-29
အမေရိကန်ပြည်ထောင်စု နိုင်ငံတကာဘာသာရေး လွတ်လပ်ခွင့်ဆိုင်ရာကော်မရှင် (USCIRF) က ဘင်္ဂလားဒေ့ရှ် အစိုးရအနေနဲ့ ရိုဟင်ဂျာတွေကို လုံခြုံစိတ်ချမှု မရှိတဲ့ ဘာဆန်ချာကျွန်းကို အဓမ္မ ပို့ဆောင်ခြင်း မပြုပါနဲ့လို့ တိုက်တွန်းထားတဲ့ ကြေညာချက်တစောင်ကို ဒီဇင်ဘာလ ၂၈ ရက်နေ့က ထုတ်ပြန်ခဲ့ပါတယ်။
2020-12-29
မြန်မာရွှေ့ပြောင်းလုပ်သား တစ်သိန်းကျော် နေထိုင်နေတဲ့ ထိုင်းမြန်မာနယ်စပ် တာ့ခ်ခရိုင် မဲဆောက်မြို့ကို ကိုဗစ်- ၁၉ ကပ်ရောဂါ ကူးစက်ပျံ့နှံ့မှု အခြေအနေ လိုအပ်ချက်အရ ဒီဇင်ဘာလ ၂၉ ရက်နေ့ကနေ စပြီး တပတ်ကြာ အဝင်အထွက်ပိတ်ပင် ကန့်သတ်လိုက်ပါတယ်။
2020-12-29
ရခိုင်ပြည်နယ်မြောက်ပိုင်းမှာ လာမယ့် ဒီဇင်ဘာလကုန်နောက်ပိုင်းမှာ တိုက်ပွဲတွေ ဆက်လက်ပြင်းထန်လာနိုင်တယ်ဆိုတဲ့ သတင်းတွေအပြင် တပ်မတော်စစ်ကြောင်းတွေက လှုပ်ရှားမှုတွေရှိလာလို့ ရပ်ရွာတွေကို ယာယီပြန်သွားကြတဲ့ စစ်ဘေးဒုက္ခသည်တွေဟာ အခုရက်ပိုင်း သူတို့ခိုလှုံခဲ့တဲ့ ဒုက္ခသည်စခန်းတွေဆီကို တဖန်ပြန်ပြီးတော့ ထွက်ပြေးလာနေကြပါတယ်။
2020-12-29
အမျိုးသားဒီမိုကရေစီအဖွဲ့ချုပ် NLD က တိုင်းရင်းသားနိုင်ငံရေးပါတီတွေနဲ့ တွေ့မယ့်အဖွဲ့ဟာ မနက်ဖြန် ကစပြီး ကချင်နဲ့ မွန်က တိုင်းရင်းသားပါတီတွေနဲ့ စတင်တွေ့ဆုံသွားမယ်လို့ ဒီနေ့ ကျင်းပတဲ့ ပါတီဗဟို အလုပ်အမှုဆောင် ကော်မတီအစည်းအဝေးမှာ ဆုံးဖြတ်လိုက်ပါတယ်။ တချို့တိုင်းရင်းသားပါတီတွေက NLD နဲ့ တွေ့ဆုံမယ်လို့ အကြောင်းပြန်ကြပေမယ့် အကြောင်းမပြန်တဲ့ ပါတီတွေလည်းရှိနေပါတယ်။
2020-12-29
ကချင်ပြည်နယ်၊ ဖားကန့်မြို့နယ်၊ ဆယ်ဇင်းကျေးရွာက အုပ်ချုပ်ရေးမှူးအပါအဝင် အရပ်သားသုံးဦးကို ဒီဇင်ဘာ လ ၂၇ ရက်နေ့၊ မနက် ၁၀ နာရီလောက်မှာ ရှမ်းနီလက်နက်ကိုင်အဖွဲ့က ခေါ်ဆောင်သွားတယ် လို့ ကချင်ပြည်နယ်ရဲတပ်ဖွဲ့က ရဲမှူးကြီး ဉာဏ်မြင့်ကျော်က ပြောပါတယ်။
2020-12-29
ရန်ကုန်တိုင်းအတွင်း ကိုရိုနာဗိုင်းရပ်စ် ကူးစက်ခံရသူ ကျဆင်းသွားတာကြောင့် ရန်ကုန်မှာရှိတဲ့ ကိုဗစ်စင်တာနှစ်ခုကို အစိုးရက ယာယီပိတ်သိမ်းလိုက်ပါတယ်။ ပိုးကူးစက်မှုကျသွားပေမယ့် မပေါ့ဆဖို့ ကျန်းမာရေးပညာရှင်တွေ သတိပေးနေပါတယ်။
2020-12-29
မန္တလေးတိုင်းထဲက ပြင်ဦးလွင်မြို့ဟာ အေးချမ်းတဲ့တောင်ပေါ်မြို့တစ်မြို့ဖြစ်ပြီး ရှေးဟောင်းအဆောင်အအုံတွေ၊ ပန်းမျိုးစုံစိုက်ပျိုးထားတဲ့ ကန်တော်ကြီးဥယျာဉ်နဲ့ လည်ပတ်စရာနေရာ တွေများတာကြောင့် ပြည်တွင်း၊ ပြည်ပ ဧည့်သည်တွေ အချိန်ပေးပြီး လာရောက်အနားယူလေ့ရှိကြတဲ့ မြို့တစ်မြို့ပါ။
2020-12-29
ရခိုင်ပြည်နယ် ကျောက်ဖြူမြို့နယ်မှာရှိတဲ့ ဓညဝတီ တပ်မတော်ရေတပ်စခန်းနဲ့ ပတ်သက်ပြီး ဖေ့စ်ဘွတ်လူမှုကွန်ရက်မှာ စာရေးသားတင်လို့ ထောင်ဒဏ် ငါးနှစ် ချမှတ်ခံလိုက်ရတဲ့ လူငယ်အတွက် ကျောက်ဖြူခရိုင် တရားရုံးမှာ အယူခံတက်ဖို့ တရားခံရှေ့နေဘက်က ပြင်ဆင်နေပါတယ်။
2020-12-29
ကိုရိုနာဗိုင်းရပ်စ်ကူးစက်မှုတွေ ထိန်းချုပ်ဖို့ နယ်စပ်ဂိတ်တွေပိတ်ထားချိန်မှာ တရုတ်-မြန်မာနယ်စပ်ဖြစ်တဲ့ မူဆယ်ကုန်သွယ်ရေးဂိတ်ကနေ တရုတ်နိုင်ငံဘက်အခြမ်းကို ကုန်စည်တွေ ခေါက်တိုပြေးဆွဲခွင့်ရထားတဲ့ မြန်မာနိုင်ငံသား ယာဉ်မောင်း ၂၃ ယောက်ကို တရုတ်နိုင်ငံ ဝမ်တိန်မြို့ ကျန်းမာရေးဌာနက ဒီဇင်ဘာ ၂၈ ရက်နေ့ မနေ့ကပဲ ကိုဗစ်ရောဂါကာကွယ်ဆေး ထိုးပေးခဲ့ပါတယ်။
2020-12-29
ရခိုင်ပြည်နယ်၊ အမ်းမြို့နယ်၊ ဒလက်ချောင်းက ရှမ်းကုန်းကျေးရွာမှာ မနေ့ည ၁၂ နာရီဝန်းကျင်က ချင်းလူမှုရေးအသင်းရုံး အဆောက်အအုံနဲ့ အိမ် ခြောက်ဆောင် မီးလောင်သွားတယ်လို့ ချင်းလူသားချင်း စာနာထောက်ကူညီပေးရေးအဖွဲ့ CHAT က RFA ကို ဒီနေ့မနက်က ပြောပါတယ်။
2020-12-29
မြန်မာနိုင်ငံမှာ ကိုရိုနာဗိုင်းရပ်စ် ကူးစက်ခံခဲ့ရတဲ့ ကျန်းမာရေးဝန်ထမ်း တစ်ထောင့်ငါးရာဝန်းကျင် ရှိပြီး အဲဒီအထဲက ၈၀ ရာခိုင်နှုန်းဟာ ရောဂါပျောက်ကင်းသွားကြပြီလို့ ကျန်းမာရေးဝန်ကြီးဌာနက ပြောပါတယ်။ ရောဂါပိုးကူးစက်ခံရတဲ့ ကျန်းမာရေးဝန်ထမ်းအများစုဟာ အစိုးရဝန်ထမ်းတွေဖြစ်ကြပြီး ပုဂ္ဂလိက ကျန်းမာရေးလောကမှာလည်း ကူးစက်ခံရသူတွေရှိတယ်ဆိုပေမယ့် အစိုးရဘက်လောက် မများဘူးလို့ဆိုပါတယ်။
