༧གོང་ས་མཆོག་ལོ་རྗེས་མར་ཨ་རིར་ཕེབས་འཆར་འདུག

Courier Journal ཞེས་པའི་ས་གནས་དེའི་གསར་ལམ་ཐོག་གནས་ཚུལ་སྤེལ་བའི་ ནང༌། ལོ་རྗེས་མའི་ཕྱི་ཟླ་༥པའི་ཚེས་༡༩ནས་༢༡བར་ཆིབས་བསྒྱུར་བཀྲིན་བསྐྱངས་ཀྱི་ཡོད་པ་ལྟར། ཁུལ་དེའི་ནང་ནང་པའི་ཆོས་ཚོགས་ཀྱི་ལྷ་ཁང་ལ་རབ་གནས་དང་མང་ཚོགས་ལ་བཀའ་སློབ་སྩལ་གནང་མཛད་རྒྱུ་ཡིན་ཞིང༌། ༡༩༩༤ནས་བཟུང་༧གོང་ས་མཆོག་Louisville དུ་ཞབས་གསོར་འཁོད་པ་ཐེངས་དང་པོ་དེ་ཆགས་རྒྱུ་ཡིན་པ་རེད།

༧གོང་ས་༧སྐྱབས་མགོན་ཆེན་པོ་མཆོག་གདན་ཞུ་གནང་མཁན་ Louisville ནང་རྟེན་གཞི་གནང་བའི་འབྲས་སྤུང་གོ་མང་གྲྭ་ཚང་གི་ཆོས་ཚོགས་ཀྱི་ཚོགས་གཙོ་Anne Walter ཡིས་ ལོ་རྗེས་མ་༧གོང་ས་༧སྐྱབས་མགོན་ཆེན་པ་མཆོག་གིས་ ཆོས་ཚོགས་ཀྱི་ལྷ་ཁང་དང་ལྟེ་གནས་ཁང་དུ་རབ་གནས་སྐྱབས་འཇུ་གནང་རྒྱུ་དང༌། གྲོང་ཁྱེར་དེའི་ནང་གི་མང་ཚོགས་དང་སློབ་ཕྲུག་ཚོར་སྙིང་རྗེའི་སྐོར་བཀའ་སློབ་། དེ་བཞིན་ཁུལ་དེའི་ནང་གི་ནང་པ་ཚོར་གསུང་ཆོས་བཀྲིན་ཆེ་གནང་མཛད་རྒྱུ་ཡིན་འདུག