ཨ་རིའི་གྲོས་ཚོཌ་ནས་ཨང་སང་སུ་ཅི་ལ་གཟེངས་རྟཌ་འབུལ་རྒྱུ།

༄༅༎འབར་མའི་དམངས་གཙོ་དོན་གཉེར་བ་ལྕམ་ཨང་སན་སུའུ་ཅི་ལ་ཨ་རིའི་གྲོས་ཚོགས་གསེར་གྱི་རྟགས་མའི་གཟེངས་རྟགས་མཐོ་ཤོས་དེ་འབུལ་རྒྱུ་ཡིན་འདུག
ཉེ་ཆར་ཨ་རིས་འབར་མའི་དམངས་གཙོ་དོན་གཉེར་བ་ལྕམ་ཨང་སན་སུའུ་ཅི་ཨ་རིར་གཟིགས་སྐོར་དུ་མགྲོན་འབོད་བྱས་ཡོད་པ་ལྟར། ལྕམ་ཨང་སན་སུའི་ཅི་འབྱུང་འགྱུར་ཕྱི་ཟླ་༩ ནང་ཨ་རིར་གཟིགས་སྐོར་དུ་འགྲོ་གཏན་འཁེལ་ཡོད་པ་དང༌།  སྐབས་དེར་ཨ་རིའི་གྲོས་ཚོགས་ཀྱི་གསེར་གྱི་གཟེགས་རྟགས་དེ་ཁོང་མོར་འབུལ་འཆར་ཡོད་པ་མ་ཟད། ཨ་རིའི་ནེའུ་ཡོག་ཏུ་རྟེན་གཞི་བྱས་པའི་ཨ་ཊི་ལན་ཊེཀ་ལྷན་ཚོགས་པས་ཀྱང་ཁོང་ལ་འཛམ་གླིང་མི་སེར་གཟེངས་རྟགས་འབུལ་རྒྱུ་ཡིན་འདུག
ཨ་རིའི་གྲོས་ཚོགས་གསེར་གྱི་རྟགས་མ་ནི་ཨ་རིའི་ནང་གི་ཆེ་བསྟོད་གཟེངས་རྟགས་ཚད་མཐོ་ཤོས་དེ་ཡིན་པ་དང་། ༢༠༠༧ ལོར་གཟེངས་རྟགས་དེ་༸གོང་ས་མཆོག་ལ་ཕུལ་བའི་རྗེས། ༢༠༠༨ ལོར་ལྕམ་ཨང་སན་སུའུ་ཅི་ལ་འབུལ་རྒྱུའི་ཐག་གཅོད་བྱུང་ཡོད་ཀྱང་། སྐབས་དེར་ཁོ་མོ་བཟང་བཙོན་དུ་བཅུག་ཡོད་སྟབས་རྟགས་མ་ལེན་ཐུབ་མེད་པ་ཡིན་འདུག།