རྒྱ་ནག་གི་བྱེད་སྟངས་དེར་སྐྱོན་བརྗོད་བྱས་འདུག

རྒྱལ་མཚམས་མེད་པའི་གསར་འགོད་མཐུན་ཚོཌ་ཀྱིས། འདི་ལོའི་ཕྱི་ཟླ་དྲུག་པའི་ཚེས་༡༨་ཉིན་རྔ་པ་འབྲིང་རིམ་མི་མང་ཁྲིམས་ཁང་ཟེར་བས་ཡོན་ཏན་རྒྱ་མཚོ་ལཌ་ལ་ལོ་བདུན་རིང་བཙོན་འཇུག་ཁྲིམས་ཐག་བཅད་ནས། ཟླ་བ་གཉིས་ཀྱི་རྗེས་སུ་མ་གཏོཌ་གནས་ཚུལ་ཕྱི་གསལ་ནང་གསལ་བྱས་མེད་པ་དང་། གནས་སྟངས་དེའི་འོག་བོད་ནང་གི་ཆབ་སྲིད་བཙོན་པ་རྣམས་ཀྱི་སྐོར་ལ་སེམས་འཚབ་ཆེན་པོ་པ་བཤད་འདུག ད་དུང་ རྒྱ་ནག་གིས་ཉེ་ཆར་བོད་ནང་གི་གནས་ཚུལ་ཕྱིར་སྐྱེལ་བྱས་པའི་ཉེས་མིང་འོག་དགེ་འདུན་པ་ཡོན་ཏན་རྒྱ་མཚོ་ལ་ཁྲིམས་ཐག་བཅད་པའི་བྱེད་སྟངས་ལ་སྐྱོན་བརྗོད་དང་འབྲེལ་གང་མགྱོགས་གློད་དཀྲོལ་གཏོང་དགོས་བའི་དགོས་འདུན་བཏོན་འདུག རྒྱལ་མཚམས་མེད་པའི་གསར་འགོད་མཐུན་ཚོཌ་ཀྱིས་ཕྱི་ལོ་༢༠༡༡་དང་༢༠༡༢་ལོར་འཛམ་གླིང་ནང་གི་གསར་འགོད་རང་དབང་སྐོར་གྱི་སྙན་ཐོའི་ནང་རྒྱ་ནག་ནི་གསར་འགོད་རང་དབང་མེད་པའི་རྒྱལ་ཁབ་སྡུག་ཤོས་གྲས་སུ་ཡོད་པ་དང་། མཐུན་ཚོཌ་དེས་ཕྱི་ལོ་༢༠༡༢་ལོར་རྒྱ་ནག་ནི་གནས་འཕྲིན་དྲ་རྒྱའི་དགྲ་ཡིན་སྐོར་ཐོ་གཞུང་ནང་བཀོད་ཡོད།