བྱང་ཆུབ་ལམ་སྒྲོན་གྱི་གསུང་ཆོས་དབུ་འཛུགས།

དེ་ཡང་ཚེས་༤་ སྔ་དྲོ་ཆུ་ཚོད་ ༨ ཐོག་༧གོང་ས་མཆོག་གིས་ སླེ་ལྕོག་ལམ་སར་ཡོད་པའི་ཞི་བའི་ཚལ་ཕོ་བྲང་གི་གསུང་ཆོས་རྭ་བར་ཆིབས་སྒྱུར་བཀའ་དྲིན་བསྐྱངས་ཏེ་ཐོག་མར་ས་གནས་ཡུལ་མི་དང་བོད་མི་ཆོས་ཞུ་བ་རྣམས་ལ་ནང་ཆོས་ངོ་སྤྲོད་དང་འབྲེལ་བཀའ་སློབ་སྩལ་བའི་ནང་  ལ་དྭགས་པར་ཆ་བཞག་ན་ཕ་མེས་ནས་ནང་པ་ཞིག་ཆགས་ཡོད་པ་དང་། ་ལ་དྭགས་ནང་ལའང་ཁ་ཆེ་དང། ཡེ་ཤུ། ཧིན་དྷུ་ཡོད་ཀྱང་  ལ་དྭགས་སྤྱིའི་ཆ་ནས་ནང་པའི་ཡུལ་གྲུ་ཡིན་པ་དང་ ། ལ་དྭགས་ཀྱི་རིག་གཞུང་དང་གོམ་གཤིས་རྩིས་ན་སངས་རྒྱས་པའི་ཆོས་ཆགས་ཡོད་ལུགས་བཀའ་གནང་བཞག།

དེ་བཞིན་༧གོང་ས་སྐྱབས་མགོན་ཆེན་པོ་མཆོག་གིས་ རྩ་བའི་ཆོས་དང་ལྟ་གྲུབ་ཟེར་རྒྱུ་དེ་ནི་ཆོས་ཀྱི་རྒྱབ་རྟེན་འཚོལ་གྱི་ཡོད་པ་དང་། ཆོས་ཉམས་སུ་ལེན་སྟངས་དེ་ནི་བྱང་ཆུབ་ལམ་སྒྲོན་དང་ལམ་གཙོ་རྣམ་གསུམ་འདི་གཉིས་པོ་ཡིན་པ་དང་། ལམ་སྒྲོན་དེ་ཇོ་བོ་རྗེ་དཔལ་ལྡན་ཨ་ཏི་ཤས་བོད་མཐོ་ལྡིང་ལ་མཛད་པ་ཞིག་ཡིན་ལུགས་བཀའ་གནང་བཞག།  དེ་ཡང་༧གོང་ས་སྐྱབས་མགོན་ཆེན་པོ་མཆོག་གིས་ བྱང་ཆུབ་ལམ་སྒྲོན་གྱི་བཤད་ལུང་དེ་གཡེང་ཀོང་མཚན་ཞབས་རིན་པོ་ཆེའི་སྐུ་མདུན་ནས་ཞུས་པ་ཞིག་ཡིན་པ་དང་། ལམ་གཙོའི་བཤད་ལུང་ཕལ་ཆེར་སྟག་བྲག་རིན་པོ་ཆེ་དང་  གླིང་རིན་པོ་ཆེ་དང་སྐྱབས་རྗེ་ཁྲི་བྱང་རིན་པོ་ཆེ་སྐུ་མདུན་ནས་ཐོབ་ཡོད་ཅེས་བཀའ་སློབ་སྩལ་གནང་འདུག