သတင်းနှင့် ဆောင်းပါးများ သိုမှီးရေးစနစ်
2020-04-29
မြန်မာ့တပ်မတော်ဟာ COVID-19 လို့ခေါ်တဲ့ ကိုရိုနာဗိုင်းရပ်စ်ဖြစ်ပွားနေချိန်အတွင်း စစ်ရာဇဝတ်မှု(War Crimes)နဲ့ လူသားမျိုးနွယ်အပေါ်ကျူးလွန်တဲ့ ရာဇဝတ်မှု (Crime against humanity)တွေကို ချိုးဖောက်ကျူးလွန်နေနိုင်တယ်လို့ ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် မစ္စယန်ဟီးလီက ပြောလိုက်ပါတယ်။
2020-04-29
ရခိုင်ပြည်နယ် မင်းပြားမြို့နယ်မှာ ဧပြီလ ၂၀ ရက်နေ့က ယာဉ်မောင်း သေဆုံးခဲ့ရတဲ့ WHO ကမ္ဘာ့ကျန်းမာရေးအဖွဲ့ပိုင် မော်တော်ယာဉ် ပစ်ခတ်တိုက်ခိုက်ခံရတဲ့ကိစ္စနဲ့ ပတ်သက်လို့ လွှတ်တော် နိုင်ငံသားအခွင့်အရေးဆိုင်ရာ ကော်မတီ ဥက္ကဋ္ဌ ဦးဆောင်တဲ့ စုံစမ်းစစ်ရေးကော်မတီတစ်ရပ်ကို နိုင်ငံတော်သမ္မတရုံးက မနေ့ကရက်စွဲနဲ့ ဖွဲ့စည်းတာဝန်ပေးအပ် လိုက်ပါတယ်။
2020-04-29
ဒေသအသီးသီးကနေ လာရောက်သူတွေအနေနဲ့၊ ခရီးသွားထောက်ခံစာပါပြီး ကျန်းမာရေးကောင်းမွန်ရင် နေပြည်တော်ကို ဝင်ရောက်ခွင့်ပြုမယ့် ကြေညာချက်ဟာ၊ အစိုးရဌာနဆိုင်ရာ လုပ်ငန်းတွေ အဆင်ပြေချောမွေ့စေဖို့ တင်းကြပ်မှုတချို့ကို ဖြေလျှော့ပေးလိုက်တာဖြစ်တယ်လို့ တာဝန်ရှိသူတွေက ပြောပါတယ်။
2020-04-29
လူ့အခွင့်အရေး ချိုးဖောက်မှုတွေကို ကျူးလွန်ထားတယ်ဆိုတဲ့ စွဲချက်နဲ့ တပ်မတော်နဲ့ ရဲတပ်ဖွဲ့ ထိပ်တန်းအရာရှိ တချို့ကို ဗြိတိန်အစိုးရ၊ ဘဏ္ဍာရေး ဝန်ကြီးဌာနနဲ့ ဥရောပ သမဂ္ဂ EU တို့က အရေးယူ ပိတ်ဆို့မှု သက်တမ်း တစ်နှစ် ထပ်တိုးလိုက်ပါတယ်။ ဒီလိုအရေးယူမှုနဲ့ ပတ်သက်ပြီး မြန်မာပြည်က လေ့လာစောင့်ကြည့်သူများကြားမှာ အမြင်မတူ ညီမှုတွေ ရှိနေပါတယ်။
2020-04-29
ရန်ကုန်တိုင်းမှာ ကိုရိုနာဗိုင်းရပ်စ် အတည်ပြုလူနာ များလာတာကြောင့် နေအိမ်မှာပဲ နေထိုင်ကြရေး အစီအစဉ်မှာ ထည့်သွင်းလိုက်တဲ့ မြို့နယ် ၁၀မြို့နယ်မှာ အဝင်အထွက် ပိတ်ဆို့တာတွေကြောင့် သွားလာရေးနဲ့ စားသောက်ရေးမှာ အခက်အခဲတွေနဲ့ ကြုံနေရပါတယ်။
2020-04-28
ရခိုင်ပြည်နယ်မြောက်ပိုင်းမှာ တပ်မတော်နဲ့ ရက္ခိုင့်တပ်တော်(AA)တို့ တိုက်ပွဲတွေ ဒီနေ့အထိ ဆက်လက် ပြင်းထန် နေဆဲ ဖြစ်ပြီး ဧပြီလ ၂၆ နဲ့ ၂၇ ရက်နေ့တွေမှာ ကျောင်းသူတစ်ဦးအပါအဝင် အရပ်သား ငါးဦး ထိခိုက်ဒဏ်ရာ ရခဲ့ပါတယ်။
2020-04-28
ကိုရိုနာဗိုင်းရပ်စ် ကာကွယ်ရေးကာလအတွင်း အပြင်မထွက်ဘဲ အိမ်တွင်းအောင်းနေ ကြပေမယ့် သွေးလှူရှင်တွေဟာ ရန်ကုန်ကဆေးရုံတွေမှာ လိုအပ်တဲ့သွေး ဖြည့်ဆည်း နိုင်ဖို့အတွက် သွေးလှူဘဏ်ကို ဆက်သွယ်လှူဒါန်းနေကြပါတယ်။
2020-04-28
ကိုးကန့်ကိုယ်ပိုင်အုပ်ချုပ်ခွင့်ရဒေသ ချင်းရွှေဟော်နဲ့ လောက်ကိုင်ဒေသ ကိုဖြတ်ပြီး တရုတ်နိုင်ငံမှာ သွားရောက် အလုပ်လုပ်နေရာက ကိုရိုနာဗိုင်းရပ်စ် ကူးစက်မှုကြောင့် စက်ရုံတွေပိတ်ပြီး နေရပ်ပြန်လာတဲ့ မြန်မာနိုင်ငံသား ရွှေ့ပြောင်း အလုပ်သမားတွေကို ဒီနေ့ ကစပြီး အာဏာပိုင်တွေရဲ့ အစီအစဉ်နဲ့ နေရပ်ကို ပို့ဆောင်နေပါတယ်။
2020-04-28
နိုင်ငံတော်အတိုင်ပင်ခံ ဦးဆောင်တဲ့ အမျိုးသားအဆင့် စေတနာ့ဝန်ထမ်း ဦးဆောင် အဖွဲ့ကို ဧပြီ ၂၅ ရက်က စတင်ဖွဲ့စည်းလိုက်ပြီးတဲ့နောက် အသွားအလာ ကန့်သတ် စောင့်ကြည့်တဲ့ Quarantine Center တွေမှာ စေတနာ့ဝန်ထမ်းလုပ်လိုသူစာရင်းကို သက်ဆိုင်ရာမြို့နယ်အလိုက် စတင်ကောက်ယူနေပါတယ်။
2020-04-28
ဗဟိုချုပ်ကိုင်မှုစနစ်၊ ကုသရေးပစ္စည်းနဲ့ဝန်ထမ်း မလုံလောက်မှုတို့ကြောင့် ကိုရိုနာဗိုင်းရပ်စ် ကူးစက်ခံရသူတွေကို ကုသရေး နှောင့်နှေးရတယ်လို့ ကိုရိုနာဗိုင်းရပ်စ် ကူးစက်ခံရသူ ပြည်ဆေးရုံက မေ့ဆေးဆရာဝန်ကြီး ဒေါ်မြင့်မြင့်စိန်က နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို ပြောလိုက်ပါတယ်။
2020-04-28
တိုက်ပွဲတွေပြင်းထန်နေတဲ့ ရခိုင်ပြည်နယ်အပါအဝင် ပြည်နယ် ငါးခုက ဒုက္ခသည်စခန်း ၁၇၀ ကျော်မှာ ကိုရိုနာ ဗိုင်းရပ်စ် အသိပညာပေးရေးနဲ့ ကာကွယ်ရေးလုပ်ငန်းတွေအတွက် ပြည်ထောင်စုအစိုးရအဖွဲ့က ငွေကျပ် ၂ ဒဿမ ၄ ဘီလီယံ သုံးစွဲဖို့ စီစဉ်ထားပါတယ်။
2020-04-28
ကိုရိုနာဗိုင်းရပ်စ် တားဆီးကာကွယ်ကုသရေးကို ရှေ့တန်းကဆောင်ရွက်နေတဲ့ ကျန်းမာရေး ဝန်ထမ်းတွေနဲ့ စေတနာ့ဝန်ထမ်းတွေ ခွဲခြားဆက်ဆံ ခံနေရပါတယ်။
2020-04-27
ကိုရိုနာဗိုင်းရပ်စ်ရောဂါ ကူးစက်ပြန့်ပွားမှု လျော့နည်းရေးနဲ့ သေဆုံးမှု နည်းပါးရေးအတွက် ရောဂါထိန်းချုပ်ကာကွယ်ရေး စည်းမျဉ်းစည်းကမ်းတွေကို တိတိကျကျဆောင်ရွက်ဖို့ အရေးကြီးတယ်လို့ ဆေးပညာရှင်တွေက သတိပေးလိုက်ပါတယ်။
2020-04-27
ကိုရိုနာဗိုင်းရပ်စ်ရောဂါအပြင် အကြောင်းအမျိုးမျိုးကြောင့် မြန်မာနိုင်ငံက စက်ရုံ၊ အလုပ်ရုံတွေ ပိတ်သိမ်းရပြီး အလုပ်သမား ခြောက်သောင်းကျော် အလုပ်လက်မဲ့ ဖြစ်နေပြီလို့ အလုပ်သမားဝန်ကြီးဌာနက ပြောပါတယ်။
2020-04-27
ကိုရိုနာဗိုင်းရပ်စ် ကူးစက်ပြန့်ပွားမှုကို ထိန်းချုပ်ကာကွယ်ဖို့ ကြိုးစားနေဆဲကာလဖြစ်ပေမယ့် ရပ်နားထားတဲ့ လွှတ်တော်အစည်းအဝေးတွေကို မေလ ၁၈ ရက်နေ့မှာ ပြန်စဖို့ ကြေညာချက် ထုတ်ပြန်လိုက်ပါတယ်။
