ལྷོ་ཕྱོགས་མཛད་འཆར་དབུ་འཛུགས།

༄༅།    །བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་དེ་རིང་དགོང་དྲོ་རྒྱ་གར་ལྷོ་ཕྱོགས་ཀར་ཎ་ཊཀ་མངའ་སྡའི་གྲོང་ཀྱེར་སྦེང་ལོར་དུ་བཞུགས་མཛད་རྒྱུ་དང་།    སང་ཉིན་ཕྱི་ཟླ་ ༢ ཚེས་ ༦ ཉིན་སྦེང་ལོར་གྲོང་ཁྱེར་ནས་རྒྱང་ཐག་ཀི་ལོ་མི་ཊར་ ༧༠ ཙམ་གྱི་སར་ཆགས་པའི་ཏུམ་ཁུར་གྲོང་ཁྱེར་དུ་ཆིབས་བསྒྱུར་གནང་གི་ཡོད་པ་རེད།    
ཐེངས་འདིའི་ཆིབས་བསྒྱུར་འདི་ནི་རྒྱ་གར་ལྷོ་ཕྱོགས་སུ་ཡོད་པའི་སེར་བྱེས་གྲྭ་ཚང་དང་ཏུམ་ཁུར་གཙུག་ལག་སློབ་གྲྭ་ཆེན་མོ་བཟུང་འབྲེལ་གྱི་ཐོག་ནས་ཇི་ལྟར་གསོལ་འདེབས་ཞུས་དོན་ལྟར་བཀའ་བཞེས་གཟབ་མོ་ཐོབ་སྟེ། སང་ཕྱི་ཚེས་ ༦ ཉིན་ཏུམ་ཁུར་གཙུག་ལག་སློབ་གྲྭ་ཆེན་མོའི་ནང་དེང་དུས་འགྲོ་བ་མིའི་དཀའ་ངལ་དང། སངས་རྒྱས་བཅོམ་ལྡན་འདས་ཀྱི་མཁྱེན་པ། ཞེས་པའི་བརྗོད་གཞིའི་སྒོ་ནས་གནང་རྒྱུའི་བགྲོ་གླེང་ཚོགས་འདུའི་དབུ་མགོན་དུ་ཞབས་སོར་འཁོད་གནང་མཛད་རྒྱུ་ཡིན་འདུག་ཅིང། དེ་རྗེས་བརྗོད་གཞི་དེ་གའི་ཐོག་བླང་དོར་གྱི་བཀའ་སློབ་བསྩལ་གནང་མཛད་རྒྱུའི་མཛད་འཆར་ཡོད་པ་རེད།།