མིག་སྒྲིབ་རྒྱལ་དཀྲོག་ལས་འགུལ་བ་རྒྱ་གར་ནུབ་བྱང་ལ་འབྱོར།

མིག་དམར་ལགས་ཀྱིས་བོད་ནང་གི་ད་ལྟའི་ཛ་དྲག་གི་གནས་སྟངས་འཛམ་གླིང་གི་དབུ་ཁྲིད་ཚོ་དང་མི་དམངས་ཀྱིས་ཤེས་རྟོགས་ཡོང་སླད་འདི་ལོའི་བོད་མིའི་སྒེར་ལངས་གསུམ་བཅུའི་དུས་དྲན་ཉིན་བཞུགས་སྒར་རྡ་རམ་ས་ལ་ནས་གོམ་བགྲོས་ཀྱི་ལས་འགུལ་འགོ་བཙུགས་པ་ཡིན་ཞིང༌། རེས་གཟའ་སྤེན་པའི་ཉིན་གྲོང་ཁྱེར་Jodhpur དུ་འབྱོར་བའི་སྐབས། འཕགས་བོད་མཛའ་འབྲེལ་ཚོགས་པའི་ཚོགས་མི་ཚོས་སྣེ་ལེན་ཞུས་པ་མ་ཟད། ཁོང་གིས་སྤེལ་བཞིན་པའི་བོད་དོན་ལས་འགུལ་དེར་གདུང་སེམས་མཉམ་བསྐྱེད་དང་རྒྱབ་སྐྱོར་ཡོད་པའི་སྐོར་གསུང་ཡོད་པ་རེད། ཤེས་རབ་ཚེ་བརྟན་ལགས་ཀྱིས་བོད་ནང་གི་ཡ་ང་བའི་གནས་སྟངས་དང༌། རྒྱ་ནག་གཞུང་གིས་བོད་མིའི་ཐོག་དྲག་གནོན་བྱེད་པའི་སྲིད་ཇུས་ལ་ངོ་རྒོལ་ཆེད་ན་ནིང་༢༠༡༡ ལོའི་ཕྱི་ཟླ་བཅིུག་པའི་ནང་རྒྱ་གར་གྱི་རྒྱལ་ས་ལྡི་ལིར་ཡོད་པའི་རྒྱ་མིའི་གཞུང་ཚབ་ཁང་གི་མདུན་དུ་རང་ལུས་མེར་སྲེག་གཏོང་ཐབས་བྱས་ཏེ་རྐང་པར་མེ་སྐྱོན་ཚབས་ཆེན་ཕོག་ཡོད།