བཀའ་བློན་མཆོག་གིས་ཁེ་ན་ཊའི་གྲོས་ཚོགས་འཐུས་མི་དང་མཇལ་མོལ།
2017.03.09
བཀའ་བློན་མཆོག་གིས་ཁེ་ན་ཊའི་གྲོས་ཚོགས་འཐུས་མི་དང་མཇལ་མོལ་སྐབས། ༢༠༡༧།༣།༧
tibet.net
བོད་མིའི་སྒྲིག་འཛུགས་ཀྱི་ཤེས་རིག་བཀའ་བློན་མཆོག་གིས་ཁེ་ན་ཊར་ཉིན་གྲངས་གསུམ་རིང་གཞུང་འབྲེལ་ཕྱོགས་ཕེབས་གནང་འདུག
དེ་ཡང་བོད་མིའི་སྒྲིག་འཛུགས་ཀྱིས་གནས་ཚུལ་སྤེལ་བ་ལྟར་ན། དབུས་བོད་མིའི་སྒྲིག་འཛུགས་ཀྱི་ཤེས་རིག་བཀའ་བློན་དངོས་གྲུབ་ཚེ་རིང་ལགས་ཁེ་ན་ཊའི་རྒྱལ་ས་ཨོ་ཊོ་ཝར་སྤྱི་ཟླ་༣་པའི་ཚེས་༥་ནས་༨་བར་ཉིན་གྲངས་གསུམ་རིང་གི་གཞུང་འབྲེལ་ཕྱོགས་ཕེབས་ལེགས་པར་མཇུག་སྒྲིལ་གནང་ཡོད་ཅིང་། སྐབས་དེར་བོད་མིའི་སྒྲིག་འཛུགས་ཀྱི་སྤྱི་ཚོགས་ཡར་རྒྱས་ཐེབས་རྩའི་འགན་འཛིན་དབུ་དཀར་ཚང་སྐལ་རྡོར་ལགས་ཀྱང་ཁོང་དང་མཉམ་དུ་ཆེད་ཕེབས་གནང་ཡོད་འདུག
ཐེངས་འདིར་བཀའ་བློན་ཁོང་གཞུང་འབྲེལ་ཕྱོགས་ཕེབས་གནང་དགོས་དོན་ནི་ཁེ་ན་ཊའི་སྲིད་གཞུང་དང་། གྲོས་ཚོགས་འཐུས་མི། དེ་བཞིན་རྒྱབ་སྐྱོར་བ་བཅས་ལ་རྒྱ་གར་དང་བལ་ཡུལ་ནང་བོད་ཕྲུག་རྣམས་ཀྱི་ཤེས་ཡོན་གྱི་སྤུས་ཚད་གོང་མཐོར་གཏོང་རྒྱུའི་ལས་གཞིའི་འོག་ཁེ་ན་ཊའི་དངུལ་སྒོར་ས་ཡ་གཉིས་གནང་འབྱོར་བྱུང་པའི་ལས་གཞི་དེ་གང་འདྲ་ཞིག་འགྲོ་བཞིན་ཡོད་པའི་སྐོར་ལས་བསྡོམས་གསལ་བཤད་གནང་ཆེད་ཡིན་པ་རེད་ཅེས་འཁོད་འདུག
ལས་གཞི་དེ་བཞིན་སྤྱི་ལོ་༢༠༡༥་ལོའི་ཟླ་༤་བའི་ཚེས་༡་ཉིན་འགོ་བཙུགས་ཏེ་སྤྱི་ལོ་༢༠༡༧་ལོའི་ཟླ་༦་པའི་ནང་མཇུག་སྒྲིལ་གྱི་ཡོད་འདུག
གོང་ཞུས་ཤེས་ཡོན་གྱི་སྤུས་ཚད་གོང་མཐོར་གཏོང་རྒྱུའིི་ལས་གཞི་དེ་ནི་ཤེས་རིག་ལས་ཁུངས་དང་། ཁེ་ན་ཊའི་AgriTeam་ཟེར་བ་གཉིས་ཀྱིས་མཉམ་འབྲེལ་གྱི་ལག་བསྟར་གནང་པ་ཞིག་ཡིན་འདུག་ཅིང་། ལས་གཞི་དེའི་འོག་བོད་པའི་སློབ་གྲྭ་ཁག་གི་སློབ་སྤྱི་དང་དགེ་རྒན་ཁྱོན་ཆིག་སྟོང་བརྒལ་བར་དེང་དུས་ཀྱི་སློབ་ཁྲིད་ཐབས་ལམ་དང་། བོད་ཡིག་སློབ་ཁྲིད་ཀྱི་ཐབས་ལམ་བཅས་ཀྱི་ཐོག་ཟབ་སྤྱོང་གནང་ཐུབ་པ་བྱུང་ཡོད་འདུག
ད་རེས་ཤེས་རིགས་བཀའ་བློན་གྱི་འཚམས་གཟིགས་དེའི་རིང་། ཁེ་ན་ཊའི་གྲོས་ཚོགས་འཐུས་མི་དང་། ལས་གཞི་དེར་གཟིགས་རྟོག་གནང་མཁན་གཞུང་གི་འབྲེལ་ཡོད་ལས་བྱེད། AgriTeam་ཀྱི་འབྲེལ་ཡོད་མི་སྣ་བཅས་དང་ཐུག་འཕྲད་གནང་ཡོད་འདུག།
གསར་འགོད་པ་གུ་རུ་ཆོས་སྐྱིད་དང་། རིག་ལྡན་སྒྲོལ་མ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- རྒྱ་གར་གྱིས་པ་ཀིསྟན་ནང་གི་དྲག་སྤྱོད་པའི་ས་ཚིགས་ལ་རྒོལ་རྡུང་བཏང་བར་རྒྱ་ནག་གིས་བློ་འགྱོད་ཡོད་སྐོར་བརྗོད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་དཀའ་ཁག་ཆེ་བའི་དུས་སྐབས་འདིར་༸རྒྱལ་དབང་རིན་པོ་ཆེ་ཡོད་བསམ་ནས་བློ་བདེ་པོ་བྱོས་ཞེས་མཇལ་བཅར་བ་ཚོར་བཀའ་སྩལ་མཛད་འདུག
- ༸རྒྱལ་བའི་ཡང་སྲིད་དང་། རྒྱ་ནག་དམར་ཤོག་གཞུང་གི་ངན་བྱུས།
- ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་དང་། ཡུ་གུར། འབར་མའི་སྐད་ཡིག་སྡེ་ཚན་གྱི་ལས་དོན་མཚམས་འཇོག་བྱེད་རྒྱུའི་གསལ་བསྒྲགས།
- ཡུ་རོབ་གྲོས་ཚོགས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུའི་ཡང་སྲིད་ངོས་འཛིན་གནང་སྒོར་རྒྱ་ནག་གཞུང་གིས་ཐེ་གཏོགས་བྱེད་པར་སྐྱོན་བརྗོད་ཀྱི་གྲོས་ཆོད་ཚད་མཐོའི་མང་མོས་ཐོག་གཏན་འབེབས་གནང་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ༸གོང་ས་༸སྐྱབས་མགོན་ཆེན་པོ་མཆོག་གིས་ཡེ་ཤུའི་བླ་ཆེན་པོབ་ལེའུ་བཅུ་བཞི་པ་མཆོག་ལ་འཚམས་འདྲི་མཛད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་བསྟན་འགྲོ་སྤྱིའི་དོན་དུ་མཛད་འཕྲིན་མུ་མཐུད་བསྐྱང་རྒྱུའི་བཀའ་བཞེས་ཕེབས་སོང་།
- རྒྱ་ནག་གཞུང་གིས་ལོ་དགུའི་རིང་ཆུ་དང་གློག་གི་མཐུན་རྐྱེན་བཅད་པར་ཞུ་གཏུགས་བྱེད་མཁན་སྐལ་བཟང་ལགས་བཙོན་འཇུག་བྱས་འདུག
- བཞུགས་སྒར་རྡ་རམ་ས་ལར་བོད་ཀྱི་ཞོ་སྟོན་རྒྱས་པ་ཐེངས་ ༢༨ པ་དབུ་འཛུགས།
- ཧོང་ཀོང་དུ་སངས་རྒྱས་ཀྱི་རིང་བསྲེལ་རིན་བསྡུར་ལམ་ནས་ཚོང་སྒྱུར་བྱ་འཆར་ལ་རྒྱ་གར་གཞུང་གིས་དགག་བྱ་བྱས་རྐྱེན་རིན་བསྡུར་ཚོང་སྒྱུར་ཕྱི་བཤོལ་བྱས་འདུག