རང་དབང་འཐབ་རྩོད་ཆེད་རྐྱེན་འདས་གྱུར་བའི་བོད་མིའི་དྲན་རྟེན།

༄༅༎བཙན་བྱོལ་ནང་གི་བོད་མི་ཚོས་བོད་རང་དབང་འཐབ་རྩོད་ནང་རྐྱེན་འདས་སུ་གྱུར་བ་བོད་མི་ཚོའི་དྲན་རྟེན་གྱི་ཆེད་དུ་རྡོ་རིང་ཞིག་གསར་འཛུགས་གནང་གི་ཡོད་པ་རེད།

ཉེ་ཆར་ཕྱི་ཟླ་གསུམ་པའི་ནང་སྐོངས་འཚོགས་གནང་བའི་བོད་མི་མང་སྤྱི་འཐུས་ཚོགས་ཐེངས་བདུན་པའི་ཐོག་གྲོས་མཐུན་བྱུང་བ་བཞིན་བཙན་བྱོལ་བོད་མི་ཚོས་བོད་ནང་རྒྱ་ནག་གཞུང་གི་དབང་བསྒྱུར་འོག་རང་དབང་འཐབ་རྩོད་ཀྱི་ལས་འགུལ་ཁག་ནང་རྐྱེན་འདས་སུ་གྱུར་བའི་བོད་མི་ཚོའི་དྲང་བདེན་གྱི་འཐབ་རྩོད་དང་སྙིང་སྟོབས་སོགས་ལ་རྗེས་སུ་ཡི་རང་དང་གདུང་སེམས་མཉམ་སྐྱེད་བཅས་ཀྱི་ཐོག་ནས་རྐྱེན་འདས་སུ་གྱུར་བའི་བོད་མི་ཚོའི་དྲན་རྟེན་གྱི་ཆེད་དུ་རྡོ་རིང་ཞིག་གསར་འཛུགས་གནང་རྒྱུའི་དངོས་སུ་ཐག་གཅོད་བྱུང་ཡོད་པ་རེད། དྲན་རྟེན་གྱི་རྡོ་རིང་དེ་གསར་བཞེངས་གནང་རྒྱུའི་ཆེད་དུ་རྒྱ་གར་དང་བལ་ཡུལ།འབྲུལ་ཡུལ་བཅས་པའི་ནང་གཏན་ཞུགས་གནང་མཁན་བོད་མི་ཚོས་རྒྱ་གར་གྱི་ཤོག་སྒོར་གསུམ་རེ་ཞལ་འདེབས་བསྡུ་རུབ་གནང་བ་དང་དེ་བཞིན་ཨ་མི་རི་ཀ་ལ་སོགས་པའི་ཕྱིའི་རྒྱལ་ཁབ་ཁག་ནས་ཨ་སྒོར་རེ་བསྡུ་རུབ་གནང་ཡོད་པ་རེད། དྲན་རྟེན་གྱི་རྡོ་རིང་དེ་བཞེངས་ཡུལ་གྱི་ས་གནས་འོས་འཚམ་ཞིག་བོད་མི་མང་སྤྱི་འཐུས་ལྷན་ཁང་ནས་འདེམས་སྒྲུག་གནང་རྒྱུ་ཡིན་པ་རེད་བཞག