ཉི་ཧོང་དང་རྒྱ་ནག་བར་དམག་འཁྲུག་ཡོང་གཞིར་འགྱུར་སྲིད་པ།

དེ་ཡང་རེས་གཟའ་མིག་དམར་ཉིན་རྒྱ་ནག་གི་ཕྱོགས་ནས་བརྗོད་པར་ཉི་ཧོང་གི་ཕྱོགས་ནས་གླིང་ཕྲན་དེའི་སྟེང་གང་བྱུང་གི་སྒྱུ་མ་ལྟ་བུའི་འཁྲུལ་སྣང་གི་བྱ་སྤྱོད་མཐའ་དག་མཚམས་འཇོག་དགོས་པའི་སྐོར་བརྗོད་ཡོད་པ་རེད། གླིང་ཕྲན་དེའི་རྩོད་རྙོག་གི་སྐོར་ཉི་ཧོང་གི་ཕྱི་འབྲེལ་བློན་ཆེན་གཞོན་པ་Chikao Kawai དང་རྒྱ་ནག་གི་ཕྱི་འབྲེལ་བློན་གཞོན་པ་Zhang Zhijun གཉིས་ཀྱི་དབར་རྒྱ་ནག་གི་རྒྱལ་ས་སྦད་ཅིང་ལ་བཀའ་བསྡུར་གནང་ཡོད་པ་རེད།

རྒྱ་ནག་གི་མི་མང་ཁྱོན་ཆེས་ཉི་ཧོང་ལ་ངོ་རྒོལ་ཁྲོམ་སྐོར་གྱི་ལས་འགུལ་མང་པོ་སྤེལ་བཞིན་ཡོད་པ་རེད། མ་ཟད་རྒྱ་ནག་ནང་ཡོད་པའི་ཉི་ཧོང་གི་Panasonic དང་Honda བཟོ་ཚོང་ཡན་ལག་ཁང་སོགས་འཕྲལ་སེལ་སྒོ་རྒྱབ་དགོས་བྱུང་སྟེ་ཁོང་ཚོའི་ལས་མིའི་བདེ་འཇགས་དང་བཟོ་གྲྭའི་བདག་དངོས་ཀྱི་བདེ་སྲུང་ལ་སེམས་འཚབ་བྱེད་ཀྱི་ཡོད་པ་རེད།

དེ་བཞིན་ཐེངས་འདིའི་ཕྱོགས་ཕན་ཚུན་གཉིས་ཀྱི་ཕྱི་འབྲེལ་བློན་ཆེན་མཇལ་འཕྲད་བཀའ་བསྡུར་གནང་བ་བརྒྱུད་ཇི་དགེའི་ཐག་གཅོད་ཡོང་རེ་གནང་གི་ཡོད་འདུག