༸གོང་ས་མཆོག་མད་རས྄་མཐོ་སློབ་ནང་ཆིབས་བསྒྱུར་བསྐྱང་རྒྱུ།

༄༅༎རྒྱ་གར་ལྷོ་ཕྱོགས་གྲོང་ཁྱེར་ཆེན་པོ་མད་རས྄་ཡི་མད་རས྄་མཐོ་སློབ་ཀྱི་དབུ་འཛིན་གཞོན་པ་ཨེས྄་རམ་ཅན་ད་རེན་ལགས་ཀྱིས་ཇི་ལྟར་གསོལ་འདེབས་ཞུས་པ་བཞིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གྲོང་ཁྱེར་པོན་ཌི་ཅེ་རིའི་ནང་ཆིབས་བསྒྱུར་བསྐྱང་གནང་ནས་མཐོ་སློབ་དེའི་ཚོགས་ཁང་ཆེན་མོའི་ནང་ཞི་བདེ་དང་འཆམ་མཐུན་མཉམ་གནས་ཀྱི་བརྗོད་གཞིའི་ཐོག་དགེ་ལས་སློབ་ཕྲུག་རྣམས་ལ་བཀའ་སློབ་བསྩལ་གནང་འཆར་ཡོད་པ་རེད།

མད་རས྄་མཐོ་སློབ་ནང་གི་བོད་པའི་སློབ་ཕྲུག་ཚོགས་པའི་ཚོགས་གཙོ་ཕུན་ཚོགས་ལགས་ཀྱིས་༸གོང་ས་མཆོག་ང་ཚོའི་མཐོ་སློབ་ནང་ཆིབས་བསྒྱུར་བསྐྱང་རྒྱུ་ཙམ་མ་ཟད་དགེ་ལས་སློབ་ཕྲུག་རྣམས་ལ་བཀའ་སློབ་བསྩལ་གནང་རྒྱུ་དེས་ང་ཚོ་བོད་རིགས་སློབ་ཕྲུག་ཚང་མ་སྤོབས་དང་ལྡན་པའི་རང་བཞིན་དུ་གྱུར་ཡོད་ཅེས་དང་དེས་མཐོ་སློབ་ཀྱི་དགེ་ལས་སློབ་ཕྲུག་རྣམས་ལ་བོད་དོན་སྐོར་མཁྱེན་རྟོགས་ཡོང་རྒྱུ་ལ་ཕན་ཐོགས་ཡོད་པའི་།སྐོར་ཡང་གསུངས་འདུག

མད་རས྄་མཐོ་སློབ་ཀྱིས་གྲོང་ཁྱེར་དེའི་ནང་ཡོད་པའི་མཐོ་སློབ་གཞན་ཁག་གི་སྐུ་ཚབ་འཐུས་མི་བཅོ་ལྔ་གཞུང་འབྲེལ་ཐོག་ནས་གནད་ཞུ་གནང་རྒྱུ་ཡིན་པ་དང་གྲོང་ཁྱེར་ཅི་ན་ཡེ་གཙོས་པའི་དེའི་ཉེ་འཁྲིས་ཀྱི་མཐོ་སློབ་ཁག་ནང་སློབ་གཉེར་གནང་བཞིན་པའི་བོད་རིགས་སློབ་ཕྲུུག་རྣམས་ཀྱང་བཀའ་སླབ་ཞུ་བར་གཅར་རྒྱུའི་གནས་ཚུལ་འདུག།