རྒྱ་ནག་གིས་བོད་ཐོག་གུ་ཡངས་གཏོང་རྩིས་མེད་པའི་བརྡ།
2013.01.29
དེ་ཡང་བོད་རང་སྐྱོང་ལྗོངས་ཀྱི་ས་གནས་མི་མང་འཐུས་མིའི་ལོ་འཁོར་ཚོགས་ཆེན་མཇུག་སྒྲིལ་གྱི་ཉིན་འགོ་ཁྲིད་རྙིང་པ་པདྨ་འཕྲིན་ལས་ཀྱི་ཚབ་ཏུ། ལོ་ན་༥༥ཡིན་པའི་བློ་བཟང་རྒྱལ་མཚན་བོད་རང་སྐྱོང་ལྗོངས་ཀྱི་འགོ་ཁྲིད་གསར་པར་བསྐོ་བཞག་བྱས་ཡོད་སྐོར་རྒྱ་ནག་གཞུང་འབྲེལ་ཤིན་ཧྭ་གསར་ལས་ཁང་གིས་གསལ་བསྒྲགས་ཡོད་པ་དང་། བོད་ནང་གི་རྩོམ་པ་པོ་གྲགས་ཅན་འོད་ཟེར་ལགས་ཀྱིས་བློ་བཟང་རྒྱལ་མཚན་ནི་དམར་ཤོག་གི་བལྟ་བ་མཁྲེགས་བཟུང་བྱེད་མཁན་ཞིག་ཡིན་པ་དང༌། མཐོ་རིམ་གོ་གནས་ཐོག་ཡོད་མཁན་དཔོན་རིགས་ཚང་མ་བལྟ་བ་མཁྲེགས་འཛིན་པ་ཤ་སྟག་ཡིན་སྐོར་འགྲེལ་བརྗོད་གནང་བ་དང་འབྲེལ་། བོད་ནང་དངོས་གཞིའི་འགྱུར་བ་གང་ཡང་འགྲོ་རྒྱུ་མིན་སྐོར་གསུང་འདུག
བློ་བཟང་རྒྱལ་མཚན་ནི་དེའི་གོང་བོད་ཀྱི་རྒྱལ་ས་ལྷ་སའི་གྲོང་ཁྱེར་སྤྱི་ཁྱབ་ཡིན་པ་དང༌། དེ་སྔོན་སྐབས་ཅིག་དམར་ཤོག་གི་བལྟ་གྲུབ་སློབ་ཁྲིད་བྱེད་མྱོང་ཡོད་སྐོར་གཞུང་འབྲེལ་ལོ་རྒྱུས་ནང་བཀོད་འདུག
ཁོང་གི་གོང་ལ་བོད་རང་སྐྱོང་ལྗོངས་ཀྱི་འགོ་ཁྲིད་མཐོ་ཤོས་དེ་དམར་ཤོག་ཚོགས་པའི་ཚོགས་གཙོ་Chen Quanguo ཡིན་པ་དང༌། གོ་གནས་དེའི་ཐོག་རྒྱ་མི་རིགས་མ་གཏོགས་བོད་པ་གཅིག་ཀྱང་ད་བར་བསྐོ་བཞག་བྱས་མྱོང་མེད།
བློ་བཟང་རྒྱལ་མཚན་གྱིས་རང་སྐྱོང་ལྗོངས་ཀྱི་གྲོས་ཚོགས་འཐུས་མི་ཚོར་གཏམ་བཤད་བྱེད་སྐབས། ས་གནས་སྲིད་གཞུང་གིས་སེམས་ཐག་གཙང་གཅད་ཀྱི་སྒོ་ནས་བཙན་བྱོལ་དུ་ཡོད་པའི་བོད་མིའི་དབུ་ཁྲིད་༧གོང་ས་༧ཏཱ་ལའི་བླ་མར་འཐབ་རྩོད་བྱ་རྒྱུ་དང༌། བོད་ནང་གནས་སྟངས་བརྟན་ལྷིང་ཡོང་ཐབས་སུ་གྲངས་ཉུང་མི་རིགས་དབར་གྱི་འབྲེལ་བ་དང་། མེས་རྒྱལ་གོང་བུ་གཅིག་གྱུར་སྲུང་སྐྱོབ་དམ་འཛིན་བྱ་རྒྱུ་སོགས་བཤད་འདུག
བལྟ་བཤེར་མང་ཤོས་བྱས་པའི་གནས་ཚུལ།
RFA
- ༸གོང་ས་༸སྐྱབས་མགོན་ཆེན་པོ་མཆོག་གིས་དཀའ་ཁག་ཆེ་བའི་དུས་སྐབས་འདིར་༸རྒྱལ་དབང་རིན་པོ་ཆེ་ཡོད་བསམ་ནས་བློ་བདེ་པོ་བྱོས་ཞེས་མཇལ་བཅར་བ་ཚོར་བཀའ་སྩལ་མཛད་འདུག
- ༸རྒྱལ་བའི་ཡང་སྲིད་དང་། རྒྱ་ནག་དམར་ཤོག་གཞུང་གི་ངན་བྱུས།
- ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་དང་། ཡུ་གུར། འབར་མའི་སྐད་ཡིག་སྡེ་ཚན་གྱི་ལས་དོན་མཚམས་འཇོག་བྱེད་རྒྱུའི་གསལ་བསྒྲགས།
- ཡུ་རོབ་གྲོས་ཚོགས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུའི་ཡང་སྲིད་ངོས་འཛིན་གནང་སྒོར་རྒྱ་ནག་གཞུང་གིས་ཐེ་གཏོགས་བྱེད་པར་སྐྱོན་བརྗོད་ཀྱི་གྲོས་ཆོད་ཚད་མཐོའི་མང་མོས་ཐོག་གཏན་འབེབས་གནང་འདུག
- རྒྱ་གར་གྱིས་པ་ཀིསྟན་ནང་གི་དྲག་སྤྱོད་པའི་ས་ཚིགས་ལ་རྒོལ་རྡུང་བཏང་བར་རྒྱ་ནག་གིས་བློ་འགྱོད་ཡོད་སྐོར་བརྗོད་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ༸གོང་ས་༸སྐྱབས་མགོན་ཆེན་པོ་མཆོག་གིས་ཡེ་ཤུའི་བླ་ཆེན་པོབ་ལེའུ་བཅུ་བཞི་པ་མཆོག་ལ་འཚམས་འདྲི་མཛད་འདུག
- རྒྱ་ནག་གཞུང་གིས་ལོ་དགུའི་རིང་ཆུ་དང་གློག་གི་མཐུན་རྐྱེན་བཅད་པར་ཞུ་གཏུགས་བྱེད་མཁན་སྐལ་བཟང་ལགས་བཙོན་འཇུག་བྱས་འདུག
- ཧོང་ཀོང་དུ་སངས་རྒྱས་ཀྱི་རིང་བསྲེལ་རིན་བསྡུར་ལམ་ནས་ཚོང་སྒྱུར་བྱ་འཆར་ལ་རྒྱ་གར་གཞུང་གིས་དགག་བྱ་བྱས་རྐྱེན་རིན་བསྡུར་ཚོང་སྒྱུར་ཕྱི་བཤོལ་བྱས་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་བསྟན་འགྲོ་སྤྱིའི་དོན་དུ་མཛད་འཕྲིན་མུ་མཐུད་བསྐྱང་རྒྱུའི་བཀའ་བཞེས་ཕེབས་སོང་།
- ༸གོང་ས་༸སྐྱབས་མགོན་ཆེན་པོ་མཆོག་གིས་ཇོ་ནང་རྒྱལ་ཚབ་རིན་པོ་ཆེ་དང་། ཤར་སྤྲུལ་རིན་པོ་ཆེ། དགེ་བཤེས་ལྷུན་གྲུབ་བཟོད་པ་རིན་པོ་ཆེའི་ཡང་སྲིད་གཙོས་པའི་ཕྱི་ནང་གི་དད་ལྡན་པར་མཇལ་ཁ་སྩལ་བ།