བཀའ་བློན་དྲུང་ཆེ་རྣམ་པར་དམིགས་བསལ་ཟབ་སྦྱོང་།

གནས་ཚུལ་ལྟར། ཟབ་སྦྱོང་དབུ་འཛུགས་ཀྱི་མཛད་སྒོའི་སྐུ་མགྲོན་གཙོ་བོ་བཀའ་ཁྲི་བློ་བཟང་སེངྒེ་མཆོག་གིས་སྣང་གསལ་ཞལ་ཕྱེ་གནང་རྗེས་དཔལ་འབྱོར་ལས་ཁུངས་ཀྱི་ཟུང་དྲུང་དབང་འདུས་ལགས་ཀྱིས་ཟབ་སྦྱོང་གོ་སྒྲིག་ཞུ་དགོས་པའི་རྒྱུ་མཚན་གསལ་བཤད་གནང་གྲུབ་བསྟུན་སྐུ་མགྲོན་གཙོ་བོ་མཆོག་གིས་གསུང་བཤད་ནང༌། ཟབ་སྦྱོང་འདི་འདྲ་ཞིག་ལ་བརྟེན་ནས་འབྱུང་འགྱུར་ང་ཚོའི་ལས་དོན་བྱེད་ཕྱོགས་ཐད་ཏན་ཏན་ཕན་ཐོགས་ཡོང་བའི་རེ་བ་ཡོད།། ཟབ་སྦྱོང་སྤྲོད་མཁན་རྣམ་པས་དཀའ་ངལ་འཛེམ་མེད་ཐོག་ཆར་དུས་སྐབས་རྒྱ་གར་གུ་ཇུ་རཱ་ཐི་མངའ་སྡེ་ནས་འདིར་ཆེད་ཕེབས་གནང་བར་སྙིང་ཐག་པ་ནས་ཐུགས་རྗེ་ཆེ་ཞུ་རྒྱུ་ཡིན། ཟབ་སྦྱོང་འདི་འདྲ་ཞིག་གོ་སྒྲིག་ཞུ་རྒྱུ་གལ་ཆེ་ཡིན་སྐོར་དེ་སྔ་བཀའ་ཤག་ལྷན་རྒྱས་སྐབས་གོ་བསྡུར་བྱུང་ཡོད་ཅེས་གསུངས་གནང་འདུག། ཐེངས་འདིའི་ཟབ་སྦྱོང་སློབ་ཁྲིད་གནང་མཁན་རྒྱ་གར་བ་གཙུག་ལག་སློབ་དཔོན་སྐུ་ཞབས་ཧི་ཏེ་ཤི་བྷ་ཊི་(Prof. Hitesh Bhat) དང་ལྕམ་སྐུ་བྷ་སི་ཝ་ཏི་ཅཀ་ར་བྷོ་ཊི་ (Ms. Bhaswati Chakrovorty) སྐུ་ཞབས་སན་ཇིབ་ཀུ་མཱར་གུཔྟ་ (Mr. Sanjeev Kumar Gupta)་བཅས་ཡིན་འདུག