གུར་མགོན་སྐྱབས་བོད་ནས་རྐྱེན་འདས་སུ་ཕྱིན་ཡོད་པ།
2016.06.30
ཧི་མ་ལ་ཡ་གློག་བརྙན་དང་གུར་མགོན་སྐྱབས་ཀྱི་ཉེ་པར། ༢༠༡༦
པར་ཚགས།
དེ་ཡང་གནས་ཚུལ་ལྟར་ན། ཧི་མ་ལ་ཡ་ཞེས་པའི་གློག་བརྙན་འཁྲབ་སྟོན་པ་གུར་མགོན་སྐྱབས་ལགས། ཚེས་༢༩ཉིན། མདོ་སྨད་མདོ་ལྷོ་གཙོད་གྲོང་ཁྱེར་ནས་བླ་བྲང་དུ་འཕྲུལ་རྟ་ཞོན་ནས་བསྐྱོད་སྐབས། ལམ་བར་དུ་འགྲིམ་འགྲུལ་དོན་རྐྱེན་བྱུང་སྟེ་འདས་གྲོངས་སུ་ཕྱིན་ཡོད་འདུག
སྤྱིར་བཏང་ཁོང་ཧྥ་རན་སི་ལ་གནས་སྡོད་བྱེད་མཁན་བོད་མི་ཞིག་ཡིན་པ་དང་། ཕ་ཡུལ་དུ་གཉེན་ཚན་ཐུག་འཕྲད་དུ་འབྱོར་སྟེ་ཟླ་བ་གཅིག་ཙམ་ལས་ཕྱིན་མེད་པ་རེད།
གུར་མགོན་སྐྱབས་ལགས་ནི། མདོ་སྨད་ཀན་ལྷོ་ཁུལ་གཙོད་ཁ་ཟག་སྡེ་བ་རུ་སྐྱེས་ཤིང་། ས་གནས་ཀྱི་སློབ་གྲྭ་འགྲིམས་རྗེས་༡༩༩༣་ལོར་རྒྱ་གར་ལ་བཙན་བྱོལ་དུ་འབྱོར་ཏེ་སུ་ཇ་བོད་ཁྱིམ་དུ་སློབ་གཉེར་བྱས་ཡོད་པ་དང། ཕྱི་ལོ་༡༩༩༧་ཙམ་ནས་བཟུང་གློག་བརྙན་འཁྲབ་སྟོན་གྱི་ལས་ལ་ཞུགས་པ་དང་། ཕྱི་ལོ་༢༠༠༠་ལོར་ཧྥ་རན་སིར་གནས་སྤོས་ཀྱིས་ཡུལ་དེའི་ནང་གློག་བརྙན་སྒྱུ་རྩལ་གྱི་ལས་རིགས་གཉེར་ཏེ་ཧི་མ་ཡ་ལ་དང་། རང་དབང་གི་ལག་པ་ཞེས་པ་སོགས་གློག་བརྙན་ཁག་ཅིག་འཁྲབ་ཡོད་པ་རེད།
ཁོང་གིས་མི་སྣ་གཙོ་བོ་འཁྲབ་པའི་ཧི་མ་ལ་ཡ་ཞེས་པའི་གློག་བརྙན་དེ། ཨ་རིའི་ནང་Oscar ཞེས་གྲགས་ཆེ་བའི་གློག་བརྙན་གྱི་དུས་སྟོན་ནང་། གློག་བརྙན་རྩེ་ཕུད་ཀྱི་ཐོ་གཞུང་གྲས་སུ་བདམས་ཐོན་བྱུང་ཡོད་པ་དང་། གློག་བརྙན་དེ་ཧྤ་རན་སི་ལ་སོགས་པའི་སྐད་ཡིག་ཁག་ཅིག་ནང་ཕབ་བསྒྱུར་བྱས་ཏེ་གཟེངས་རྟགས་ཁག་ཅིག་ཀྱང་ཐོབ་ཡོད་འདུག
གནས་ཚུལ་ནང་གསལ་ལྟར་ན། ༢༠༠༨་ལོའི་ས་བྱི་ཞི་རྒོལ་ཆེན་མོའི་སྐབས་ཧྥ་རན་སིའི་རྒྱ་ནག་གཞུང་ཚབ་མདུན་བོད་མི་ཚོས་ཞི་བའི་ངོ་རྒོལ་གནང་སྐབས། གུར་མགོན་སྐྱབས་ལགས་ཀྱིས་རྒྱ་ནག་གཞུང་ཚབ་ལས་ཁུངས་ཀྱི་རྒྱལ་སྒོའི་སྟེང་འཛེགས་ཏེ་རྒྱ་ནག་གི་རྒྱལ་དར་མར་ཕབ་པ་དང་། བོད་ཀྱི་རྒྱལ་དར་བསྒྲེངས་འཛུགས་བྱས་མྱོང་ཡོད་འདུག
ཧི་མ་ལ་ཡ་ཞེས་པའི་གློག་བརྙན་འཁྲབ་མཁན་གཙོ་གྲས་བལ་ཡུལ་གྱི་དོལ་བོ་བ་འཕྲིན་ལས་ལྷུན་གྲུབ་ལགས་ཀྱང་༢༠༡༦ལོའི་ཟླ་༤་བའི་ནང་གཡང་ལ་ལྷུང་ནས་རྐྱེན་འདས་སུ་ཕྱིན་ཡོད།
གསར་འགོད་པ་དོན་གྲུབ་རྣམ་རྒྱལ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨེ་ཤེ་ཡ་རང་དབང་རླུང་འཕྲིན་ཁང་གི་སྐད་ཡིག་སྡེ་ཚན་ཕལ་ཆེ་བ་སྒོ་བརྒྱབ་རྒྱུའི་གསལ་བསྒྲགས།
- རྒྱ་གར་གྱིས་པ་ཀིསྟན་ནང་གི་དྲག་སྤྱོད་པའི་ས་ཚིགས་ལ་རྒོལ་རྡུང་བཏང་བར་རྒྱ་ནག་གིས་བློ་འགྱོད་ཡོད་སྐོར་བརྗོད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཇོ་ནང་རྒྱལ་ཚབ་རིན་པོ་ཆེ་དང་། ཤར་སྤྲུལ་རིན་པོ་ཆེ། དགེ་བཤེས་ལྷུན་གྲུབ་བཟོད་པ་རིན་པོ་ཆེའི་ཡང་སྲིད་གཙོས་པའི་ཕྱི་ནང་གི་དད་ལྡན་པར་མཇལ་ཁ་སྩལ་བ།
- ༸གོང་ས་༸སྐྱབས་མགོན་ཆེན་པོ་མཆོག་གིས་དཀའ་ཁག་ཆེ་བའི་དུས་སྐབས་འདིར་༸རྒྱལ་དབང་རིན་པོ་ཆེ་ཡོད་བསམ་ནས་བློ་བདེ་པོ་བྱོས་ཞེས་མཇལ་བཅར་བ་ཚོར་བཀའ་སྩལ་མཛད་འདུག
- ༸རྒྱལ་བའི་ཡང་སྲིད་དང་། རྒྱ་ནག་དམར་ཤོག་གཞུང་གི་ངན་བྱུས།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ཡུ་རོབ་གྲོས་ཚོགས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུའི་ཡང་སྲིད་ངོས་འཛིན་གནང་སྒོར་རྒྱ་ནག་གཞུང་གིས་ཐེ་གཏོགས་བྱེད་པར་སྐྱོན་བརྗོད་ཀྱི་གྲོས་ཆོད་ཚད་མཐོའི་མང་མོས་ཐོག་གཏན་འབེབས་གནང་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་བསྟན་འགྲོ་སྤྱིའི་དོན་དུ་མཛད་འཕྲིན་མུ་མཐུད་བསྐྱང་རྒྱུའི་བཀའ་བཞེས་ཕེབས་སོང་།
- ཨ་རིའི་ཕྱི་སྲིད་ལས་ཁུངས་ཀྱི་འཛིན་སྐྱོང་སྒྲོམ་གཞི་བསྐྱར་སྒྲིག་ཁྲོད། སྲིད་སྐྱོང་སྤེན་པ་ཚེ་རིང་ལགས་ཀྱིས་བོད་དོན་དམིགས་བསལ་འབྲེལ་མཐུད་པ་ཕྱི་སྲིད་དྲུང་ཆེའི་ཐད་ཀར་འོག་ལས་གནས་བསྐོ་བཞག་ཡོང་བའི་འབོད་སྐུལ་གནང་འདུག
- ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་དང་། ཡུ་གུར། འབར་མའི་སྐད་ཡིག་སྡེ་ཚན་གྱི་ལས་དོན་མཚམས་འཇོག་བྱེད་རྒྱུའི་གསལ་བསྒྲགས།
- ཧོང་ཀོང་དུ་སངས་རྒྱས་ཀྱི་རིང་བསྲེལ་རིན་བསྡུར་ཚོང་སྒྱུར་བྱེད་འཆར་ལ་རྒྱ་གར་གཞུང་གིས་སྐྱོན་བརྗོད་དང་སྦྲགས། རིང་བསྲེལ་རང་གནས་སུ་ཕྱིར་སློག་དགོས་པ་བསྒྲགས་འདུག