ཀླུ་མཁར་བྱམས་ཀྱིས་དགོངས་ཞུས་རྗེས་ཀྱི་འོས་མི་གསུམ།

མདོ་སྨད་སྤྱི་འཐུས་ཀྱི་བར་མའི་དངོས་གཞིའི་འོས་བསྡུ་ལ་འོས་མི་གསུམ་ཡོད་པ་འོས་བསྡུ་ལས་ཁུངས་ནས་གསལ་བསྒྲགས་བྱས་འདུག
དེ་ཡང་ཚེས་༢༡ཉིན་བོད་མིའི་སྒྲིག་འཛུགས་འོས་བསྡུ་ལྷན་ཁང་གིས། མདོ་སྨད་སྤྱི་འཐུས་ཀྱི་བར་མའི་དངོས་གཞིའི་འོས་བསྡུའི་སྐོར་ལ་གསར་འགོད་གསལ་བསྒྲགས་སྤེལ་བ་དང་མཉམ། བར་མའི་སྔོན་འགྲོའི་འོས་བསྡུའི་ཁྲོད་འོས་གྲངས་མང་ཤོས་དང་པོ་མགོ་ལོག་གསེར་རྟའི་བཀྲ་ཤིས་དོན་འགྲུབ་དང་། གཉིས་པ་ཨ་ཚོགས་ཀླུ་མཁར་བྱམས་ཡིན་ཡང་ཁོང་གིས་འོས་མི་ལས་དགོངས་པ་ཞུས་པའི་རྗེས་རིམ་པ་ལྟར་མགོ་ལོག་ཚངས་དབྱངས་རྒྱ་མཚོ། བྱ་ཁྱུང་ཀརྨ་དགེ་ལེགས་གསུམ་དངོས་གཞིའི་འོས་མི་ཡིན་པ་གསལ་བསྒྲགས་གནང་ཡོད།
སྔོན་འགྲོའི་འོས་བསྡུའི་སྐབས་རྒྱ་བལ་གཉིས་ནང་འོས་བསྡུའི་ས་གནས་ ༤༥ ཙམ་ཡོད་པ་དང་། དངོས་གཞིའི་འོས་བསྡུ་དེ་ཕྱི་ཟླ་ ༦ ཚེས་ ༩ ཉིན་ལ་ཁེལ་ཡོད་འདུག