བལ་སྒོར་ས་ཡ་སུམ་ཅུ་བལ་ཡུལ་ནང་རོགས་རམ་ཆེད་གནང་རྒྱུ་ཡིན།

བལ་ཡུལ་མཐའ་མཚམས་ཀྱི་ས་ཡོམ་གནོད་ཐེབས་ས་ཁུལ། ༢༠༡༥།༥

བལ་ཡུལ་མཐའ་མཚམས་ཀྱི་ས་ཡོམ་གནོད་ཐེབས་ས་ཁུལ། ༢༠༡༥།༥

བལ་ཡུལ་མཐའ་མཚམས་ཀྱི་ས་ཡོམ་གནོད་ཐེབས་ས་ཁུལ། ༢༠༡༥།༥

བལ་ཡུལ་མཐའ་མཚམས་ཀྱི་ས་ཡོམ་གནོད་ཐེབས་ས་ཁུལ། ༢༠༡༥།༥

བོད་མིའི་སྒྲིག་འཛུཊ་ཀྱིས་བལ་ཡུལ་དུ་ས་ཡོམ་གནོད་འཚེ་ཕོག་པའི་བོད་མིར་བར་བརྒལ་ངལ་སེལ་ཆེད་བལ་སྒོར་ས་ཡ་སུམ་ཅུ་གནང་རྒྱུ་ཡིན།
དེ་ཡང་བོད་མིའི་སྒྲིག་འཛུགས་ཀྱིས་གནས་ཚུལ་སྤེལ་དོན། དེ་རིང་ཟླ་༦ཚེས་༤ཉིན་བོད་མིའི་སྒྲིག་འཛུགས་ཀྱི་ཕྱི་འབྲེལ་ལྷག་པ་ཚེ་རིང་དྲན་རྟེན་ཚོགས་ཁང་ནང་སྲིད་སྐྱོང་བློ་བཟང་སེང་གེ་དབུ་ཞུགས་ཐོག་ཤེས་རིག་བཀའ་བློན་དངོས་གྲུབ་ཚེ་རིང་མཆོག་དང་། དྲིལ་བསྒྲགས་དྲུང་ཆེ་བཀྲ་ཤིས་ཕུན་ཚོིགས་ལགས། དཔལ་འབྱོར་ལས་ཁུངས་ཀྱི་སྤྱི་ཚོིགས་ཡར་རྒྱས་ཐེབས་རྩའི་འགན་འཛིན་དངོས་གྲུབ་རྡོ་རྗེ་ལགས་ཆེད་ཕེབས་ཀྱིས་ཕྱི་ནང་གསར་འགོད་པ་༢༥བརྒལ་བ་ལྷན་ཚོགས་སར་དྲིལ་བསྒྲགས་དྲུང་ཆེ་བཀྲིས་ཕུན་ཚོགས་ལགས་ཀྱིས་ངོ་སྤྲོད་གསུང་བཤད་གནང་བའི་ནང་། བཀའ་ཤག་གིས་ད་ལན་བལ་ཡུལ་དུ་ས་ཡོམ་གྱི་གོད་ཆག་ཚབས་ཆེ་ཕོག་པར་སེམས་གསོ་ཞུ་ཆེད་དང་། དངོས་སུ་ས་གནས་ས་ཐོག་ཏུ་གོད་ཆག་ཇི་བྱུང་གི་གནས་སྟངས་རྟོག་ཞིབ་སླད། སྐུ་ཚབ་ཏུ་ཤེས་རིག་བཀའ་བློན་དངོས་གྲུབ་ཚེ་རིང་མཆོག་དང་། དཔལ་འབྱོར་ལས་ཁུངས་ཀྱི་སྤྱི་ཚོགས་ཡར་རྒྱས་ཐེབས་རྩའི་འགན་འཛིན་དངོས་གྲུབ་རྡོ་རྗེ་ལགས་གཉིས་ཆེད་རྫོངས་གནང་སྟེ་གནོད་སྐྱོན་གྱི་དངོས་ཡོད་གནས་སྟངས་ཇི་ཡིན་བཀའ་ཤག་ལ་གསལ་པོ་ཞུ་ཐུབ་པ་བྱུང་ཡོད། ཐོག་མར་བལ་སྒོར་འབུམ་༥༦་བགོ་འགྲེམས་ཀྱི་ཛ་དྲག་ངལ་སེལ་ལས་རིམ་སྤེལ་གྲུབ་པ་དང་། བཀའ་ཤག་གིས་ད་དུང་རོགས་དངུལ་ཐབས་འཚོལ་གནང་མུས་ཁོངས་ནས་བལ་སྒོར་ས་ཡ་སུམ་ཅུ་ཐམ་པ་བར་བརྒལ་ངལ་སེལ་ལས་འཆར་ཐོག་གཏོང་རྒྱུ་གནང་བ་དེའི་ནང༌། སྲོག་སྐྱོན་བྱུང་བའི་རྗེས་ཤུལ་ཁྱིམ་ཚང་རེར་བལ་སྒོར་འབུམ་གཉིས་རེ་བརྩིས་པའི་བལ་སྒོར་ས་ཡ་གཉིས་དང་དྲུག་འབུམ་དང་། ཉམ་ཐག་ཐོ་གཞུང་ཁ་པའི་ཁོངས་འཚོ་སྣོན་ཐོབ་བཞིན་པ་མི་གྲངས་༡༣༩་ལ་ཟླ་རེར་འཚོ་སྣོན་འཕར་མ་སྒོར་གསུམ་སྟོང་རེ་བརྩིས་པའི་ཟླ་དྲུག་འཚོ་སྣོན་འཕར་མ་ཁྱོན་བསྡོམས་བལ་སྒོར་ས་ཡ་གཅིག་དང་བཞི་འབུམ་བརྒྱད་ཁྲི་གནང་རྒྱུ་སོགས་དེ་མིན་སློབ་གྲ་དང་བཙུན་དགོན། འཕྲོད་བསྟེན་སོགས་རྣམ་གྲངས་གཞན་ཐོག་ངལ་སེལ་རོགས་སྐྱོར་གནང་རྒྱུའི་སྐོར་གསལ་བསྒྲགས་གནང་འདུག

གསར་འགོད་པ་འཇམ་དཔལ་ཕུན་ཚོགས།