གསང་མྱུལ་སྒང་ཕུག་གི་འཕྲུལ་རིག་ཐོག་ནས་པེ་ཅིང་ལ་དུས་ཐོག་གནས་ཚུལ་བཏང་ཡོད་པ།
ཨེ་ཨེཕ་པི།
ཉེ་སྔོན་ཨ་རིའི་མཁའ་དབྱིངས་སུ་རྒྱ་ནག་གི་གསང་བའི་སྒང་ཕུག་ཕུར་བསྐྱོད་བྱས་ཏེ་ཨ་རིའི་དམག་ཁུལ་སྐོར་གྱི་གསང་བའི་གནས་ཚུལ་བསྡུ་ལེན་བྱས་པ་དེ། ཨ་རིའི་གཞུང་གིས་གནས་ཚུལ་ཕྱིར་གྱར་འགོག་བྱས་ཡོད་འདུག་ཀྱང་། སྒང་ཕུག་དེའི་འཕྲུལ་རིག་གི་ཐོག་ནས་པེ་ཅིང་ལ་དུས་ཐོག་གནས་ཚུལ་བཏང་ཡོད་པའི་གནས་ཚུལ་ཐོན་བཞིན་འདུག
དེ་ཡང་མཁའ་དབྱིངས་མཐོ་པོར་ཕུར་བསྐྱོད་བྱེད་མཁན་པེ་ཅིང་གིས་སྟངས་འཛིན་བྱས་པའི་རྒྱ་ནག་གི་གསང་མྱུལ་སྒང་ཕུག་དེ་ཕྱི་ཟླ་ ༢ ཚེས་ ༤ ཉིན་ཨ་རིའི་མཁའ་དབྱིངས་སུ་མ་གཏོར་བའི་གོང་། རྒྱ་ནག་གི་གསང་བའི་སྒང་ཕུག་དེ་ཨ་རིའི་ས་ཐོག་ཏུ་ཐེངས་འགའ་ཕར་ཚུར་ཕུར་ཡོད་པ་ད་ཡོད་ཨ་རིའི་དཔོན་རིགས་མཐོ་གྲས་གཉིས་ཀྱིས་གསུངས་པ་ཨ་རིའི་ NBC (ཨེན་སྦི་སི་) གསར་ཁང་གིས་ལུང་འདྲེན་བྱས་འདུག་ཅིང་། ཨ་རིའི་ལས་བྱེད་པ་གསུམ་གྱིས་བརྗོད་ན། སྒང་ཕུག་འདིས་གནས་ཚུལ་མཁོ་བསྡུ་བྱས་པ་རྣམས་པེ་ཅིང་དུ་དུས་ཐོག་བཏང་ཐུབ་རྒྱུ་ཡོད་པ་བརྗོད་འདུག
ཨ་རིའི་གཞུང་གི་ལས་བྱེད་ཅིག་གིས་བརྗོད་ན། རྒྱ་ནག་གིས་གསང་བའི་གནས་ཚུལ་བསྡུས་པ་ཕལ་ཆེ་བ་གློག་གི་བརྡ་རྟགས་ནས་ཡིན་པ་དང་། དེ་ཡང་གོ་མཚོན་གྱི་འཕྲུལ་རིགས་དང་ས་གཞིའི་སྟེང་དམག་དོན་ལས་བྱེད་པའི་བརྡ་རྟགས་གནས་ཚུལ་ཁག་བསྡུ་རུབ་བྱེད་ཐུབ་པའི་ནུས་པ་ཡོད་འདུག
ཕྱི་ཟླ་ ༢ ཟླ་སྟོད་དུ་རྒྱ་ནག་གི་དབུགས་སྒང་ངམ་སྒང་ཕུག་དེ་ཨ་རི་དང་ཁེ་ན་ཌའི་མཁའ་དབྱིངས་སུ་འཕུར་བསྐྱོད་བྱས་ཡོད་ནའང་། དང་ཐོག་ཨ་རིའི་གཞུང་གི་དཔོན་རིགས་ཚོས་ཨ་རིའི་བདེ་འཇགས་ལ་སྒང་ཕུག་འདིས་གནོད་འཚབ་མེད་པའི་ཚོད་རྩིས་བྱེད་ཡོད་ལ། རྒྱ་ནག་གིས་སྒང་ཕུག་དེ་གསང་མྱུལ་བྱེད་མཁན་ཞིག་མིན་ཚུལ་བཤད་ཡོད་ནའང་། གཟའ་འཁོར་གཅིག་ཙམ་རིང་ཨ་རི་དང་ཁེ་ན་ཌའི་མཁའ་དབྱིངས་སུ་ཕུར་བསྐྱོད་བྱས་རྗེས་ཨ་རིའི་སྲིད་འཛིན་སྦཡེཌན་གྱིས་སྒང་ཕུག་གཏོར་བཤིག་བཏང་རྒྱུའི་བཀོད་ཁྱབ་བཏང་ཡོད་པ་རེད།།
གསར་འགོད་པ། ཀེ་ཐོ། བཀྲིས་དབང་ཕྱུག
རྩོམ་སྒྲིག་པ། རིག་ལྡན་སྒྲོལ་མ།
དྲ་ཐོག་རྩོམ་སྒྲིག་པ། སྐལ་ལྡན་བློ་གྲོས།
དྲ་ཐོག་སྤེལ་མཁན། པ་སངས་དོན་ལྡན།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་དང་། ཡུ་གུར། འབར་མའི་སྐད་ཡིག་སྡེ་ཚན་གྱི་ལས་དོན་མཚམས་འཇོག་བྱེད་རྒྱུའི་གསལ་བསྒྲགས།
- ༸རྒྱལ་བའི་ཡང་སྲིད་དང་། རྒྱ་ནག་དམར་ཤོག་གཞུང་གི་ངན་བྱུས།
- ༸གོང་ས་༸སྐྱབས་མགོན་ཆེན་པོ་མཆོག་གིས་དཀའ་ཁག་ཆེ་བའི་དུས་སྐབས་འདིར་༸རྒྱལ་དབང་རིན་པོ་ཆེ་ཡོད་བསམ་ནས་བློ་བདེ་པོ་བྱོས་ཞེས་མཇལ་བཅར་བ་ཚོར་བཀའ་སྩལ་མཛད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཡེ་ཤུའི་བླ་ཆེན་པོབ་ལེའུ་བཅུ་བཞི་པ་མཆོག་ལ་འཚམས་འདྲི་མཛད་འདུག
- ཡུ་རོབ་གྲོས་ཚོགས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུའི་ཡང་སྲིད་ངོས་འཛིན་གནང་སྒོར་རྒྱ་ནག་གཞུང་གིས་ཐེ་གཏོགས་བྱེད་པར་སྐྱོན་བརྗོད་ཀྱི་གྲོས་ཆོད་ཚད་མཐོའི་མང་མོས་ཐོག་གཏན་འབེབས་གནང་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- རྒྱ་ནག་གཞུང་གིས་ལོ་དགུའི་རིང་ཆུ་དང་གློག་གི་མཐུན་རྐྱེན་བཅད་པར་ཞུ་གཏུགས་བྱེད་མཁན་སྐལ་བཟང་ལགས་བཙོན་འཇུག་བྱས་འདུག
- རྒྱ་གར་གྱིས་པ་ཀིསྟན་ནང་གི་དྲག་སྤྱོད་པའི་ས་ཚིགས་ལ་རྒོལ་རྡུང་བཏང་བར་རྒྱ་ནག་གིས་བློ་འགྱོད་ཡོད་སྐོར་བརྗོད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཇོ་ནང་རྒྱལ་ཚབ་རིན་པོ་ཆེ་དང་། ཤར་སྤྲུལ་རིན་པོ་ཆེ། དགེ་བཤེས་ལྷུན་གྲུབ་བཟོད་པ་རིན་པོ་ཆེའི་ཡང་སྲིད་གཙོས་པའི་ཕྱི་ནང་གི་དད་ལྡན་པར་མཇལ་ཁ་སྩལ་བ།
- ༸གོང་ས་༸སྐྱབས་མགོན་ཆེན་པོ་མཆོག་གིས་བསྟན་འགྲོ་སྤྱིའི་དོན་དུ་མཛད་འཕྲིན་མུ་མཐུད་བསྐྱང་རྒྱུའི་བཀའ་བཞེས་ཕེབས་སོང་།
- ཧོང་ཀོང་དུ་སངས་རྒྱས་ཀྱི་རིང་བསྲེལ་རིན་བསྡུར་ལམ་ནས་ཚོང་སྒྱུར་བྱ་འཆར་ལ་རྒྱ་གར་གཞུང་གིས་དགག་བྱ་བྱས་རྐྱེན་རིན་བསྡུར་ཚོང་སྒྱུར་ཕྱི་བཤོལ་བྱས་འདུག