ཀམ་སྦོ་ཌི་ཡའི་སྲོལ་རྒྱུན་གྱི་བརྩེ་གདུང་མཚོན་པའི་གྲུང་ཞིག་སྐོར།

༄༅༎ཀམ་སྦོ་ཌི་ཡ་ནང་ཉེ་བའི་ཆར་ཡུལ་དེའི་ནང་སྲོལ་རྒྱུན་གྱི་བརྩེ་གདུང་མཚོན་པའི་གྲུང་ཞིག་དེང་དུས་ཀྱི་གཞན་དང་ཞབས་བྲོའི་རྣམ་པའི་ཐོག་ནས་ཟློས་གར་ཁང་ནང་ཐོག་མར་བཏོན་ཡོད་ཅིང་དེའི་ཐོག་ཡུལ་དེའི་ནང་ཡོད་པའི་ནང་པའི་མཐུན་ཚོགས་ཀྱིས་ཀམ་སྦོ་ཌི་ཡའི་གཞུང་དང་དེ་བཞིན་གསར་འགྱུར་བརྒྱུད་ལམ་ཁག་ལ་ཡོངས་ཁྱབ་ཡི་གེ་བཏང་ནས་ཟློས་གར་དེ་རིགས་བཀག་སྡོམ་བྱེད་དགོས་པའི་དགོས་འདུན་བཏོན་ཡོད་པ་དང་འབྲེལ་ཟློས་གར་དེ་རིགས་ཀྱིས་ཀམ་སྦོ་ཌི་ཡའི་ནང་ཡོད་པའི་ནང་པའི་དགེ་འདུན་པ་ཁྲི་སྟོང་མང་པོའི་རིན་ཐང་དང་ཡིད་ཆེས་དྲང་བདེན་ལ་གནོད་ཚབས་ཕོག་གི་ཡོད་པའི་སྐྱོན་བརྗོད་ཤུགས་ཆེ་བྱེད་བཞིན་ཡོད་པ་རེད། གོང་ཞུས་ཟློས་གར་དེའི་ནང་གི་ལོ་རྒྱུས་གཙོ་བོ་ནི་ཀམ་སྦོ་ཌི་ཡ་དེ་བཞིན་དམར་ཤོག་གི་དབང་འདིན་བྱེད་ཡས་མཚམས་འཇོག་བྱུང་བའི་རྗེས་ཡུལ་དེ་ནས་བྲོས་བྱོལ་དུ་ཕེབས་པའི་དགེ་འདུན་པ་ཞིག་བསྐྱར་དུ་རང་ཡུལ་དུ་ཕྱིར་ལོག་ཕེབས་ནས་ཡུལ་དེའི་ནང་དེང་དུས་ཀྱི་གཞས་གཏོང་མཁན་གཞས་མ་ཞིག་དང་བརྩེ་གདུང་ཆགས་པའི་སྐོར་གྱི་གྲུང་ཞིག་ཡིན་པ་རེད༎ ཟློས་གར་དེ་གཟའ་འཁོར་སྔོན་མ་ཀམ་སྦོ་ཌི་ཡའི་ས་གནས་བརྙན་འཕྲིན་བརྒྱུད་ལམ་ཐོག་ནས་བཏོན་ཡོད་པ་དང་དེའི་ནང་དོན་ཁག་ཅིག་ནང་པའི་ཆོས་ལུགས་དང་ཡོངས་སུ་རྒྱབ་འགལ་ཡིན་པའི་སྐོར་འབྲེལ་ཡོད་ལས་ཁང་ལ་སྐྱོན་བརྗོད་བྱེད་མཁན་ཤུགས་ཆེ་བྱུང་ཡོད་འདུག