རྒྱ་ནག་གི་ཆུ་རྐྱལ་འགྲན་ཞུགས་པས་སྨན་རྫས་བེད་སྤྱོད་བྱས་འདུག

རྒྱལ་སྤྱིའི་ཨོ་ལོམ་པིག་ལུས་རྩལ་འགྲན་ཚོགས་སྐབས་རྒྱ་ནག་གི་ཆུ་རྐྱལ་འགྲན་ཞུགས་པས་སྨན་རྫས་བེད་སྤྱོད་བྱས་བ་ར་སྤྲོད་བྱུང་འདུག
རྒྱལ་སྤྱིའི་ཨོ་ལོམ་པིག་ལུས་རྩལ་ཚོགས་ཆུང་གིས་Brazil་ནང་ཚོགས་བཞིན་པའི་ལུས་རྩལ་འགྲན་ཚོགས་སྐབས། ལུས་རྩལ་བ་རྣམས་ཀྱིས་ཁྲིམས་འགལ་གྱི་སྟོབས་སྐྱེད་སྨན་ལ་སོགས་པའི་སྨན་རྫས་རིགས་བེད་སྤྱོད་བྱེད་མིན་གྱི་ཚོད་ལྟའི་ཞིབ་འཇུག་ནང་། རྒྱ་ནག་གི་བུད་མེད་ཆུ་རྐྱལ་འགྲན་བསྡུར་བ་ཞིག་གིས་ཁྲིམས་འགལ་གྱི་སྟོབས་སྐྱེད་སྨན་བེད་སྤྱོད་བྱས་པ་ར་སྤྲོད་བྱུང་འདུག
རེས་གཟའ་ཉི་མའི་ཉིན་རྒྱལ་སྤྱིའི་ཨོ་ལོམ་པིག་རྩེད་འགྲན་སྐབས། རྒྱང་ཚད་མི་ཀྲར་༡༠༠་ཡིས་བེུད་ཆུ་རྐྱལ་འགྲན་བསྡུར་ནང་། ལོ་ན་༡༨་བྱས་པའི་རྒྱ་ནག་གི་བེུད་ཆུ་རྐྱལ་བ་Chen Xinyi ཞེས་བ་ཨང་བཞི་པར་སླེབས་ཡོད་པ་རེད། ད་ལྟ་གནས་ཚུལ་ལྟར་ན། ཆུ་རྐྱལ་འགྲན་བསྡུར་གྲུབ་རྗེས་སུ། རྒྱལ་སྤྱིའི་ཨོ་ལོམ་པིག་ཚོགས་ཆུང་གི་ཞིབ་འཇུག་སྡེ་ཚན་ནས། འགྲན་རྩོད་པ་རྣམས་ནས་ཆོག་མཆན་མེད་པའི་སྟོབས་སྐྱེད་སྨན་རིགས་བེད་སྤྱོད་བྱས་མིན་གྱི་ཚོད་ལྟའི་ཞིབ་འཇུག་བྱས་པར། རྒྱ་ནག་གི་བེུད་ཆུ་རྐྱལ་བ་Chen Xinyi་ནས་Diuretic་ཞེས་པའི་ཁྲིམས་འགལ་གྱི་སྨན་རྫས་བེད་སྤྱོད་བྱས་པ་ར་སྤྲོད་བྱུང་འདུག
ཤིན་ཧྭ་གསར་ལས་ཁང་གིས་བརྗོད་ན། བེུད་Chen Xinyi་ནས་རྒྱལ་སྤྱིའི་ཨོ་ལོམ་པིག་ཚོགས་ཆུང་ལ་ཁོ་མོའི་ལུས་ནས་ཐོན་པའི་སྨན་རྫས་དེར་ཞིབ་འཇུག་གི་ཚོད་ལྟ་ཐེངས་གཉིེས་པ་བྱེད་དགོས་པའི་འབོད་སྐུལ་བྱས་འདུག
རྒྱ་ནག་གི་ཆུ་རྐྱལ་མཐུན་ཚོགས་ཀྱིས་གསར་འགོད་བསྒྲགས་གཏམ་ཞིག་སྤེལ་བའི་ནང་། འགྲན་ཞུགས་པ་ཚོས་བཀའ་ཁྲོལ་མེད་པའི་སྨན་རྫས་བེད་སྤྱོད་རིགས་ལ་མཐུན་ཚོགས་ཀྱི་ངོས་ནས་ངོ་རྒོལ་མཐའ་གཅིག་ཏུ་ཡོད་ལུགས་དང་། བེུད་ཆུ་རྐྱལ་བ་Chen Xinyi་ཡིས་སྨན་རྫས་བེད་སྤྱོད་བྱས་པའི་གནད་དོན་འདིའི་ཐོག་ཞིབ་འཇུག་མཐིལ་ཕྱིན་པ་བྱ་རྒྱུ་ཡིན་སྐོར་གསལ་འདོན་བྱས་འདུག
སྔོན་འཆར་ལྟར་ན། རྒྱ་རིགས་བེུད་ཆུ་སྐྱལ་བ་Chen Xinyi་ཞེས་པ་འདི་ཚེས་༡༢་རེས་གཟའ་པ་སངས་ཉིན། རྒྱང་ཚད་མི་ཀྲར་༥༠་བྱས་པའི་ཆུ་རྐྱལ་འགྲན་བསྡུར་ནང་ཞུགས་རྒྱུ་ཡིན་ཡང་ ད་ཆ་སྨན་རྫས་བེད་སྤྱོད་བྱས་པའི་གནད་དོན་རྐྱེན་པས་འགྲན་བསྡུར་ནང་མཉམ་བཞུགས་བཀག་འགོག་བྱ་སྲིད་པའི་གནས་སྟངས་སུ་ལུས་འདུག།

གསར་འགོད་པ་དོན་གྲུབ་རྣམ་རྒྱལ།