သတင်းနှင့် ဆောင်းပါးများ သိုမှီးရေးစနစ်
2011-04-27
မြန်မာနိုင်ငံက ဆေးမတိုးတဲ့ ငှက်ဖျားရောဂါဟာ ကမ္ဘာ့တခြားနေရာတွေကို ကူးစက် ပြန့်ပွားသွားနိုင်တဲ့ အလားအလာတွေ ရှိနေတဲ့အတွက် အဲဒီ မြန်မာ့ ငှက်ဖျားနှိမ်နင်းရေး လုပ်ငန်းနဲ့ ပတ်သက်ပြီး ဗြိတိန်နိုင်ငံက ပံ့ပိုးကူညီမှုတွေ တိုးမြှင့်ဆောင်ရွက် သွားမယ်လို့ သိရပါတယ်။
2011-04-27
ပြီးခဲ့တဲ့ သီတင်းပတ်က ကုန်သွယ်ရေးကောင်စီကို ဖျက်သိမ်းလိုက်တာကြောင့် မြန်မာနိုင်ငံရဲ့သွင်းကုန် ထုတ်ကုန်လုပ်ငန်းတွေ ပိုမိုပြီး မြန်မြန်ဆန်ဆန် ဆောင်ရွက်လာနိုင်မယ်လို့ မြန်မာ့စီးပွားရေး အသိုင်းအဝိုင်းက မျှော်လင့်နေကြပါတယ်။
2011-04-27
ရှမ်းပြည်မြောက်ပိုင်း ဓာတ်ငွေ့ ပိုက်လိုင်း ဖြတ်သန်း ဖောက်လုပ်မဲ့ နေရာမှာ တပ်စွဲထားတဲ့ ကချင်တပ်မတော် KIA တပ်မဟာ(၄) လက်အောက်ခံ တပ်များကို အစိုးရတပ်တွေက ဧပြီလ ၂၅ ရက်နေ့က တပ်စွဲထားတဲ့ နေရာတွေက ပြောင်းရွှေ့ခိုင်းတာမှာ တပ်မဟာ ၄ က ငြင်းဆိုလိုက်တယ်လို့ စုံစမ်းသိရှိရပါတယ်။
2011-04-27
မြန်မာနိုင်ငံ အစိုးရအနေနဲ့ ငြိမ်းချမ်းရေး အကောင်အထည်ဖော်ပေးဖို့ နဲ့ လွတ်ငြိမ်းချမ်းသာခွင့်ပေးဖို့ ဆောင် ရွက်ပေးဖို့ ရွေးကောက်ပွဲဝင် တိုင်းရင်းသား ပါတီ ၅ပါတီက အစိုးရကို တောင်းဆိုလိုက်ကြပါတယ်။
2011-04-27
ရခိုင်လူမျိုးတို့ရဲ့ အမျိုးဘာသာ သာသနာနဲ့ ယဉ်ကျေးမှု ဖော်ထုတ်ရေးနဲ့ တိုင်းရင်းသား လူထုတရပ်လုံး တန်းတူ အခွင့်အရေး ရရှိရေးတို့ အပါအဝင် အချက် ၇ ချက်ကို ရည်ရွယ်ပြီး ပထမဦးဆုံးအနေနဲ့ ရခိုင်ပြည်တွင်းမှာ လျှို့ဝှက်ထုတ်ဝေတဲ့ ရက္ခအလင်းတန်း စာစောင်ကို အခုအခါ ပြည်နယ် အတွင်းမှာ ဖြန့်ဝေနေတယ်လို့ သိရပါတယ်။
2011-04-27
၂၀၀၈ခုနှစ်မှာ တက်လာတဲ့ အမေရိကန်သမတ အိုဘားမားအစိုးရက မြန်မာပြည်ဆိုင်ရာ အမေရိကန်ရဲ့မူဝါဒ အချို့ကို ပြောင်းလဲပြီး ထိတွေ့ဆက်ဆံရေးမူရော ပြစ်ဒဏ်ခတ် ပိတ်ဆို့ရေးမူကိုပါ တပြိုင်နက်တည်း သုံးခဲ့ရာမှာ အခုချိန်ထိတော့ ထိတွေ့ဆက်ဆံရေး မူဝါဒ အောင်မြင်မှု မရသေးဘူးလို့ ဧပြီ ၂၅ ရက်နေ့မှာ အမေရိကန် လက်ထောက် နိုင်ငံခြားရေး ဝန်ကြီး မစ္စတာ ကတ် ကင်းမ်ဘဲလ် ကိုယ်တိုင် ဝန်ခံပြောဆိုသွားပါတယ်။
2011-04-27
ဆယ်စုနှစ်ပေါင်း များစွာ ကြာနေပြီဖြစ်တဲ့ မြန်မာ့နိုင်ငံရေးပြဿနာကို ကိုင်တွယ်ရာမှာ ပြည်တွင်းမှာရော၊ ပြည်ပမှာပါ ရှိနေတဲ့ အခက်အခဲတွေကို ဖြေရှင်းသွားဖို့ လိုအပ်တယ်လို့ သမတ ဦးသိန်းစိန်ရဲ့ နိုင်ငံရေး အကြံပေး ပုဂ္ဂိုလ်အဖြစ် ရွေးချယ်ခံထားရသူ ဒေါက်တာ ဦးနေဇင်လတ်က ပြောပါတယ်။
2011-04-27
ထိုင်း-မြန်မာနယ်စပ်က မြန်မာဒုက္ခသည်တွေကို ထိုင်းအာဏာပိုင်တွေအနေနဲ့ အခုချိန်မှာ ပြန်ပို့မှာ မဟုတ်ဘူးလို့ မိမိတို့ ယုံကြည်ကြောင်း လူဦးရေ ၊ ဒုက္ခသည်နဲ့ ရွှေ့ပြောင်း အခြေချသူများအရေး ဆိုင်ရာ အမေရိကန် လက်ထောက် နိုင်ငံခြားရေးဝန်ကြီး Mr. Eric Schwartz က ပြောကြားလိုက်ပါတယ်။
2011-04-26
ရန်ကုန်မြို့က ပုဂ္ဂလိက ဓာတ်ဆီဆိုင်တွေမှာ တနေ့ကို ကားတစီးအတွက် ၂ ဂါလံနှုန်းပဲ ရောင်းချပေးတဲ့ စနစ်ကို ဧပြီ ၂၅ ရက် မနေ့က စတင်ကျင့်သုံးနေပြီး ပြင်ပ မှောင်ခိုဈေးကွက်မှာ ဓာတ်ဆီဈေး တက်သွားတယ်လို့ စုံစမ်း သိရှိရပါတယ်။
2011-04-26
မြန်မာနိင်ငံမှာ အခုအချိန်ကာလဟာ စစ်အစိုးရက အရပ်သား အစိုးရအဖြစ် ပြောင်းလဲသွားပေမဲ့ နိင်ငံရေး အကျဉ်းသားတွေ ရှိနေဆဲ၊ လူ့အခွင့်အရေး ချိုးဖောက်မှုတွေ ရှိနေဆဲ စတဲ့ အချက်အလက်တွေ ပါဝင်တဲ့ စာတစောင်ကို ဂျပန်ကုန်သည်ကြီးများအသင်းကို မြန်မာ့ ဒီမိုကရေစီ အင်အားစုတွေက ဧပြီ ၂၆ ရက် ဒီကနေ့ ပေးအပ်လိုက်တဲ့အပြင် လက်ကမ်းစာစောင်တွေကိုပါ ဝေငှ ခဲ့ကြပါတယ်။
2011-04-26
ရှမ်းပြည်နယ် အရှေ့ပိုင်းနဲ့ တောင်ပိုင်းမှာ မိုးသည်းထန်ပြီး လေပြင်းတွေ ကျရောက်လို့ သစ်ပင်တွေကျိုး အိမ်တွေ ပျက်စီးပြီး အနည်းဆုံး လူ ၇ ဦး သေဆုံးသွားတယ်လို့ သတင်းရရှိပါတယ်။
2011-04-26
လယ်ယာစိုက်ပျိုးရေးနဲ့ ပတ်သက်လို့ ပထမအကြိမ် ပညာပေးသင်တန်းကို အမျိုးသား ဒီမိုကရေစီအဖွဲ့ချုပ် (NLD) က ရွှေဂုံတိုင်ဌာနချုပ်မှာ ဧပြီ ၂၆ ရက် ဒီကနေ့ ဖွင့်လှစ်ကျင်းပခဲ့ပါတယ်။
2011-04-26
ဧရာဝတီတိုင်း ဘိုကလေးဒေသမှာ သဘာဝဘေးဒဏ်နဲ့ ရာသီဥတုဒဏ်တွေကြောင့် သစ်တောတွေ ပြုန်းတီး ပျက်စီးကုန်တဲ့အတွက် ဒေသတွင်း စိမ်းလန်းစိုပြေစေဖို့ ရည်ရွယ်ပြီး ကုက္ကိုလ်ပင်တွေ စိုက်ပျိုးဖို့ စီစဉ်နေတယ်လို့ သိရပါတယ်။
2011-04-26
သမတသက်တမ်း တလနီးပါး ရှိလာပြီဖြစ်တဲ့ ဦးသိန်းစိန်ဟာ လွှတ်တော်နဲ့ လူထုကို ပြောကြားခဲ့တဲ့ မိန့်ခွန်းနဲ့ ကိုက်ညီတဲ့ လက်တွေ့ လုပ်ဆောင်ချက်တွေ ဘာတခုမှ မမြင်တွေ့ရသေးကြောင်း၊ အထူးသဖြင့် နိုင်ငံရေး အကျဉ်းသား တွေကို လွှတ်မပေးသေးတဲ့အချက်က ဦးသိန်းစိန်ရဲ့ ပြောကြားချက်တွေကို အယုံအကြည် ပျက်ပြယ်စေကြောင်း၊ အစိုးရသစ်အပေါ် အဆိုးမြင်နေသူတွေ အယုံအကြည်ကင်းမဲ့ နေသူတွေကို မှားယွင်းကြောင်း သက်သေပြနိုင်ဖို့ကတော့ ဦးသိန်းစိန် ရှေ့ဆက်မဲ့ ခြေလှမ်းပေါ် မူတည်နေကြောင်း၊ ဆောင်းပါးရှင် လယ်ရီ ဂျေဂင်က သုံးသပ်ထားပါတယ်။
2011-04-26
မြန်မာအစိုးရအနေနဲ့ အမေရိကန် ပြည်ထောင်စုနဲ့ ဆက်ဆံရေး တိုးမြှင့်ခြင်းအားဖြင့် အကျိုးရှိနိုင်ကြောင်း၊ မြန်မာအစိုးရဟာ နောက်ဆုးံမှာတော့ နိုင်ငံတကာ အသိုင်းအဝန်းနဲ့ မလွဲမသွေ ပေါင်းသင်း ဆက်ဆံရမှာ ဖြစ်ကြောင်း မြန်မာနိုင်ငံကို မကြာခင်က သွားရောက်ခဲ့တဲ့ အမေရိကန် ဒု-လက်ထောက် နိုင်ငံခြားရေး ဝန်ကြီး ဂျိုးဇက်ယွန်က ပြောဆိုလိုက်ပါတယ်။
