ཡུ་རོབ་མཉམ་སྦྲེལ་གྱི་ཕྱི་སྲིད་འགན་འཛིན་གྱིས་འཚམས་གཟིཌ

ལྕམ་Ashton ཁོང་གིས་རྒྱ་ནག་གི་དཔོན་རིགས་མཉམ་ ཕྱི་འབྲེལ་སྲིད་བྱུས་དང་བདེ་འཇགས་ཀྱི་གནད་དོན་སྐོར་གྲོས་མོལ་གནང་རྒྱུ་ཡིན་པ་ལྟར། ཁོང་རང་ཡུལ་ནས་ཕེབས་ཐོན་མ་གནང་གོང་སྤེལ་གནང་བའི་བསྒྲགས་གཏམ་ནང༌། ཡུ་རོབ་མཉམ་སྦྲེལ་སྒྲིག་འཛུགས་ཀྱིས་རྒྱ་ནག་དང་མཉམ་འབྲེལ་བ་གནང་སྐབས།གཞི་རྒྱ་ཆེ་བའི་ཐུན་མོང་གི་ཁེ་ཕན་མཉམ་སྤྱོད་བྱ་རྒྱུའི་ཕན་ཚུན་རྒྱལ་ཁབ་འདྲ་མཉམ་གྱི་ཐོག་ནས་གཅིག་ལ་གཅིག་རྟེན་གྱི་འབྲེལ་བ་ཞིག་འཛུགས་དགོས་ཀྱི་ཡོད་པ་དང༌། ཡུ་རོབ་མཉམ་སྦྲེལ་སྒྲིག་འཛུགས་ཀྱི་ངོས་ནས་འཛམ་གླིང་སྤྱིའི་གནད་དོན་སྐོར་གྲོས་མོལ་བྱ་རྒྱུའི་འགན་འཁྲི་ཡོད་པའི་སྐོར་འགྲེལ་བརྗོད་གནང་བཞག།
ལྕམ་Ashton གིས་ད་རེས་རྒྱ་ནག་མཉམ་ཚོགས་འདུ་གནང་ཡག་དེ་ཡུ་རོཔ་མཉམ་སྦྲེལ་སྒྲིག་འཛུགས་དང་རྒྱ་ནག་གཉིས་དབར་ཐབས་ཇུས་ཀྱིི་གྲོས་མོལ་ཐེངས་གསུམ་པ་དེ་ཆགས་ཀྱི་ཡོད་པ་དང༌། ཚོགས་འདུ་དེའི་ཐོག་ནས་ད་ལོ་སྟོན་ཀའི་སྐབས་སུ་ Brussels ནང་འཚོགས་རྒྱུའི་ཕྱོགས་གཉིས་དབར་གྱི་ཆེས་མཐོའི་ལྷན་ཚོགས་ཀྱི་རྨང་གཞི་བཏིང་གནང་རྒྱུ་ཡིན་པ་རེད།
ད་རེས་རྒྱ་ནག་ཏུ་ཕེབས་སྐབས། ལྕམ་Ashton ཡིས་རྒྱ་ནག་གི་སྲིད་བློན་ཝེན་ཅ་པའོ་དང།རྒྱ་ནག་རྒྱལ་སྲིད་སྤྱི་ཁྱབ་ཁང་གི་འགན་འཛིན་གྲས་ Dai Bingguo
དེ་བཞིན་རྒྱ་ནག་གི་རྒྱལ་སྲུང་བློན་ཆེན་Liang Guanglie བཅས་དང་མཉམ་དུ་མཇལ་འཕྲད་གནང་ཡག་རེད་འདུག།
རྒྱ་ནག་ནང་གི་གཟིགས་སྐོར་གྲུབ་མཚམས་རེས་གཟའ་ལྷག་པའི་ཉིན་ལྕམ་Ashton
ཧོང་ཀོང་ལ་ཕེབས་ཐོན་གནང་གི་ཡོད་པ་དང༌།དེ་ནས་རེས་གཟའ་ཕུར་བུའི་ཉིན་ ཀམ་བྷོ་དྲི་ཡའི་རྒྱལ་ས་Phnon Penh དུ་ལྷོ་ཤར་ཨེ་ཤི་ཡའི་ཡུལ་ཁག་མཉམ་མཐུན་ལྷན་ཚོགས་ཀྱི་ཚོགས་ཆེན་ནང་མཉམ་ཞུགས་གནང་ཡག་ཡིན་པ་རེད།