དཔར་རིས་བེད་སྤྱོད་ལོག་པ་བྱས་པ་རེད་གསུངས།

༄༅།    །འདི་རིང་ཚེས་ ༡༦ རེས་གཟའ་ཕུར་བའི་ཉིན་བོད་མིའི་སྒྲིག་འཛུགས་བཀའ་ཤག་གིས་གལ་ཆེའི་གསལ་བསྒྲགས་ཤིག་སྤེལ་བའི་ནང་འཁོད་དོན། ཉེ་སྔོན་འབར་མའི་ནང་ཁ་ཆེ་དང་ནང་པའི་དབར་འཁྲུག་རྩོད་དབང་གིས་བོད་མིའི་ཐོག་ དོན་མེད་མཐོང་ཚུལ་དང། བློ་ཕམ་སྐྱེ་གཞིའི་གནས་ཚུལ་ཡང་ཁ་ཤས་བྱུང་ཡོད། བོད་མིར་མཐོང་ཚུལ་བྱུང་དགོས་པའི་རྒྱུ་མཚན་གཙོ་བོ་དྲྭ་རྒྱའི་ནང་ཕྱི་ལོ་ ༢༠༡༠ ཟླ་ ༤ ནང་རྐྱེ་རྒུ་མདོའི་ས་ཡོམ་སྐབས་བོད་མི་བརྒྱ་ཕྲག་མང་པོ་རྐྱན་འདས་སུ་གྱུར་ཡོད་ པར་བརྟེན། ཛ་དྲག་གི་གནས་སྟངས་འོག་བོད་མི་དགེ་འདུན་པ་ཚོས་རྐྱེན་འདས་སུ་གྱུར་བ་རྣམས་ཀྱི་ཕུང་པོ་མཉམ་བསྲེག་གི་ཞུགས་འབུལ་གནང་སྐབས་ཀྱི་དཔར་རིས་བེད་སྤྱོད་ལོག་པ་ བྱས་པ་ལས་བོད་མིའི་ཐོག་མཐོང་ཚུལ་ལོག་པ་བྱུང་བ་ཞིག་ཡིན་འདུག ཅེས་གསུངས་འདུག
གསལ་བསྒྲགས་དེའི་ནང་ད་དུང་།    བོད་མིའི་སྤྱི་ཚོགས་ཀྱི་བྱུང་རབས་ལོ་རྒྱུས་ཐོག་བོད་པ་ཁ་ཆེ་དང་ནང་པའི་དབར་འབྲེལ་ལམ་དམ་ཟབ་ཡོད་པ། ཁྱད་པར་༧གོང་ས་མཆོག་གིས་འཛམ་གླིང་ཁྱོན་ཡོངས་ལ་ཆོས་ལུགས་མཐུན་སྒྲིལ་དགོས་ པའི་བཀའ་སློབ་ལམ་སྟོན་མཛད་དང་མཛད་མུས་ཡིན་པས་མ་ཟད། ༧མགོན་པོ་གང་ཉིད་མཆོག་ནས་ཀྱང་ཁ་ཆེའི་ལྷ་ཁང་ལ་གནས་གཟིགས་མཛད་པ་དང་། ཁ་ཆེའི་བླ་ཆེན་མང་པོ་དང་འབྲེལ་ལམ་དམ་ཟབ་མཛད་མུས་ཡིན་པ། དེ་བཞིན་ཉེ་ལམ་ཨ་སམ་གྱི་དོན་རྐྱེན་སྐབས་སུའང་༧གོང་ས་མཆོག་གིས་ཡོངས་གྲགས་སུ་ མགོན་པོ་གང་ཉིད་་ཐུགས་བློ་ཕམ་བྱུང་བའི་བཀའ་སློབ་སྩལ་ཡོད།    ཅེས་དང་། ང་ཚོས་ཁ་ཆེའི་ཆོས་གྲོགས་ཚོ་དང་རྒྱ་གར་འབྲེལ་ཡོད་གཞུང་འབྲེལ་མི་སྣ་ཚོས་གནས་ཚུལ་གསལ་རྟོགས་དང་སྤྱི་ཚོགས་བརྟན་ལྷིང་བསྐྲུན་རྒྱུར་མཐུན་འགྱུར་གནང་བར་སྙིང་ཐག་པ་ནས་བཀའ་དྲིན་ཆེ་ཞུ་རྒྱུ་ཡིན། ཞེས་གསུངས་ཡོད་པ་རེད།