བོད་ཀྱི་སྐད་ཡིག་ནང་དེང་དུས་ཚན་རིག་ཐ་སྙད་བསྒྱུར་སྟངས།

༄༅༎བཙན་བྱོལ་བོད་གཞུང་བཀའ་ཤག་གི་བཀོད་ཁྱབ་འོག་ ཤེས་རིག་ལྷན་ཁང་གིས་ཁ་སྔོན་ཕྱི་ཟླ་ ༧པའི་ཚེས་ ༢༩ ནས་ཟླ་བ་འདིའི་ཚེས་ ༦ བར་ཉིན་གྲངས་ ༨ རིང་ བོད་ཀྱི་སྐད་ཡིག་ནང་དེང་དུས་ཀྱི་ཚན་རིག་དང་ འཕྲུལ་རིག་དང་འབྲེལ་བའི་ཐ་སྙད་བསྒྱུར་སྟངས་གཏན་འབེབས་གནང་རྒྱུའི་ཐ་སྙད་ལས་འཆར་གྱི་ཆེས་མཐོའི་ཚོགས་འདུ་ཞིག་སྐོང་འཚོགས་གནང་ཡོད་པ་རེད་ དུས་ཡུན་དེའི་རིང་ བཞུགས་སྒར་རྡ་རམ་ས་ལའི་བོད་ཀྱི་དཔེ་མཛོད་ཁང་གི་འགན་འཛིན་ སྐུ་ཞབས་ ལྷག་རྡོར་ལགས་ཀྱིས་གཙོ་སྐྱོང་འོག་ ཐ་སྙད་ཚོགས་ཆུང་གིས་བོད་ཀྱི་སྐད་ཡིག་ནང་ ཚན་རིག་དང་ འཕྲུལ་རིག་དང་འབྲེལ་བའི་ཐ་སྙད་ཉེས་སྟོང་ཙམ་གཏན་འབེབས་གནང་ཡོད་པ་རེད་ ཐ་སྙད་གཏན་འབེབས་ཚོགས་ཆུང་ཁོངས་སུ་བོད་གཞུང་སྨན་རྩིས་ཁང་གི་སྨན་པ་ པད་མ་རྡོ་རྗེ་ལགས་དང་ ལྦ་ཎ་མཐོ་རིམ་སློབ་གྲའི་བློ་བཟང་ནོར་བུ་ལགས་དང་ བཞུགས་སྒར་རྡ་རམ་ས་ལའི་བོད་ཕྲུག་ཁྱིམ་སྡེའི་ཤེས་རིག་སྡེ་ཚན་དང་ བཙན་བྱོལ་བོད་གཞུང་གི་ཤེས་རིག་དྲུང་ཆེ་ཨ་ཅར་ཡ་ཀརྨ་སྨོན་ལམ་ལགས་བཅས་ཀྱིས་མཉམ་ཞུགས་གནང་ཡོད་པ་རེད།