བོད་ནང་རྟོག་ཞིབ་གནང་དགོས།

༄༅། །ཁེ་ན་དྲའི་ལྗང་ཁུ་ཚོགས་པའི་ཚོགས་གཙོ་ལྕམ་ཨི་ལ་ཛ་བྷད་ མེས་ མཆོག་གིས་ཆོས་དད་རང་དབང་རྟོག་ཞིབ་གནང་མཁན་གྱི་ལས་ཁུངས་སུ། བོད་ནང་རྒྱ་ནག་གཞུང་གིས་དྲག་གནོན་བྱེད་ཤུགས་ཆེ་རུ་བཏང་བའི་གནས་སྟངས་དང་། ལྷག་པར་དུ་བོད་མི་མང་པོས་རང་ལུས་མེར་སྲེགས་བཏང་དང་གཏོང་བཞིན་པའི་གནད་དོན་ཐོག་ངེས་པར་དུ་རྟོག་ཞིབ་བྱ་རྒྱུ་གལ་ཆེན་པོ་ཡིན་ལུགས་གསུངས་འདུག ཡང་ཁོང་གིས་མུ་མཐུད་ནས་ཉེ་ཆར་བཙན་བྱོལ་བོད་མིའི་ཆབ་སྲིད་ཀྱི་འགོ་འཁྲིད་བློ་བཟང་སེང་གེ་ལགས་ཀྱིས་ཀྱང་ལས་ཁུངས་དེར་འབོད་སྐུལ་ཞུས་ཡོད་ཀྱང་ད་བར་དམིགས་བསལ་འབྲས་བུ་གང་བྱུང་མེད་པའི་འགྲེལ་བརྗོད་གནང་འདུག།