སཔེན་ཡུལ་གྱི་སྦསཁ་ཁུལ་ནས་བོད་དོན་རྒྱབ་སྐྱོར་གནང་རྒྱུ།
2012.02.29
༄༅༎སཔེན་ཡུལ་གྱི་སྦསཁ་རང་སྐྱོང་གྲོང་སྡེ་ལྷན་ཚོགས་ནས་བོད་དོན་རྒྱབ་སྐྱོར་གྱི་གྲོས་ཆོད་གཏན་འབེབས་གནང་འདུག
ཕྱི་ཚེས་༢༩ཉིན་བོད་མིའི་སྒྲིག་འཛུགས་ཀྱི་དྲ་གནས་ཐོག་གནས་ཚུལ་སྤེལ་བའི་ནང་། འདི་ལོའི་ཕྱི་ཟླ་གཉིས་པའི་ཚེས་༢༣ཉིན་སྦག་སེ་(Basque)རང་སྐྱོང་གྲོང་སྡེ་ལྷན་ཚོགས་ནས་བོད་དོན་རྒྱབ་སྐྱོང་གྱི་གྲོས་ཆོད་གཏན་འབེབས་གནང་ཡོད་པའི་ནང་འཁོད་དོན་ལྟར་ན། ཕྱི་ལོ་ཉིས་སྟོང་ནང་ཡོ་རོབ་གྲོས་ཚོགས་ངོས་ནས་རྒྱ་ནག་གཞུང་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དབར་ལོ་གསུམ་ནང་ཚུད་གྲོས་མོལ་མ་བྱས་ཚེ་ཡོ་རོབ་མཐུན་ཚོགས་ངོས་ནས་རྒྱ་གར་དུ་རྟེན་གཞི་བྱས་པའི་བཙན་བྱོལ་བོད་མིའི་སྒྲིག་འཛུགས་དེ་བཞིན་བོད་མིའི་ཁྲིམས་མཐུན་གྱི་སྐུ་ཚབ་ཏུ་ངོས་ལེན་བྱེད་དགོས་ཀྱི་ཡོད་པའི་གྲོས་ཆོད་གཏན་འབེབས་བྱུང་བ་ལྟར་ ད་ཆ་ཡུ་རོབ་མཐུན་ཚོགས་ངོས་ནས་གྲོས་ཆོད་དེའི་ཐོག་སླར་ཡང་ཐུགས་ཞིབ་ནན་ཏན་ཞིག་གནང་དགོས་ཀྱི་ཡོད། དེ་བཞིན་ཡོ་རོབ་མཐུན་ཚོགས་ནང་རྒྱ་ནག་གི་སྐུ་ཚབ་བསྐོ་བཞག་ཡོད་པ་བཞིན། བོད་མིའི་དམིགས་བསལ་སྐུ་ཚབ་ཅིག་ཀྱང་བསྐོ་བཞག་གནང་དགོས་ཀྱི་རེད་སོགས་འཁོད་ཡོད་འདུག བོད་དོན་རྒྱབ་སྐྱོར་གྱི་གྲོས་ཆོད་དེ་བཞིན་གཏན་འབེབས་གནང་སྐབས་ སྤྱི་ཚོགས་རིང་ལུགས་ཀྱི་ཆབ་སྲིད་ཚོགས་པ་མ་གཏོགས་ཆབ་སྲིད་ཚོགས་པ་ཡོངས་ཀྱིས་རྒྱ་ནག་གཞུང་ནས་བོད་ཐོག་བཟུང་བའི་སྲིད་བྱུས་དེ་དང་ལེན་བྱེད་ཐུབས་ཐབས་མེད་པའི་འགྲེལ་བརྗོད་གནང་འདུག དེ་བཞིན་སྦསཁ་མངའ་སྡེ་དང་སཔེན་གཞུང་གཉིས་ནས་ཕྱི་ལོ་ཉིས་སྟོང་ལོར་བོད་དོན་རྒྱབ་སྐྱོར་གྱི་གྲོས་ཆོད་དེར་རྒྱབ་སྐྱོར་གནང་དགོས་པའི་འབོད་སྐུལ་ཡང་གནང་ཡོད་པ་རེད༎
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨེ་ཤེ་ཡ་རང་དབང་རླུང་འཕྲིན་ཁང་གི་སྐད་ཡིག་སྡེ་ཚན་ཕལ་ཆེ་བ་སྒོ་བརྒྱབ་རྒྱུའི་གསལ་བསྒྲགས།
- རྒྱ་གར་གྱིས་པ་ཀིསྟན་ནང་གི་དྲག་སྤྱོད་པའི་ས་ཚིགས་ལ་རྒོལ་རྡུང་བཏང་བར་རྒྱ་ནག་གིས་བློ་འགྱོད་ཡོད་སྐོར་བརྗོད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཇོ་ནང་རྒྱལ་ཚབ་རིན་པོ་ཆེ་དང་། ཤར་སྤྲུལ་རིན་པོ་ཆེ། དགེ་བཤེས་ལྷུན་གྲུབ་བཟོད་པ་རིན་པོ་ཆེའི་ཡང་སྲིད་གཙོས་པའི་ཕྱི་ནང་གི་དད་ལྡན་པར་མཇལ་ཁ་སྩལ་བ།
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- བཀའ་ཟུར་བཀྲ་ཤིས་དབང་འདུས་ལགས་འདས་གྲོངས་སུ་གྱུར་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ཨ་རྒྱ་གཉིས་ཀྱི་ཚོང་དམག་ཁྲོད་བཟོ་གྲྭ་མང་པོ་སྒོ་བརྒྱབ་པའི་རྐྱེན་གྱིས་རྒྱ་ནག་གི་ས་ཁུལ་གང་སར་ལས་མིས་ངོ་རྒོལ་བྱེད་བཞིན་འདུག
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
- ༸གོང་ས་༸སྐྱབས་མགོན་ཆེན་པོ་མཆོག་གི་གོ་སྟོན་དང་བསྟུན་སྐུ་ཚེའི་ལོ་རྒྱུས་སྐོར་གྱི་གློག་བརྙན་སྐུ་མདུན་ཞེས་པ་ཨ་རིའི་ཊེ་བྷེ་ཀ་གློག་བརྙན་དུས་སྟོན་ཐོག་གཟིགས་འབུལ་ཞུ་རྒྱུ་རེད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཚང་མ་མཐུན་སྒྲིལ་ཐོག་མཉམ་གནས་ཐུབ་རྒྱུ་དེ་མགོན་པོ་མཆོག་གི་ཐུགས་རེ་གཙོ་བོ་ཡིན་ཞེས་རྒྱ་རིགས་ཚན་རིག་པ་ཚོར་བཀའ་སྩལ་མཛད་འདུག
- ཨ་རིའི་ཕྱི་སྲིད་ལས་ཁུངས་ཀྱི་འཛིན་སྐྱོང་སྒྲོམ་གཞི་བསྐྱར་སྒྲིག་ཁྲོད། སྲིད་སྐྱོང་སྤེན་པ་ཚེ་རིང་ལགས་ཀྱིས་བོད་དོན་དམིགས་བསལ་འབྲེལ་མཐུད་པ་ཕྱི་སྲིད་དྲུང་ཆེའི་ཐད་ཀར་འོག་ལས་གནས་བསྐོ་བཞག་ཡོང་བའི་འབོད་སྐུལ་གནང་འདུག