ཨོ་རྩེད་རྒྱལ་ཁ་ཨ་མི་རི་ཀར་ཐོབ་ནས་མཇུག་སྒྲིལ།

མཇུག་སྒྲིལ་མཛད་སྒོའི་སྐབས་ཨོ་རྕེད་དཔལ་འབར་དེ་ཕྱི་ལོ་ ༢༠༡༦ ལོར་རྩེད་འགྲན་གོ་སྒྲིག་བྱེད་མཁན་ལྷོ་ཨ་མི་རི་ཀའི་རྒྱལ་ཁབ་ BRAZIL གྱི་གྲོང་ཁྱེར་ཆེ་ཤོས་ Rio De Janeiro ལ་རྩིས་སྤྲོད་གནང་ཡོད། རྩེད་འགྲན་དེའི་ནང་ཡུལ་ཁག་མི་འདྲ་བ་ ༢༠༤ ཡིས་མཉམ་ཞུགས་བྱས་ཡོད་ཅིང་།  རྩེད་འགྲན་ཁྲོད་ཨ་མི་རི་ཀའི་རྩལ་འགྲན་པ་ཚོས་རྟགས་མ་མང་ཤོས་བླངས་ནས་རྒྱལ་ཁ་ཐོན་ཡོད་པ་དང་། བོད་རིགས་བུ་མོ་ཆོས་དབྱངས་སྐྱིད་ལ་འདུར་རྒྱུག་ཁྲོད་ཟངས་ཀྱི་རྟགས་མ་ཐོབ་ཡོད། མདོ་དོན་དུ་ཨ་མི་རི་ཀའི་རྩལ་འགྲན་པ་ཚོས་ གསེར་གྱི་རྟགས་མང་ཤོས་ལེན་ཡོད་པ་མ་ཟད་ སྤྱི་ཡོངས་ཀྱི་ཆ་ནས་རྟགས་མ་མང་ཤོས་ཡང་ལེན་ཡོད་པ་རེད།  གནས་རིམ་གཉིས་པར་རྒྱ་ནག་དང་གསུམ་པར་དབྱིན་ཡུལ་སླེབས་ཡོད་པ་རེད་། ལོ་བཞི་རེའི་མཚམས་སུ་དབྱར་ཀའི་སྐབས་སུ་ཚུགས་སྲོལ་ཡོད་པའི་ཨོལིམཔིཀ་རྩེད་འགྲན་རྗེས་མ་དེ་བཞིན་ལྷོ་ཨ་མི་རི་ཀའི་རྒྱལ་ཁབ་ BRAZIL གྱི་གྲོང་ཁྱེར་ཆེ་ཤོས་ Rio De Janeiroར་ཚུགས་རྒྱུ་ཡིན་པ་ལྟར་ གྲོང་ཁྱེར་དེ་ཡིས་ད་ལྟ་རང་ནས་རྩེད་་འགྲན་ཚུགས་ཡུལ་རྩེད་ཐང་དང་ རྩེད་ར་སོགས་ཀྱི་འཛུགས་བསྐྲུན་ལས་འཆར་གྲ་སྒྲིག་བྱེད་བཞིན་པ་ཡིན་པ་རེད་། ལྷོ་ཨ་མི་རི་ཀའི་རྒྱལ་ཁབ་ BRAZIL ནང་འདས་པའི་མི་ལོ་བཅུ་ཕྲག་གཅིག་ཙམ་རིང་དཔལ་འབྱོར་གྱི་འཕེལ་རྒྱས་ཤིན་ཏུ་མྱུར་པོ་ཕྱིན་ཏེ། དབྱིན་ཡུལ་ལས་ལྷག་པའི་དཔལ་འབྱོར་གྱི་གནས་སྟངས་ཚད་མཐོར་སླེབས་ཏེ། འཛམ་གླིང་ནང་ཨང་དྲུག་པར་སླེབས་ཡོད་པ་རེད་། འོན་ཀྱང་ལས་དོན་ཇི་འདྲ་ཡིན་རུང་དུས་བཀག་ནང་ཚུད་ལ་ཚར་བ་བྱ་རྒྱུ་དང་། སྤུས་ཚད་ལྡན་པ་བྱ་རྒྱུར་རྣམ་དཔྱོད་ཀྱི་རྩལ་དང་། འཇོན་ཐང་ལྡན་པའི་འགྲེམས་སྟོན་བྱ་རྒྱུའི་ཐད་ཁབ་ BRAZIL གྱི་མི་མང་རྣམས་ལ་ཁྱད་ཆོས་དང་། ཡོན་ཏན་དེ་ཙམ་མེད་ལུགས་གནད་དོན་ཞིབ་འཇུག་མཁན་ཚོས་བརྗོད་ཀྱི་ཡོད་པ་རེད།