བྱམས་བརྩེ་དང་སྙིང་རྗེ་གལ་ཆེ།

༄༅༎ཁ་ས་ཨ་རིའི་མངའ་སྡེ་ཀན་ཊ་ཀིའི་གྲོང་ཁྱེར་Louisville ནང་ཡོད་པའི་KFC Yum ལྟེ་གནས་ཁང་དུ། ༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་མང་ཚོགས་ཆིག་ཁྲི་བཞི་སྟོང་བརྒལ་བར་སྙིང་རྗེའི་སྐོར་བཀའ་སློབ་བསྩལ་གནང་མཛད་འདུག།
༧གོང་ས་༧སྐྱབས་མགོན་ཆེན་པོ་མཆོག་གིས་མང་ཚོགས་ལ་ཕྱག་ཚོད་གཅིག་ཙམ་རིང་བཀའ་སློབ་བསྩལ་གནང་མཛད་པའི་སྐབས། སེམས་ཅན་ཐམས་ཅད་ཀྱི་རང་རྒྱུད་ལ་བྱམས་བརྩེ་དང་སྙིང་རྗེ་བསྐྱེད་རྒྱུ་ནི་གལ་ཆེན་པོ་ཡིན་པར་བརྟེན། གཤིས་རྒྱུད་བཟང་པོ་དེ་འཛམ་གླིང་ཀུན་ལ་ཁྱབ་པ་བྱེད་དགོས་ཀྱི་རེད་ཅེས་བཀའ་གནང་འདུག།
དེ་བཞིན་༧གོང་ས་མཆོག་གིས་སྙིང་རྗེ་ལྡན་པའི་དུས་རབས་ཤིག་བཟོ་རྒྱུར་དང་པོ་འགྲོ་བ་མི་རྣམས་སེམས་བཟང་པོ་བཟོ་དགོས་པ་དང་། ཞི་བདེ་བག་ཕེབས་ལྡན་པའི་འཛམ་གླིང་ཞིག་ཡོང་ཐབས་སུ། དང་པོ་མི་རེ་ངོ་རེའི་སེམས་ནང་སྙིང་རྗེ་བསྐྱེད་ཐུབ་པ་བཟོ་དགོས་ཀྱི་རེད་ཅེས་བཀའ་བསྩལ་གནང་འདུག།