ཨོའི་སི་ཀྲེ་རི་ལི་ཡས་རྒྱ་ནག་གཞུང་འབྲེལ་གསར་ལམ་གྱི་རྒྱང་བསྲིང་ལས་རིམ་མཚམས་འཇོག་བྱ་རྒྱུ།

དེ་ཡང་ཨོའི་སི་ཀྲེ་རི་ལི་ཡའི་གྲོང་ཁྱེར་Sydney ནས་གནས་ཚུལ་སྤེལ་བར་གཞིགས་ན།SBSརྒྱང་བསྲིང་ཁང་གི་མགྲིན་ཚབ་པས་གོང་ཞུས་རྒྱ་ནག་གཞུང་འབྲེལ་གསར་འགྱུར་དང་བརྙན་འཕྲིན་ལས་རིམ་རྒྱང་སྲིང་དེ་རིང་རེས་གཟའ་སྤེན་པ་ནས་མཚམས་འཇོག་བྱས་ཡོད་པ་དང་། འགྲོ་བ་མིའི་ཐོབ་ཐང་ཚོགས་པ་ཞིག་ནས་སྐྱོན་བརྗོད་བྱས་པ་དེར་ཞིབ་འཇུག་དང་རྒྱ་ནག་གཞུང་འབྲེལ་གསར་འགྱུར་གྱི་ལས་རིམ་དེ་ཚོར་བསྐྱར་ཞིབ་གནང་རྒྱུ་ཡིན་པ་གསུངས་འདུག ཨོ་སི་ཀྲེ་རི་ལི་ཡའི་SBS རྒྱང་བསྲིང་ལས་ཁང་གི་ལས་རིམ་ནང་རྣམ་ཀུན་CGTN དབྱིན་ཇིའི་སྐད་ཡིག་ཐོག་གི་སྐར་མ་བཅོ་ལྔའི་གསར་འགྱུར་དང་  CCTV རྒྱ་སྐད་ཐོག་གི་སྐར་མ་༣༠གསར་འགྱུར་རྒྱང་བསྲིང་བྱེད་ཀྱི་ཡོད་པ་དེ་ད་ཆ་མཚམས་འཇོགས་བྱས་ཡོད་པ་རེད།

ཡང་གནད་དོན་དེའི་ཐད་རྒྱ་ནག་ཕྱི་སྲིད་ལས་ཁང་གིས་དེ་ནི་རྒྱ་ནག་དང་དགྲར་འཛིན་པའི་ཆབ་སྲིད་ཀྱི་ཐབས་ལམ་ཞིག་ཡིན་པའི་སྐྱོན་བརྗོད་བྱས་ཏེ་འབྲེལ་ཡོད་སྡེ་ཚོགས་ཁག་གིས་ཕྱོགས་ལྷུང་གི་ལྟ་ཚུལ་སྤོང་དགོས་པའི་འབོད་སྐུལ་བྱས་འདུག།