བོད་པའི་གོམས་གཤིས་དེས་འཛམ་གླིང་ལ་མིག་དཔེ་སྟོན་ཐུབ་པ་ཞིག་དགོས་ཞེས། ༸གོང་ས་མཆོག་གིས།

ཕྱི་ལོ་ ༢༠༢༣ ཟླ་ ༡༡ ཚེས་ ༧ ཉིན་གྱི་སྔ་དྲོར་བཞུགས་སྒར་༸རྒྱལ་བའི་ཕོ་བྲང་དུ་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས། བོད་མིའི་སྒྲིག་འཛུགས་ནང་སྲིད་ལས་ཁུངས་ཀྱི་ཁྱབ་ཁོངས་ས་གནས་འགོ་འཛིན་རྣམས་ཀྱི་འཛིན་སྐྱོང་ཚོགས་ཆེན་ཐེངས་བཅོ་ལྔ་པར་ཕེབས་པའི་ཚོགས་ཞུགས་པ་རྣམས་ལ་མཇལ་ཁ་དང་བཀའ་སློབ་བཀའ་དྲིན་བསྐྱངས་ཡོད།
༸གོང་ས་མཆོག་གིས་ཚོགས་བཅར་བ་རྣམས་ལ་བཀའ་སློབ་སྩལ་སྐབས། འཛམ་གླིང་འདིར་སྐྱབས་བཅོལ་བ་མང་པོ་ཡོད་ཀྱང་། བོད་པ་སྐྱབས་བཅོལ་བ་ཚོ་འདྲ་འདྲའི་ནང་གི་མ་འདྲ་བ་ཡིན། ཞེས་དང་། ངོས་ནས་འགོ་ཁྲིད་ཡོད་པ་བཞིན་རྨི་ལམ་སོགས་ལ་བརྟག་དཔྱད་བྱས་པ་ཡིན་ན། ངོས་རང་ལོ་ངོ་བརྒྱ་དང་བཅུ་གྲངས་ཤིག་ལ་སྡོད་ཐུབ་རྒྱུ་ཡིན་སྟབས། ངོས་ནས་མུ་མཐུད་འགོ་ཁྲིད་དེ་མི་མང་ཚོས་སེམས་ལྷོད་ལྷོད་ངང་། སེམས་ཅན་ཐམས་ཅད་ཅེས་སྨོན་ལམ་རྒྱག་བཞིན་ཡོད་པ་ལྟར། ཁ་ཡོད་ལག་ཡོད་ཀྱིས་མི་མང་ཆེ་བར་ཕན་ཐོགས་དང་། བོད་པའི་གོམས་གཤིས་དེས་འཛམ་གླིང་ལ་མིག་དཔེ་སྟོན་ཐུབ་པ་ཞིག་དགོས་སྐོར་བཀའ་ཕེབསས་སོང་།
 

གསར་འགོད་པ། ཡེ་ཤེས་ཟླ་བ།
རྩོམ་སྒྲིག་པ། བསྟན་འཛིན་འཕགས་སྒྲོན། ཡེ་ཤེས་ཟླ་བ།
དྲྭ་ཐོག་སྤེལ་མཁན། ཡེ་ཤེས་ཟླ་བ།