རྒྱ་ནག་གཞུང་ནས་བོད་ནང་གི་བོད་ཕྲུག་ཚོ་བཅའ་སྡོད་སློབ་གྲྭར་བཅུག་པའི་སྲིད་ཇུས་ལ་སྐྱོན་བརྗོད་ཀྱི་སྙན་ཐོ།
ཨེ་ཨེཕ་པི།
ཡོ་རོབ་གྲོས་ཚོགས་ཀྱིས་ཡོ་རོབ་མཉམ་སྦྲེལ་སྒྲིག་འཛུགས་དང་རྒྱ་ནག་གི་འབྲེལ་ལམ་གྱི་ཐོག་གི་སྙན་ཐོ་གསར་པ་བཏོན་པའི་ནང་རྒྱ་ནག་གཞུང་གིས་བོད་ནང་གི་བོད་ཕྲུག་རྣམས་བཅའ་སྡོད་སློབ་གྲྭར་བཅུག་པའི་སྲིད་ཇུས་འཕྲལ་དུ་མཚམས་འཇོག་བྱ་དགོས་པ་དང་། རྒྱ་ནག་གཞུང་གིས་སྤེལ་བའི་ཆོས་ལུགས་ཐོག་ལ་སྔར་བས་དམ་དྲག་བྱ་རྒྱུའི་ཆེད་དུ་དམིགས་པའི་བཀོད་ཁྱབ་ཨང་༡༩ ཟེར་བའི་བསྒྲགས་གཏམ་ལ་སྐྱོན་བརྗོད་གནང་ཡོད་པ་རེད་འདུག
དེ་ཡང་ Brussels བོད་ཀྱི་སྐུ་ཚབ་དོན་གཅོད་ཁང་གིས་ཕྱི་ཟླ་༡༢ པའི་ཚེས་༢༠ རེས་གཟའ་ལྷག་པའི་ཉིན་གནས་ཚུལ་སྤེལ་བའི་ནང་། ཡོ་རོབ་མཉམ་འབྲེལ་སྒྲིག་འཛུགས་དང་རྒྱ་ནག་གི་འབྲེལ་ལམ་གྱི་ཐོག་ལ་ཡོ་རོབ་གྲོས་ཚོགས་ཀྱིས་བཏོན་པའི་སྙན་ཐོ་གསར་པའི་ནང་། རྒྱ་ནག་གཞུང་གིས་བོད་ནང་གི་བོད་མི་ཚོའི་ཤེས་ཡོན་དང་། ཆོས་ལུགས། རིག་གཞུང་དང་སྐད་ཡིག་གི་ཐོབ་ཐང་རྣམས་རྩིས་མེད་རྡོག་རོལ་གཏོང་བའི་བྱ་སྤྱོད་དང་། བོད་ཀྱི་རིག་གཞུང་དང་ངོ་བོ་རྩ་མེད་བཟོ་རྒྱུའི་སྲིད་ཇུས་སོགས་གསལ་སྟོན་གནང་སྟེ། རྒྱ་ནག་གཞུང་གིས་བོད་ནང་དུ་ལག་བསྟར་བྱེད་བཞིན་པའི་རྒྱ་ནག་ཅན་དུ་བསྒྱུར་བའི་སྲིད་ཇུས་ལ་སྐྱོན་བརྗོད་ཤུགས་ཆེ་གནང་ཡོད་པ་རེད།
ད་དུང་སྙན་ཐོའི་ནང་རྒྱ་ནག་གཞུང་གིས་བོད་ནང་དུ་བོད་ཕྲུག་རྣམས་དང་སྔོན་འགྲོའི་སློབ་གྲྭའི་སློབ་མ་རྣམས་བཅའ་སྡོད་སློབ་གྲྭར་བཅུག་པའི་བྱ་སྤྱོད་འཕྲལ་དུ་མཚམས་འཇོག་བྱ་དགོས་པའི་འབོད་སྐུལ་གནང་ཡོད་ལ་བོད་ནང་གི་བོད་ཕྲུག་རྣམས་བཅའ་སྡོད་སློབ་གྲྭར་བཅུག་པའི་སྲིད་ཇུས་བཀོད་སྒྲིག་བྱེད་མཁན་དང་སྲིད་ཇུས་དེ་ལག་བསྟར་བྱེད་མཁན་གྱི་རྒྱ་ནག་གི་འབྲེལ་ཡོད་དཔོན་རིགས་རྣམས་ལ་ཉེས་ཆད་གཏོང་དགོས་པའི་འབོད་སྐུལ་ཡང་གནང་འདུག
ད་དུང་སྙན་ཐོའི་ནང་དུ་རྒྱ་ནག་གཞུང་གིས་ཆོས་ལུགས་ཀྱི་བྱེད་སྒོ་སྤེལ་ཡུལ་དུ་དམ་དྲག་བྱ་རྒྱུའི་ཆེད་དུ་དམིགས་པའི་བཀོད་ཁྱབ་ཨང་༡༩ ཟེར་བའི་བསྒྲགས་གཏམ་སྤེལ་བ་དེ་ནི། འདི་ལོའི་ཕྱི་ཟླ་དགུ་པའི་ཚེས་༡ ནས་དངོས་སུ་ལག་བསྟར་བྱས་པ་དེའི་དམིགས་ཡུལ་ནི། བོད་ནང་དང་རྒྱ་ནག་ནག་གི་ས་ཁུལ་གཞན་ཁག་ཏུ་ཆོས་ལུགས་ཀྱི་རང་དབང་ལ་སྔར་བས་དམ་དྲག་བྱ་རྒྱུའི་ཆེད་དུ་ཡིན་པའི་སྐྱོན་བརྗོད་གནང་ཡོད་པ་མ་ཟད། ཡོ་རོབ་གྲོས་ཚོགས་ནས། རྒྱ་ནག་གཞུང་ལ། ཆོས་དད་རང་དབང་སོགས་ལ་བརྩི་བཀུར་དང་འགན་ལེན་སྐྲུན་དགོས་པ་དང་། སོ་ལྟ་བྱེད་པ་དང་དྲག་རྩུབ་ལག་བསྟར་བྱེད་པ། བཙོན་འཇུག་དོ་དམ་བྱེད་པའི་བྱ་སྤྱོད་རིགས་མཚམས་འཇོག་བྱ་དགོས་པ་དང་ཆོས་ལུགས་ཀྱི་དབུ་ཁྲིད་དང་མང་ཚོགས་ལ་འཇིགས་སྐུལ་བྱེད་པའི་བྱ་སྤྱོད་མཚམས་འཇོག་བྱ་དགོས་པའི་འབོད་སྐུལ་གནང་འདུག
གསར་འགོད་པ། གཡུ་སྒྲོན།
རྩོམ་སྒྲིག་པ། རིག་ལྡན་སྒྲོལ་མ།
དྲྭ་ཐོག་རྩོམ་སྒྲིག་པ། དཔལ་ལྡན་རྒྱལ།
དྲྭ་ཐོག་སྤེལ་མཁན། ཡེ་ཤེས་བཀྲ་ཤིས།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨེ་ཤེ་ཡ་རང་དབང་རླུང་འཕྲིན་ཁང་གི་སྐད་ཡིག་སྡེ་ཚན་ཕལ་ཆེ་བ་སྒོ་བརྒྱབ་རྒྱུའི་གསལ་བསྒྲགས།
- རྒྱ་གར་གྱིས་པ་ཀིསྟན་ནང་གི་དྲག་སྤྱོད་པའི་ས་ཚིགས་ལ་རྒོལ་རྡུང་བཏང་བར་རྒྱ་ནག་གིས་བློ་འགྱོད་ཡོད་སྐོར་བརྗོད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཇོ་ནང་རྒྱལ་ཚབ་རིན་པོ་ཆེ་དང་། ཤར་སྤྲུལ་རིན་པོ་ཆེ། དགེ་བཤེས་ལྷུན་གྲུབ་བཟོད་པ་རིན་པོ་ཆེའི་ཡང་སྲིད་གཙོས་པའི་ཕྱི་ནང་གི་དད་ལྡན་པར་མཇལ་ཁ་སྩལ་བ།
- བཀའ་ཟུར་བཀྲ་ཤིས་དབང་འདུས་ལགས་འདས་གྲོངས་སུ་གྱུར་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་དཀའ་ཁག་ཆེ་བའི་དུས་སྐབས་འདིར་༸རྒྱལ་དབང་རིན་པོ་ཆེ་ཡོད་བསམ་ནས་བློ་བདེ་པོ་བྱོས་ཞེས་མཇལ་བཅར་བ་ཚོར་བཀའ་སྩལ་མཛད་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ཨ་རྒྱ་གཉིས་ཀྱི་ཚོང་དམག་ཁྲོད་བཟོ་གྲྭ་མང་པོ་སྒོ་བརྒྱབ་པའི་རྐྱེན་གྱིས་རྒྱ་ནག་གི་ས་ཁུལ་གང་སར་ལས་མིས་ངོ་རྒོལ་བྱེད་བཞིན་འདུག
- ༸རྒྱལ་བའི་ཡང་སྲིད་དང་། རྒྱ་ནག་དམར་ཤོག་གཞུང་གི་ངན་བྱུས།
- ༸གོང་ས་༸སྐྱབས་མགོན་ཆེན་པོ་མཆོག་གིས་ཚང་མ་མཐུན་སྒྲིལ་ཐོག་མཉམ་གནས་ཐུབ་རྒྱུ་དེ་མགོན་པོ་མཆོག་གི་ཐུགས་རེ་གཙོ་བོ་ཡིན་ཞེས་རྒྱ་རིགས་ཚན་རིག་པ་ཚོར་བཀའ་སྩལ་མཛད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་བསྟན་འགྲོ་སྤྱིའི་དོན་དུ་མཛད་འཕྲིན་མུ་མཐུད་བསྐྱང་རྒྱུའི་བཀའ་བཞེས་ཕེབས་སོང་།
- ཨ་རིའི་ཕྱི་སྲིད་ལས་ཁུངས་ཀྱི་འཛིན་སྐྱོང་སྒྲོམ་གཞི་བསྐྱར་སྒྲིག་ཁྲོད། སྲིད་སྐྱོང་སྤེན་པ་ཚེ་རིང་ལགས་ཀྱིས་བོད་དོན་དམིགས་བསལ་འབྲེལ་མཐུད་པ་ཕྱི་སྲིད་དྲུང་ཆེའི་ཐད་ཀར་འོག་ལས་གནས་བསྐོ་བཞག་ཡོང་བའི་འབོད་སྐུལ་གནང་འདུག