བྱང་ཨ་རིའི་བོད་རིགས་སྤྱི་མཐུན་ཚོགས་པའི་ཚོགས་ཆེན་ཐེངས་༡༦པ།

༄༅། །ཨ་རིའི་སྐུ་ཚབ་དོན་གཅོད་ལས་ཁང་གི་དྲ་རྒྱའི་ཐོག་གནས་ཚུལ་སྤེལ་བ་ལྟར་ན།   བྱང་ཨ་རིའི་བོད་རིགས་སྤྱི་མཐུན་ཚོགས་པའི་ཚོགས་ཆེན་ཐེངས་༡༦པ་དེའི་ཐོག་སྐུ་མགྲོན་གཙོ་བོར་བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་ཕེབས་ནས་གསུང་བཤད་དང་། ལྷན་ཚོགས་དེའི་ཐོག་བྱང་ཨ་རིའི་ས་གནས་ཁག་༢༨ཀྱི་བོད་རིགས་སྤྱི་མཐུན་ཚོགས་པའི་སྐུ་ཚབ་མི་གྲངས་༦༠ལྷག་ཙམ་མཉམ་ཞུགས་གནང་ཡོད་ཅིང་། ལྷན་ཚོགས་དེའི་ཐོག་གཙོ་བོ་བོད་དོན་སྤྱི་དང་། བོད་མི། ནང་པ་དང་འབྲེལ་བའི་གནད་དོན་འདྲ་མིན་ཐོག་གྲོས་བསྡུར་གནང་རྒྱུ་ཡིན་པ་དང་།  ལྷན་ཚོགས་དེ་ཨ་རིའི་རྒྱལ་ས་ཝ་ཤིང་ཀྲོན་དུ་ཡོད་པའི་སྐུ་ཚབ་དོན་གཅོད་ལས་ཁང་དང་། ནིའུ་དབྱོག་དང་ནིའུ་ཇར་སི་ས་གནས་བོད་རིགས་སྤྱི་མཐུན་ཚོགས་པ་མཐུན་མོང་ཐོག་ནས་གོ་སྒྲིག་གནང་བ་ཞིག་ཡིན་འདུག།

གསར་འགོད་པ་འཆི་མེད།