ཆོས་དབྱིངས་སྐྱིད་ལ་དངུལ་གྱི་རྟགས་མ་རིམ་གཟབ་བྱས་བ།
2016.04.07
ལོན་ཊོན་རྒྱལ་སྤྱིའི་ཨོ་རྩལ་Olympics་འགྲན་ཚོགས་ཀྱི་འདུར་རྒྱུག་ཁྲོད་ཀྱི་བོད་རིགས་ལུས་རྩལ་བ་ཆོས་དབྱིངས་སྐྱིད། ༢༠༡༢
XINHUA
དེ་ཡང་ཉིན་ཤས་གོང་རྒྱ་ནག་གི་ཀྲུང་གོའི་བོད་སྐད་རླུང་འཕྲིན་དྲ་བ་ཟེར་བའི་ཐོག་གནས་ཚུལ་སྤེལ་བ་ལྟར་ན། དེ་སྔ་བོད་རིགས་ལུས་རྩལ་བ་ཆོས་དབྱིངས་སྐྱིད་ལགས་དབྱིན་ཡུལ་གྱི་ལོན་ཊོན་རྒྱལ་སྤྱིའི་ཨོ་རྩལ་Olympics་འགྲན་ཚོགས་ཀྱི་འདུར་རྒྱུག་ཁྲོད་ཨང་གསུམ་པ་ཐོབ་པ་དེ་ད་ཆ་ཨང་གཉིས་བར་རིམ་གསབ་ཀྱིས་དངུལ་གྱི་རྟགས་མ་ཐོབ་ཡོད་འདུག
དེ་ནི་བོད་རིགས་ལུས་རྩལ་བ་ཆོས་དབྱིངས་སྐྱིད་ལགས་ཕྱི་ལོ་༢༠༡༢་ལོར་དབྱིན་ཡུལ་གྱི་ལོན་ཊོན་དུ་ཚོགས་པའི་ཨོ་རྩལ་འགྲན་ཚོགས་སྐབས་༣༠་པའི་སྤྱི་ལེ་་༢༠་ཅན་གྱི་བེུད་འདུར་རྒྱུག་འགྲན་བསྡུར་ཁྲོད་ཨང་གསུམ་པའི་ཟངས་ཀྱི་རྟགས་མ་ཐོབ་ཡོད་པ་དང་། ཨོ་རྩལ་འགྲན་ཚོགས་ཁྲོད་བྱ་དགའ་ལེན་མཁན་གྱི་བོད་རིགས་ཐོག་མ་དེ་ཆགས་ཡོད་པ་རེད།
ཡིན་ན་ཡང་། ཉེ་སྔོན་རྒྱལ་སྤྱིའི་ལུས་རྩལ་འདུམ་གཅོད་ཁྲིམས་ཁང་གིས། སྐབས་དེའི་ཨུ་རུ་སུའི་ལུས་རྩལ་པ་འགའ་ལུས་རྩལ་འགྲན་བསྡུར་གྱི་སྒྲིག་ཁྲིམས་དང་འགལ་ཏེ་ཁྲིམས་ཆད་ཕོག་ཡོད་པ་ཁྱབ་བསྒྲགས་བྱས་ཡོད་པ་དང་། དེའི་ཁྲོད་ཕྱི་ལོ་༢༠༡༢་ལོར་ཆོས་དབྱིངས་སྐྱིད་དང་མཉམ་དུ་དངུལ་གྱི་གཟེངསརྟགས་ལེན་མཁན་ཨུ་རུ་སུའི་ལུས་རྩལ་བ་ཁཱ་ནེའུ་ཧྲིན་ཅིན་ནཱ་ཡིས། འགྲན་བསྡུར་སྐབས་ལུས་ངལ་གསོ་བའི་སྨན་བཏུང་ཡོད་པ་ར་འཕྲོད་བྱུང་སྟེ་དངུལ་གྱི་རྟགས་མ་ཕྱིར་བསྡུས་ཡོད་སྟབས། བོད་ཀྱི་འདུར་རྒྱུག་ལུས་རྩལ་བ་ཆོས་དབྱིངས་སྐྱིད་ལགས་ཨང་གཉིས་པར་རིམ་གསབ་བྱས་ནས་དངུལ་གྱི་རྟགས་མ་དང་། ལུས་རྩལ་བ་ལིའུ་ཧོང་ཨང་རིམ་གསུམ་པར་གསབ་སྟེ་ཟངས་ཀྱི་རྟགས་མ་ཐོབ་ཡོད་འདུག
ཆོས་དབྱིངས་སྐྱིད་ལགས་ཀྱི་གཟེངས་སུ་ཐོན་པའི་གྲུབ་འབྲས་ཀྱིས་བོད་ཁུལ་གྱི་ན་གཞོན་མང་པོར་ལུས་རྩལ་ཐད་རྨི་ལམ་གསར་པ་ཞིག་བསྐྲུན་ཡོད་པ་ལྟར། ཕྱི་ལོ་༢༠༡༣་ལོའི་རྒྱ་ནག་རྒྱལ་ཡོངས་སྐབས་བཅུ་གཉིས་པའི་ལུས་རྩལ་འགྲན་ཚོགས་ཐོག མཚོ་བྱང་ཁུལ་མདའ་བཞི་རྫོང་ནས་ཡིན་པའི་བོད་རིགས་ལུས་རྩལ་བ་མཚོ་མོ་སྐྱིད་ལ་གསེར་གྱི་རྟགས་མ་ཐོབ་ཡོད་པ་དང་། གཞན་ཡང་། ཕྱི་ལོ་༢༠༡༥་ལོར་ཁོ་ཊར(Qatar)གྱི་རྒྱལ་ས་ཌོ་ཧཱ་རུ་ཚོགས་པའི་ཨེ་ཤ་ཡའི་ན་གཞོན་མཆོང་རྒྱུག་འགྲན་ཚོགས་ཐོག རྨིད་ ༥༠༠༠ ཅན་གྱི་བེུད་རྒྱུག་འགྲན་ནང་མགོ་ལོག་བོད་རིགས་རང་སྐྱོང་ཁུལ་རྨ་ཆེན་རྫོང་རྟ་བོ་གྲོང་རྡལ་ནས་ཡིན་པའི་བོད་རིགས་བུ་མོ་ཆོས་སྐྱིད་སྒྲོལ་མ་ལགས་ལ་ཨང་གཉིས་པའི་རྒྱལ་ཁ་ཐོབ་ཡོད་པ་རེད།
དེ་བཞིན་བོད་རིགས་ལུས་རྩལ་བ་ཆོས་དབྱིངས་སྐྱིད་ལགས་འདི་ལོའི་ཕྱི་ཟླ་༣་ཚེས་༦་ཉིན་མཚོ་སྔོན་ཞིང་ཆེན་གྱི་ཚབ་བྱས་ཏེ། ཨན་ཧེ་ཞིང་ཆེན་དུ་སྤེལ་བའི་༢༠༡༦་ལོའི་རྒྱལ་ཡོངས་འདུར་རྒྱུག་བྱ་དགའ་ཆེན་མོའི་འགྲན་བསྡུར་དང་ཨོ་རྩལ་འགྲན་ཚོགས་ལེགས་འདེམ་འགྲན་བསྡུར་ནང་ཞུགས་ཡོད་འདུག
གསར་འགོད་པ་འཇམ་དཔལ་ཕུན་ཚོགས།
བལྟ་བཤེར་མང་ཤོས་བྱས་པའི་གནས་ཚུལ།
RFA
- རྒྱ་གར་གྱིས་པ་ཀིསྟན་ནང་གི་དྲག་སྤྱོད་པའི་ས་ཚིགས་ལ་རྒོལ་རྡུང་བཏང་བར་རྒྱ་ནག་གིས་བློ་འགྱོད་ཡོད་སྐོར་བརྗོད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཇོ་ནང་རྒྱལ་ཚབ་རིན་པོ་ཆེ་དང་། ཤར་སྤྲུལ་རིན་པོ་ཆེ། དགེ་བཤེས་ལྷུན་གྲུབ་བཟོད་པ་རིན་པོ་ཆེའི་ཡང་སྲིད་གཙོས་པའི་ཕྱི་ནང་གི་དད་ལྡན་པར་མཇལ་ཁ་སྩལ་བ།
- ༸གོང་ས་༸སྐྱབས་མགོན་ཆེན་པོ་མཆོག་གིས་དཀའ་ཁག་ཆེ་བའི་དུས་སྐབས་འདིར་༸རྒྱལ་དབང་རིན་པོ་ཆེ་ཡོད་བསམ་ནས་བློ་བདེ་པོ་བྱོས་ཞེས་མཇལ་བཅར་བ་ཚོར་བཀའ་སྩལ་མཛད་འདུག
- ཨེ་ཤེ་ཡ་རང་དབང་རླུང་འཕྲིན་ཁང་གི་སྐད་ཡིག་སྡེ་ཚན་ཕལ་ཆེ་བ་སྒོ་བརྒྱབ་རྒྱུའི་གསལ་བསྒྲགས།
- ༸རྒྱལ་བའི་ཡང་སྲིད་དང་། རྒྱ་ནག་དམར་ཤོག་གཞུང་གི་ངན་བྱུས།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ཡུ་རོབ་གྲོས་ཚོགས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུའི་ཡང་སྲིད་ངོས་འཛིན་གནང་སྒོར་རྒྱ་ནག་གཞུང་གིས་ཐེ་གཏོགས་བྱེད་པར་སྐྱོན་བརྗོད་ཀྱི་གྲོས་ཆོད་ཚད་མཐོའི་མང་མོས་ཐོག་གཏན་འབེབས་གནང་འདུག
- ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་དང་། ཡུ་གུར། འབར་མའི་སྐད་ཡིག་སྡེ་ཚན་གྱི་ལས་དོན་མཚམས་འཇོག་བྱེད་རྒྱུའི་གསལ་བསྒྲགས།
- ༸གོང་ས་༸སྐྱབས་མགོན་ཆེན་པོ་མཆོག་གིས་བསྟན་འགྲོ་སྤྱིའི་དོན་དུ་མཛད་འཕྲིན་མུ་མཐུད་བསྐྱང་རྒྱུའི་བཀའ་བཞེས་ཕེབས་སོང་།
- ཨ་རིའི་ཕྱི་སྲིད་ལས་ཁུངས་ཀྱི་འཛིན་སྐྱོང་སྒྲོམ་གཞི་བསྐྱར་སྒྲིག་ཁྲོད། སྲིད་སྐྱོང་སྤེན་པ་ཚེ་རིང་ལགས་ཀྱིས་བོད་དོན་དམིགས་བསལ་འབྲེལ་མཐུད་པ་ཕྱི་སྲིད་དྲུང་ཆེའི་ཐད་ཀར་འོག་ལས་གནས་བསྐོ་བཞག་ཡོང་བའི་འབོད་སྐུལ་གནང་འདུག
- ཧོང་ཀོང་དུ་སངས་རྒྱས་ཀྱི་རིང་བསྲེལ་རིན་བསྡུར་ཚོང་སྒྱུར་བྱེད་འཆར་ལ་རྒྱ་གར་གཞུང་གིས་སྐྱོན་བརྗོད་དང་སྦྲགས། རིང་བསྲེལ་རང་གནས་སུ་ཕྱིར་སློག་དགོས་པ་བསྒྲགས་འདུག